2 Samuel 21:17 - Bible Ni Thothup

¹⁷ Machane me yib Abishai ni be’ nib pumo’on ni fak Zeruyah nge yib i ayuweg David, nge cham ngak fare pumo’on nib pag ga’ngin, nge thang e fan rok. Ma aram me yog e salthaw rok David ngak ni nge micheg ngorad ndabki un ngorad ko mael bi’id. I lungurad ngak David, “I gur e l’agan’ rok yu Israel, ma dubmad ni ngamum’ romad.”

2 Samuel 21:17 Referans Kwoze

1 Kings 11:36

Bay gu pag ta’reb e ganong nge par u pa’ fak Solomon, ya gubin ngiyal’ ni ngi i par reb i owchen e tapigpig rog i David ni be gagiyeg u Jerusalem, ni fare binaw ni ku gu turguy ni ir e ngu’un liyor ngog riy.

2 Samuel 18:3

Me lungurad, “Thingar dab mu’un ngomad ngdarod. Ya dariy rogon u wan’ e pi’in ni kar togopluwgad ngom ni fa’an gamad ra pig i cheal nggu milgad fa nli’ baley ko girdi’ rodad; me gur e susun e ragag bbiyu’ i gamad. Kabfel’ ni ga ra par u roy u lan binaw ngu’um pi’ e ayuw nge yib ngomad.”

Psalms 132:17

U roy e bay gu gagiyegnag reb i owchen David riy nge mang reb e pilung ni ba ga’; u roy e bay gu tay riy nge par nib mudugil e gagiyeg ni nge tay e en ni kug turguy ni nge mang pilung.

1 Kings 15:4

Machane bochan David me pi’ SOMOL ni Got rok fak Abijah nib pagel ni nge gagiyeg nga tomuren u lan yu Jerusalem mi i ayweg yu Jerusalem ndabi buch ban’en riy.

John 5:35

I John e immoy ni bod ba magal ni i mat ngi i gal ram’en, ma ba ngoch nap’an ni mpired nib m’agan’med nga ram’en.

Psalms 144:10

Ga ma gagiyegnag nge gel e pi pilung ma ga ma chuweg David ni tapigpig rom u pa’ e riya’.

Psalms 46:1

I Got e ir e manaf rodad me ir gelngidad, gubin ngiyal’ nike fal’eg rogon ke par nra yib e oloboch ngodad me ayuwegdad.

2 Samuel 22:29

SOMOL, i gur e tamilang rog; gur e kam chuweg e lumor ni ug par u fithik’.

2 Samuel 22:19

Nap’an ni yib e gafgow ngog miyad og ngog, machane SOMOL e i yororiyeg.

2 Samuel 14:7

Siro’, chiney e urngin pi girdi’eg ma kar togopluwgad ngog ma yad be yog ngog ni nggu pi’ fare pagel ni fakag ngorad, ya ngar thanged e fan rok ni bochan e ke thang e fan rok walagen. Fa’anra yad ra yodroy, ma gu ra par ni dakriy e pagel ni fakag. Yad ra thang e ta’are n’en nma lagan’ug ngay me par figirngig ni dakriy fak ni pagel ni ngki tunguy fithingan.”

Jeremiah 40:15

Ma aram me non Johanan ngak ni go’ yow ni ga’ar, “Mu pageg nggu wan gu thang e fan rok Ishmael, ni dariy be’ nra nang ko mini’ e ke li’. Mangfan ni ngan l’oeg ni nge li’em ngamum’? Ya ra k’aring e pi Jew ni ka ra mu’ulung gad nga to’bem ngar werwergad, ma ra girengiy e riya’ nga daken gubin e girdi’ ni magach u lan yu Judah.”

2 Samuel 18:2

Me pi’rad ngranod ni yad dalip ulung, ma ke tay Joab nge Abishai ni walagen Joab, nge Ittai ni be’ u Gath nra bagayad ma ke mil fan baraba’ e salthaw ngak. Me ga’ar David ni Pilung ngak e salthaw rok, “Bay gu un ngomed ngdarod.”