2 Samuel 22:4 - Bible Ni Thothup

⁴ Kug non ngak SOMOL, ma ke ayuwegneg rok e pi to’ogor rog. Nga ni pining e sorok ngak SOMOL!

2 Samuel 22:4 Referans Kwoze

Psalms 18:3

Gu pining SOMOL, me ayuwegneg u pa’ e pi to’ogor rog. Ngan pining e sorok ngak SOMOL!

Revelation 5:12

miyad tang ni ba ga’ lamrad ni be lungurad: “Fare Fak e Saf nli’ ngem’ e bay rogon ni nge mil suwon urngin ban’en ngak, min pi’ e fla’ab ngak, nge gonop, nge gelngin, min tayfan, min gilnag buguwan, minog e sorok ngak!”

Roma 10:13

Ni bod ni be yog e babyor nib thothup ni be ga’ar, “En nra pining fithingan Somol ni nge ayuweg e ra fos nike thap ngak Got.”

Psalms 116:2

Ma motoyil ngog ni gubin yay ni gu ra pining.

Psalms 96:4

I SOMOL e ba sorok, ere thingar ni pining e sorok ngak; thangri ga’ madgun u wun’uy ngak urngin e pi got.

Psalms 48:1

I SOMOL e ba ga’ ma ngan pining e bin th’abi tolang e sorok ngak u lan fare binaw rok e Got rodad, ngu daken e burey rok nib thothup.

Revelation 4:11

“Somol romad ma Got romad! Bay rogom ni nganog e sorok ngom, min tayfam, ma bay rogom ni nge mil suwon urngin ban’en ngom. Ya gur e mu sunumiy urngin ban’en, ma gur e mu leamnag miyad sum ni yad bfos.”

Psalms 116:17

Bay gu pi’ ngom e maligach ni ogmagaer mu gu pi’ e meybil rog ngom.

Psalms 116:13

Bay gu chibiy ngalang fare kap ni fan ko mat’aw ngak mu gu pining fithingan SOMOL,

Psalms 116:4

Ma aram mu gu pining SOMOL ni lungug, “SOMOL, wenig ngom mu ayweg e pogofan rog!”

Psalms 106:2

Mini’ e rayag rok ni nge weliy gubin e pi maang’ang nike rin’. Mini’ e ra gaman e sorok ni nge pining ngak?

Psalms 66:2

Mu tang niged feni gilbugwan fithngan; mu pininged e sorok ngak nge mus nga rogon!

Psalms 56:9

Rofen ni gu ra piningem, e ra cheal e pi to’ogor rog ngar sulod. Ya gu manang ni arrogon: Got e bay u ba’rog

Psalms 55:16

Machane gu be ning e ayuw ngak SOMOL ni Got, ma bayi ayuwegneg.

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Psalms 34:6

Pi’in ndabiyag ni ngar ayuweged yad e yad ra non ngak, me fulweg lungrad; me chuwegrad u fithik’ urngin e gafgow nike yib ngorad.

Nehemiah 9:5

I Jeshua, nge Kadmiel, nge Bani, nge Hashabneyah, nge Sherebiah, nge Hodiah, nge Shebaniah, nge Pethahiah ni yad bogi Levite e rogned ni nga ni pining e sorok ngak Got ni nge lunguy: “Mu sak’iygad ngam pininged e sorok ngak SOMOL ni Got romed; ngu’um pininged e sorok ngak ni dariy n’umngin nap’an. Nge gubin e girdi’ ma nge pining e sorok nga feni gilbugwan fithingam, ni yugu ara’ rogon ni sorok ni bay i pining e girdi’ ngom e dabi gaman.”

2 Kronicles 20:22

Nap’an nra tababgad ko tang me balyangnag SOMOL fa raba’ i salthaw ni karbad ni mael.