2 Samuel 22:14 - Bible Ni Thothup

¹⁴ Me gagiyegnag SOMOL ngi i chub e dirra’ u lanelang, min rung’ag laman Got nib Th’abi Tolang.

2 Samuel 22:14 Referans Kwoze

1 Samuel 2:10

Pi to’ogor rok SOMOL e bay ni thirifrad u but’; bayi par u tharmiy nge non ngorad ni gowa dirra’. I SOMOL e bayi pufthinnag e fayleng ni ga’ngin; bayi pi’ gelngin fare pilung ni ir e turguy, bayi gagiyegnag fare pilung ni mel’eg ngi i gel.”

Revelation 11:19

Me mab e Tempel rok Got u tharmiy, ma fare Kahol ko M’ag rok Got e ni guy u lan e Tempel rok. Me matmat e uluch, me yan lingan bogi n’en, ma be chub e dirra’, me yib ba durru’, me mul e ayis ni gagang’ yang u lang nga but’ ni bod e n’uw.

Ezekiel 10:5

Lingan pon fa pin’em nib fos e mus nga wuru’ e yoror min rung’ag lingan ngay. Ni lingan e bod lungun Got ni Gubin ma Rayag Rok.

Isaiah 30:30

I SOMOL e bayi gagiyegnag nge rung’ag gubin e girdi’ lungun ni yima rus ngay’, miyad thamiy gelngin e damumuw rok. Ra yib e nifiy, nge n’uw nib tomgin nib almarin, nge malang ni bay e nifiy riy ni be mulmul, nge n’uw ni sarbul.

BABYOR NI JOB 40:9

Mog, ta’reb rogon gelngim ngog? Rayag ni nge dirra’ lungum ni bod gag?

1 Samuel 7:10

Nap’an ni be pi’ Samuel fare maligach, ma ke chugur e pi Filistine ngak piyu Israel ni aram e ngar chamgad ngorad; ka chingiyal’ nem me non SOMOL u tharmiy nib togopluw ko pi Filistine ni bod e dirra’ ni be chub. Miyad balyang ngar milgad ni kar rusgad.

Judges 5:20

Pi t’uf u lang e ru’uned ko cham; yad be yan u lanelang ma yad be cham ngak Sisera.

Exodus 19:6

bay mpired ni gimed girdi’en ba nam ni gimed be pigpig ngog ni kam manged prist, ma kemus ni gag e ke mil suwmed ngog. Ireray e n’en nthingar mog ngak piyu Israel.”