2 Samuel 19:8 - Bible Ni Thothup

⁸ Ma aram me sak’iy David ni Pilung nge yan i par nga but’ u to’oben i langan e garog ko binaw. Me rung’ag e salthaw rok ni bay u rom, miyad yib ra mu’ulunggad ngak. Ma ngiyal’nem e urngin piyu Israel ni kar milgad nra bagayad ma ke sul nga tabinaw rok.

2 Samuel 19:8 Referans Kwoze

2 Samuel 18:24

Ma bay David nike par nga but’ ko gin ba’aram ni bay u thilin e bin wuru’ nge bin langin e garog ko binaw. Me yan e en ni be matanag nga daken fare yoror ko binaw nge yan i sak’iy nga daken e chigiy ko garog; me changar me guy be’ nib mo’on ni be mil i yib ni go ir.

2 Samuel 18:4

Me ga’ar David ni Pilung, “Tin kam leam niged ni bfel’ e ir e nggu rin’.” Ma aram me sak’iy David u to’oben langan e garog ko binaw me yib e salthaw rok ngranod ni kan yuraba’nagrad ni yad yu biyu’ nge yu ra’ay.

2 Kings 14:12

Min gel ngak e pi salthaw rok Amaziah, ma gubin e salthaw rok nra milgad ngar sulod nga taferad.

1 Kings 22:36

Ma fa’ani gonowrug mi ni wereg e thin rok e salthaw nu Israel ni nge be’ me sul ko girok e nug nge binaw rok.

2 Samuel 19:3

Ere ranod ngalan binaw nder non bagayad, ni gowa yad bogi salthaw ni kar tamra’gad ni bochan e kar milgad ko mael.

2 Samuel 18:17

Miyad fek Absalom nga ron’ed ngalan ba low nib to’ar u fithik’ e gerger, miyad mun malang nga daken nge yan i par nib to’ulung i malang ni ba ga’ nike tharey Absalom. Me mil urngin piyu Israel ngar sulod mra be’ me yan nga tafen.

2 Samuel 15:2

Bayi n’en me od nri kadbul nge yan i sak’iy nga to’oben e kanawo’ u langan e garog ko binaw. Ma nap’an nra yib be’ ngaram ni bay ban’en nike buch rorow be’ ni ba’adag ni nge duwgiliy e en ni pilung e n’en ni ngan rin’ ngay, me pining Absalom fa’anem nge fith ngak e gin ni be’ riy. Ma nap’an e ra yog fare mo’on ngak e kun ganong e yib riy,

1 Samuel 4:10

Me cham e pi Filistine ngak piyu Israel nib el mirin; me waer piyu Israel ngranod nga taferad ni yad be mil. Ma ba pire’ e girdi’ ni yim’, ya 30,000 e salthaw nu Israel ni yim’.

2 Kings 8:21

Ere me yan Jehoram nge urngin e pi chariot rok nga Zair, ko gin ni yib i longbiyrad e pi salthaw nu Edom riy. Me nep’ me ir nge pi ga’ ko pi chariot rok e ra thaygad ngar milgad, ma pi salthaw rok e ra weargad ngranod nga taferad.