2 Samuel 18:17 - Bible Ni Thothup

¹⁷ Miyad fek Absalom nga ron’ed ngalan ba low nib to’ar u fithik’ e gerger, miyad mun malang nga daken nge yan i par nib to’ulung i malang ni ba ga’ nike tharey Absalom. Me mil urngin piyu Israel ngar sulod mra be’ me yan nga tafen.

2 Samuel 18:17 Referans Kwoze

Joshua 8:29

Me uchiliy Joshua fare pilung nu Ai u ran’ bake gak’iy me pag u rom nge blayal’. Ma nap’an ni aw e yal’ me pi’ Joshua e thin ni ngan chuweg fare yam’ u rom, mi nin’ nga but’ nga langan e garog ko wub nga langgin fare binaw. Miyad tharey nga bo’lung i malang nge burey ngalang, ni kaba’ u rom ke mada’ ko daba’.

Joshua 7:26

Mar ulunguyed ba to’lung i malang nga daken ni kabay e pi malang nem u’ rom e daba’. Aramfan ni ku yima yog fithingan e re gin’em ni Loway ko Wagagey. Ma aram me m’ay e damumuw rok SOMOL.

Proverbs 10:7

Pi’in manigil e yad ra par ni bod ba tow’ath uwun’uy, machane pi’in kireb e dabi n’uw nap’an mi ni pagtilrad.

2 Samuel 20:22

Ma aram me yan fare pin ko girdi’ ko fare binaw nike turguy u wan’ e n’en ni ngan rin’, miyad th’ab lolugen Sheba ngar yin’ed u daken e yoror ngak Joab. Me thoy Joab e yabul ni pow ni nge chuw e salthaw rok ko fare binaw, mar sulod nga taferad. Me sul Joab nga Jerusalem ngak fare pilung.

2 Samuel 20:1

Ma yigi buch ni immoy be’ u Gilgal nde fel’ ngonglen ni Sheba fithingan ni be’ nib pumo’on ni fak Bikri, ni yib ko fare ganong rok Benjamin. Me thoy Sheba e yabul me tolul ni ga’ar, “Ngan dariyfannag David! Dab da leked! Pi pumo’on nu Israel, mmarod ngad sulod nga tafedad!”

2 Samuel 19:8

Ma aram me sak’iy David ni Pilung nge yan i par nga but’ u to’oben i langan e garog ko binaw. Me rung’ag e salthaw rok ni bay u rom, miyad yib ra mu’ulunggad ngak. Ma ngiyal’nem e urngin piyu Israel ni kar milgad nra bagayad ma ke sul nga tabinaw rok.

Joshua 10:27

Ma nap’an ni aw e yal’ me yog Joshua ni ngan pilig fapi yam nga but’ nga nin’ nga langgin fare yiy ni ur mithgad u langgin kafram boch. Min tay e malang ni gagang’ nga langan fare yiy, ni kabay e pi malang nem u rom e chiney.

Deuteronomy 21:20

Nge lungurow ngorad, ‘Re pagel ni fakmow ney e ba gelan’ mab tatogopluw, ma dar ma fol romow; ba ta adbey e salpiy mab tachingaw’.’

Deuteronomy 21:21

Ma aram e gubin e pumo’on u lan fare binaw e ngar malang niged fare pagel nge yim’, ya nge chuw e mitney e kireb u fithikmed. Ma urngin e girdi’ nu Israel ni yad ra rung’ag e tin ke buch, miyad ra rus.

1 Samuel 4:10

Me cham e pi Filistine ngak piyu Israel nib el mirin; me waer piyu Israel ngranod nga taferad ni yad be mil. Ma ba pire’ e girdi’ ni yim’, ya 30,000 e salthaw nu Israel ni yim’.

2 Kings 8:21

Ere me yan Jehoram nge urngin e pi chariot rok nga Zair, ko gin ni yib i longbiyrad e pi salthaw nu Edom riy. Me nep’ me ir nge pi ga’ ko pi chariot rok e ra thaygad ngar milgad, ma pi salthaw rok e ra weargad ngranod nga taferad.

2 Kings 14:12

Min gel ngak e pi salthaw rok Amaziah, ma gubin e salthaw rok nra milgad ngar sulod nga taferad.

2 Samuel 19:5

Me yan Joab nga tafen David ni Pilung me ga’ar ngak, “Kam tamra’nag e salthaw rom e daba’, ni yad e kar ayuweged e pogofan rom, nge pogofan rok pifakam ni pumo’on nge ppin, nge pi le’engim nge pi ppin rom.

2 Samuel 19:9

Ma gubin yang u daken e nam nu Israel ni be tugthin e girdi’ riy ni be lungurad, “I David ni Pilung e chuwegdad u tan pa’ e pi to’ogor rodad. I ayuwegdad rok e pi Filistine, machane chiney e ke mil rok Absalom ke chuw ko binaw.