2 Samuel 19:39 - Bible Ni Thothup

³⁹ Me th’ab David nge urngin e salthaw rok e lul’ ni Jordan nga baraba’. Me faray owchen Barzillai me yibilay ngak Got, me sul Barzillai nga tabinaw rok.

2 Samuel 19:39 Referans Kwoze

Genesis 31:55

Me reb e rran riy nri kakadbul me pi’ Laban e felan’ ngak fa gali ppin ni fak nge pifak row me fal’eg wa’athrad, ma aram me pagrad nge sul nga tabinaw rok.

Ruth 1:14

Mi yow pag lamrow ngalang bayay ngar yorgow; ma aram me faray Orpa owchen e chitiningin figirngin ni aram e ke fingichiy, me sul ngak e girdi’ rok, machane Ruth e gamuchmuch ngak Naomi.

Genesis 47:7

Me fek Josef Jakob ni chitamngin i yib ngak Farao. Me yibilay Jakob Farao ngak Got.

1 Thessalonika 5:26

Urngin e pi’in kam walagyed u daken Kristus ni gimed ra mada’ ma ngam farayed owcherad nrogon e pi’in kar walaggad u daken Kristus.

Acts 20:37

Yad gubin ni yad be yor ma yad be gumuchmuch ngak Paul ma yad be faray owchen ni yad be fingichiy.

Luke 2:34

Me yibiliyrow Simeon ngak Got me ga’ar ngak Maria, ni chitiningin fachi tir, “Re tir ney e Got e ke duwgiliy ni ir e bo’or e girdi’ nu Israel ni nge mul ni bochan, ma bo’or e nge thap ngak Got; me ir e bayi mang ba pow ni yib rok Got ni bo’or e girdi’ ni bayi non nib togopluw ngay,

1 Kings 19:20

Me pag Elisa fapi garbaw, me lol’oeg Elijah, me ga’ar, “Nggu wan gu faray owchen e chitamag nge chitinag nggu fingichiyrow, mu gub ngdarow.” Me ga’ar Elijah, “Mman ngamub. Ya dab gu talegem!”

2 Samuel 14:33

Me yan Joab i weliy ngak e en ni pilung. Me pi’ fa en ni pilung e thin ni nge yib Absalom i guy, me yib i paraw nga but’ u p’eowchen e en ni pilung. Me faray e en ni pilung owchen Absalom.

2 Samuel 13:25

Me fulweg fare pilung, ni ga’ar, “Fakag, dangay, yugra tomal ngom ni nggubad ni gamad gubin.” Ma ri be tawasar Absalom, machane dem’ing fen fare pilung, me yog ngak Absalom ni nge yan.

2 Samuel 6:20

Me sul David nga tabinaw rok nge yan i guy girdi’en e tabinaw rok, me yan Mikal ni be’ ni bpin ni fak Saul nga wuru’ e naun ni nge mada’nag David. Me ga’ar, “En ni pilung nu Israel e ke gilnag buguwan e daba’! Ya ke chuweg madan u daken u p’eowchen e pi’in ni ppin ni tapigpig ko pi tolang ni bay nga tan pa’ ke darifannag ir!”

2 Samuel 6:18

Nap’an ni mu’ i pi’ e pi maligach, me yibilay e girdi’ nga fithingan SOMOL ni Gubin ma Rayag Rok.

1 Samuel 24:22

Me micheg David ngak nra rin’ ni aram rogon. Ma aram me sul Saul nga tabinaw rok, me sul David nge salthaw rok ko gin yad be mith riy.

Numbers 24:25

Me sul Balaam nga tafen, me yan Balak.

Genesis 47:10

Me yibilay Jakob Farao, nge mu’ me yan.

Genesis 45:15

Me faray owcherad ni yad gubin nra gumuchmuch ngak bagayad ma be yor.

Genesis 28:3

I Got ni Gubin ma Rayag Rok e nge fal’eg wa’atham ko mabgol rom nge pi’ ngom e bitir ni pire’, ngam mang chitamngin bo’or e nam.

Genesis 14:19

me yibilay ni ba’aray e thin ni yog, “I Got ni Th’abi Tolang, me ir e ngongliy e tharmiy nge but’, e nge fal’eg wa’athan Abram.

2 Samuel 19:38

Me ga’ar David ni Pilung, “Bay gu fek nge un ngog mu ug ayuweg nrogon ni ga ba’adag. Ma tin ni ga ba’adag ni nggu ayuwegnem riy e gu ra rin’.”