2 Samuel 21:10 - Bible Ni Thothup

¹⁰ Me Rizpah ni ku reb e bpin rok Saul, ni fare pin ni fak Aiah e fek e mad ni tutuw nge ngongliy bochi tent riy u daken fare war ni bay fapi ldow riy ngi i par u tanggin, me par u rom u nap’an ni kan tabab i t’ar wom’ngin e woldug nge mada’ nga nap’an e autumn nike yib e n’uw. Ra rran me lang e arche’ ni yad be yib ko fapi ldow, mra nep’ miki ayuweg fapi ldow ndabi yib e gamanman ni malboch ngorad.

2 Samuel 21:10 Referans Kwoze

Deuteronomy 21:23

ma dab ni pag u rom nge af nga reb e rran. Thingar ni k’eyag ni ka rofen nem, ni bochan e ba yam’ ni kan tining ngalang ko ren e ra fek i yib nga daken e binaw e buchwa’athan rok Got. Ere mu k’eyeged fare yam’, ya nge dab mu ta’ay niged fare nam ni bayi pi’ SOMOL ni Got romed ngomed.

Zekariah 10:1

Nning e n’uw ngak SOMOL u nap’an ni be sum yuwan e gek’iy ko yu duw. I SOMOL e ma pi’ e manileng ni baye n’uw riy nge aw, ni nge galunglung nag e yung i flang ni fan ngak gubin e girdi’.

Joel 2:23

’Mu felfelan’gad e girdi’ nu Zion, mu felfelan’ gad ni bochan e tin ke rin’ SOMOL ni Got romed ngomed. Ke pi’ ngomed e n’uw ni bfel’ urngin ko ngiyal’ ndabisiy ni nge yag ngomed, ni bod ni i rin’, ma ke pu’og e n’uw nga but’ u nap’an e garbeb ni fan ngomed, ma ke pi’ e n’uw u ngal’an e yafang nike tabab e gowel ni bod ni i rin’ ko som’on.

1 Kings 21:27

Fa’ani mu’ Elijah ko welthin, me guchthuy Ahab e mad rok nge chuweg u daken, me yin’ e mad ni tutuw nga daken. Me par ndaki abich, mi i mol ni kabay fare tutuw ni mad u daken, mi i yan ni kari kireban’.

2 Samuel 3:7

Me yan i reb e rran me non Ishbosheth ni be’ ni pumo’on ni fak Saul ni be togopluw ngak Abner ni be yog ni kar pirew Rizpah ni reb e bpin rok Saul, ni be’ ni fak Aiah.

Joel 1:18

Be moen e garbaw ni kar gafgowgad ya dakriy e yungin ngar ked e pan riy; fa yu ran’ i saf e ku arrogon ni kar gafgowgad.

Hosea 6:3

Ngad guyed rogon ngad nanged SOMOL. Bay yib ngodad ni bod feni muduwgil nma puf e woch ara bod e n’uw nma aw u ngal’an e n’uw.”

Ezekiel 39:4

I Gog nge raba’ i salthaw rok nge pi’in karmanged ngak e bay ra thiggad ni karm’ad u daken fapi burey nu Israel, ma bay gu pag e ldow rorad nge mang ggan ko urngin e arche nge gamanman ni malboch.

Jeremiah 14:22

Dariy reb fapi liyos ko pi nam nrayag ni nge gagiyegnag nge aw e n’uw; lanelang ni go’ ir rok, e dabyag ni nge gagiyegnag nge aw e n’uw. SOMOL, ni Got romad, ku gu pired ni gur e ke l’agan’mad ngom, ya gur e ga be rin’ e pin’ey.

Deuteronomy 21:13

me thilyeg e mad rok. Me par u tabnaw rom i gur fare mo’on nge mowawnag e gal labthir rok nreb e pul, mfin mu le’engiy.

Deuteronomy 11:14

Ma fa’an gimed ra rin’, mra pi’ e n’uw nga daken e but’ romed ko ngiyal’ ni ba t’uf, u nap’an e autumn nge spring, ni bochan e nge yib wom’ngin e woldug ni grain, nge wayin, nge gapgep ni olive ni fan ngomed,

1 Samuel 17:44

Me non ngak David ni ga’ar, “Moy, ya ke mudugil ni nggu pi’ dowam ngak e arche’ nge gamanman ngar longuyed.”

Genesis 40:19

Ka dalip e rran ma aram e bayi chuwegem Farao u roy u kalbus me yog ngan th’ab k’angam. Me tiningem nga ba ley i gek’iy ma aram e bay yib e arche’ i longuy e ufin u dowam.”

1 Samuel 17:46

Daba’ e nge pi’em SOMOL nga pa’ag; bay ggel ngom, mu gu th’ab k’angam nggu luf lolugem, mu gu pi’ downgin e salthaw ko pi Filistine ngak e arche’ nge gamanman ngar longuyed. Ma bayi nang ga’ngin e fayleng ni yu Israel e bay ba Got rorad,

2 Samuel 21:11

Nap’an ni rung’ag David e n’en nike rin’ Rizpah,

Deuteronomy 21:22

“Fa’anra kan li’ be’ nib mo’on ke yim’ ni bochan e ke th’ab e motochiyel, ma kan tining ngalang ngab ley i ren,