2 Samuel 19:24 - Bible Ni Thothup

²⁴ Ma aram me yib Mefiboseth, ni Saul e tutuw rok, ni ngar mada’gow David ni Pilung; ni ka nap’an ni chuw David ni Pilung u Jerusalem nge taw ko ngiyal’ ni sul riy nike gel ko mael me par Mefiboseth ndaki maluknag ay, ma daki puy roben, ara maluknag e mad rok.

2 Samuel 19:24 Referans Kwoze

Hebrews 13:3

Dab mpaged talin e pi’in ni ka nin’rad nga kalbus, ni ngu’um leam naged ni susuna gimed bay rorad u kalbus. Dab mpaged talin e pi’in yad be gafgow, ni ngam leam naged ni susuna gimed be un ko gafgow ni yad be tay.

Roma 12:15

Mu uned ko felfelan’ ngak e pi’in kar felfelan’gad, mi gimed un ko meyor ngak e pi’in yad be yor.

Matthew 6:16

“Ma fa’anra mpired ni kam paged e abich, ma dab mu kireb niged owchemed ni bod nma rin’ e pi’in yad ma madag girdi’ ni yad ma yan ni kar owchen i biliggad ni bochan e ngari nang urngin e girdi’ ni kar paged e abich. Dab mpaged talin, ni aram e kem’ay i pi’ puluwon ngorad ni polo’.

Jeremiah 41:5

me taw meruk i ragag e pumo’on nu Shekem, ngu Shiloh, nge yu Samaria. Kar puyed sorbarad ma kar guchthuyed e mad u dakerad ma kar rasayed dowrad. Kar feked e grain nge incense ni ngar pi’ed ni maligach u Tempel.

Isaiah 15:2

Me yan e girdi’ nu Dibon ngalang ko burey ngu’ur yorgad u tagil’ e meybil. Girdi’ nu Moab e ur gogo’ naged e gafgowan’ rorad ni bochan yu Nebo ngu Medeba; ra pupuyed lolugenrad nge soroberad u fithik’ e gafgowan’.

2 Samuel 16:3

Me fith David ni Pilung ngak ni ga’ar, “Bu uw Mefiboseth, ni masta rom, ni Saul e tutuw rok?” Me fulweg Ziba ni ga’ar, “Kabay u Jerusalem, ya be leamnag ni chiney e bayi fulweg piyu Israel ngak e nam nu Israel, ni Saul ni tutuw rok e i gagiyegnag kakrom.”

2 Samuel 15:30

Me forthog David i yan ko Burey nu Olives ni be yor, ndariy e sus u ay ma ke upunguy lolugen ni bochan e kari kireban’. Ma urngin e girdi’ ni yad be un ngak e ra upunguyed lolugrad ni ku yad be yor.

Exodus 19:10

Me ga’ar SOMOL ngak Moses, “Mman ngak e girdi’ ngamog ngorad ngar be’ech nigedyad e daba’ nge gabul ni fan ko liyor. Thingar ra maluk niged e mad rorad,

2 Samuel 9:11

Me fulweg Ziba ni ga’ar, “Pilung rog, gu ra rin’ urngin e tin ni ga ra yog.” Ma aram mi i un Mefiboseth ko abich u tebel rok David ni bod rogon reb fapi pumo’on ni fak David.

2 Samuel 12:20

Me suwon David u daken e faraf ngalang, nge maluk me rawey lolugen, me thiliyeg e mad rok. Me yan ngalan e naun rok SOMOL nge yan i paraw nga but’ me meybil ngak. Fa’ani sul ko naun rok me yog ni nga ni pi’ e ggan ngak, ma nap’an ni yugu ni fek i yib ngak me kay.

1 Kings 2:8

“Ma ku bay Shimei nib mo’on ni fak Gera, ni be’ ko binaw nu Bahurim ko nug nu Benjamin. Rib kireb e thin ni i yog ngog fa rofen ni gu wan nga Mahanaim, ma fa’ani yib ko lul’ ni Jordan mu gu micheg ngak u fithingan SOMOL ni dab gu pag ngan li’ ngem’.