2 Samuel 23:8 - Bible Ni Thothup

⁸ Ba’aray fithingan e pi salthaw rok David ni yad ba gilbugwan: en ni som’on e Josheb Basshebeth nu Tachemon, ni ir e ga’ ko “Fare Dalip”; ni cham ko sarey rok ngak meruk mir’ay i pumo’on nge thang e pogofan rorad u ta’abyay i mael.

2 Samuel 23:8 Referans Kwoze

1 Kronicles 27:2

Ba’aray pi’in ga’ ko salthaw u reb e pul ngu reb: Bin m’on e pul: Jashobeam nib mo’on ni fak Zabdiel (Ir reb i chonggin fare ke girdi’ rok Perez, ni bang ko ganong rok Judah) Bin l’agruw e pul: Dodai ni reb i owchen Ahohi (Mikloth e ir e migid ngak) Bin dalip e pul: Benayah nib mo’on ni fak Jehoyada nib prist; ni ir e tolang ko “Fare Guyey” (Ammizabad nib pagel ni fak e yan nga luwan nge ga’ ko salthaw ko re ulung ney) Bin aningeg e pul: Asahel, nib mo’on ni walagen Joab (Zabadiah ni fak e yan nga luwan) Bin lal e pul: Shamhuth, be’ ni owchen Izhar Bin n’el e pul: Ira nib mo’on ni fak Ikkesh nu Tekoa Bin medlip e pul: Helez, ni be’ u Palon u Efraim Bin meruk e pul: Sibbekai nu Hushah (ir reb i chonggin fare ke girdi’ rok Zerah, ni bang ko ganong rok Judah) Bin mereb e pul: Abiezer nu Anathoth ni bay u lan e gin nib milsuwon ko ganong rok Benjamin Bib ragag e pul: Maharai nu Netofah (ir reb i chonggin fare ke girdi’ rok Zerah) Bin ragag nge ta’reb e pul: Benayah nu Pirathon ni bay u lan e gin nib milsuwon ko ganong rok Efraim Bin ragag nge l’agruw e pul: Heldai nu Netofah (ir reb i owchen Othniel)

1 Kronicles 27:32

Jonathan, ni be’ ni pumo’on ni walagen e chitamngin David fa chitiningin, ni ir be’ ni rib salap ko fanow. I ir nge Jehiel nib mo’on ni fak Hakmoni e ba milfan ngorow i skulnag fapi pagel ni fak e pilung.

1 Kings 1:8

Machane Zadok ni prist nge Benayah nib mo’on ni fak Jehoyada, nge Nathan ni profet, nge Shimei, nge Rei, nge pi salthaw ni matanagen David e dar folgad ngak Adonijah.

1 Kronicles 11:10

Ba’aray pi salthaw rok David nib gilbugwarad. Ra pethgad ngak e tin kabay e girdi’ nu Israel, ngar ayuweged David nge mang pilung, ni bod ni micheg SOMOL, miyad tay e gin suwon nib gel lungun.

Judges 15:15

Me guy ba yododan e dongki ni kafni yim’, me lumel nga but’ nge thiy pa’ ngay, me li’ reb e bbiyu’ e pumo’on ngay.

2 Samuel 10:7

Me rung’ag David murung’agen e ren’ey me l’oeg Joab nge fare raba’ i salthaw ni ga’ngin ni ngar togopluwgad ngorad.

1 Kronicles 27:1

Ba’aray babyoren pi lolgen e pi tabnaw nu Israel nge pi mitethin ko yuke girdi’ nge pi ga’ ni yad ma tay murung’agen e maruwel u lan gil’ilungun fare pilung. Ra reb e pul u reb e duw ma reb fare ulung ni rliw’ nge aningeg e bbiyu’ e pumo’on riy e ngar marwelgad u tan pa’ e en nib ga’ ko salthaw ko binem e pul.