2 Samuel 18:1 - Bible Ni Thothup

¹ Me kunuy David ni Pilung urngin e tirok e salthaw, me yuraba’nagrad ni yad yu biyu’ nge yu raay, me tayrad nga tan pa’ e pi tolang ko salthaw.

2 Samuel 18:1 Referans Kwoze

1 Samuel 8:12

Bayi tay boch i yad ni nge mil fan 1,000 e salthaw ngak, ma boch i yad e nge me mil fan wugem e salthaw ngak. Ma pifakmed ni pumo’on e yad e ngu’ur gi’ed e milay’ rok, ma yad be kunuy wom’ngin, ma yad be ngongliy talin e cham rok nge talin e maruwel ni fan ko pi chariot rok.

Joshua 8:10

Tanmadbiy me od Joshua nge kunuy e salthaw nga ta’bang. Ma ir nge pi’in yad ma yog e thin u Israel e ra gafaliyedrad i yan nga Ai.

Exodus 17:9

Me ga’ar Moses ngak Joshua, “Mmel’eg boch e pumo’on mi gimed yan ngam maelgad ngak e yu Amalek gabul. Bay gu sak’iy nga daken e burey ni bay fare ley i sog u pa’ag ni yog Got ni nggu fek.”

Exodus 18:25

Me mel’eg Moses e pumo’on nrayag e re maruwel ney rorad, me dugliyrad ni yad ba ga’ ko yu biyu’ nge yu ra’ay, nge yu wugem, nge yu ragag.

Numbers 31:14

Mri damumuw Moses ko fapi tolang ko salthaw

1 Samuel 22:7

me ga’ar ngak e pi tolang ko salthaw rok, “Mmotoyilgad, gimed e pi pumo’on ko Benjamin! Gimed be leamnag nra pi’ David e yungi flang nge yungi milay’ ni grape ngomed ni gimed gubin, ara taymed ni gimed e tolang ko salthaw rok?

Exodus 18:21

Ma tin kabay ni ngam rin’, e ngam mel’eg boch e pumo’on u fithik’ e pi girdi’ ney, ni bay madgun Got u wun’rad, ma rayag ni nge pagan’uy ngorad, ma daburad e sasalap. Ma ga ta’rad ni yad e ga’ ko yu ulung i girdi’ ni yu biyu’, nge yu ra’ay, nge yu wugem, nge yu ragag.

Deuteronomy 20:9

Nap’an nra mu’ e pi tolang ko salthaw ko numon ngorad, mi ni mel’eg e pi’in ngu’ur gafaliyed barba’ nge barba e salthaw.