2 Samuel 2:26 - Bible Ni Thothup

²⁶ Me tolul Abner ngak Joab, “Mog, aram e ngu’ud chamgow e chiney i yan ngaram ni dakriy e tal? Damur guy nra tomur riy ma dakuriy ban’en ni kabay ya kemus ni fanenikan? Gamad boch i pi girdi’en e nam romed. Bu uw n’umngin nap’an mfin mog ngak e pi salthaw rom ni ngar talgad i tulufmad?”

2 Samuel 2:26 Referans Kwoze

Jeremiah 46:14

“Mu weliy u lan e yochi binaw nu Egypt, ngu lan yu Migdol, ngu Memfis, ngu Tahpanhes: ‘Mu fal’eged rogomed ngam ayuwegned gimed; ya gubin e tiromed ban’en ni bay ni gathay u fithik’ e mael!

Acts 7:26

Me reb e rran riy me guy l’agruw ni’ u Israel ni yow be cham, me yan i guy rogon ni nge fal’eg thilrow. Me ga’ar ngorow, ‘Mu telmew, gimew walag; mang ni gimew be gafgow nagmew?’

Jeremiah 46:10

Irera’ e rran rok SOMOL ni Th’abi Tolang ma Gubin ma Rayag Rok: daba’ e nge fulweg taban e kireb; daba’ e nge gechignag e pi to’ogor rok. Saydon rok e nge longuyrad nge taw ko ngiyal’ nike fos, me unum e racha’ rorad nge taw ko ngiyal’ nike chum’er. Daba’ e En Gubin ma Rayag Rok e nge pi’ ni maligach gubin e pi’in ke gel ngorad u lan e lel’och u charen e lul’ ni Eufrates.

Hosea 11:6

Mael e bay yan u lan e pi binaw rorad nge t’ar e mab ko garog. Me li’ e girdi’ rog, ni bochan e yad be rin’ e n’en ni yad rorad e yad be leamnag ni bfel’.

Jeremiah 12:12

Ke yib e girdi’ daken gubin e yungi ted ni desert nib tolang ngalang ni ngar mogothgothgad. Ku gu pi’ e mael ni nge gathay ga’ngin fare nam; dariy be’ riy ni be par u fithik’ e gapas.

Jeremiah 4:21

Uw n’umngin nap’an ni ngguy e mael nike achngiy ma gu be rung’ag lingan e rappah?

Jeremiah 2:30

Ggechig nagmed, ma da mu lowgad; ya dabumed ni ngam pagedgag nggu yal’uwegmed. Ni gimed bod e gamanman ni layon nike damumuw be burtel, ngu’um thanged e pogofan rok e pi profet romed.

Isaiah 1:20

Machane fa’an gimed ra siyeg mi gimed togopluw ngog, ma aram e gafgow gimed ya ngam m’ad. I Gag SOMOL e kugog e pi thin ney.”

Proverbs 17:14

Ra tabab e tugthin ma bod e gin m’on e tha’al u ba teng; mu taleg ni dawri ga’ i yan.

Psalms 4:2

Gimed e girdi’, bu uw n’umngin nap’an ni nga mogned e thin ni kireb ngog? Uw n’umngin nap’an ni nge t’uf romed e n’en ni dariy ban’en ni bfel’ ngay ma gimed be lek e n’en nde riyul’?

2 Samuel 11:25

Me ga’ar David ngak fa’anem ni ka nol’oeg ke yib, “Ngamog ngak Joab ndabi mulan’, ya dabiyag ni ngan nang ko mini’ e ra yim’ ko mael. Mog ngak nge gelnag e mael ko re binaw nem miyad athamgiliy ngar koled.”

2 Samuel 2:16

Mra reb fapi salthaw me kol lolugen e en ni puluw rok u barba’ nge rugoy e saydon rok nga p’eyon, ma aram me thig nga but’ fa rliw’ nge aningeg i salthaw u ta’bochyang ni karm’ad. Aram e rengi n’en ni yima yog fithingan u lan yu Gibeon ni “Flang ko Saydon.”

2 Samuel 2:14

Me ga’ar Abner ngak Joab, “Ngad pinow nigew boch e pi salthaw ney ni kab pagel u barba’ ngu barba’ ngar chamgad ko talin e cham ngan guy ko mini’ e ra gel.” Me ga’ar Joab, “Errogon.”

2 Samuel 2:25

Ma pi pumo’on ko fare ganong rok Benjamin e ra mu’ulunggad ngar liyeged Abner bayay mranod ra pired nga p’ebgul bburey.

2 Samuel 2:27

Me fulweg Joab ni ga’ar, “Kug micheg u fithingan Got ni be par nib fos, ni fa’anmanga damunon, ma pi salthaw rog e dab ra talgad i tulufem nge mada’ ko gabul ni kakadbul.”