2 Samuel 16:16 - Bible Ni Thothup

¹⁶ Hushai ni fa’anem nib pagan’ David ngak me ir e fager rok e mada’nag Absalom, me ga’ar, “Nge n’uw nap’an e en pilung! Nge n’uw nap’an e en pilung!”

2 Samuel 16:16 Referans Kwoze

2 Kings 11:12

Ma aram me pow’iy Jehoyada i Joash nga wean, me tay fare te’elyaw ko pilung nga daken lolugen, me pi’ bang i babyoren e motochiyel rok e pi’in ma gagiyeg ni pilung. Ma aram min gapgepnag Joash minog ni ir e pilung. Me waywaynag e girdi’ pa’rad mar tolulgad ni be lungurad, “Ngi i par e en ni pilung nib fos nib n’uw nap’an!”

1 Samuel 10:24

Me ga’ar Samuel ngak e girdi’, “Ba’aray fare mo’on ni SOMOL e ke duwgiliy! Dariy be’ u fithik’dad ni bod ir.” Ma urngin e girdi’ nra tolulgad ni be lungurad, “Nge n’uw nap’an ni par e en pilung!”

1 Kings 1:25

Daba’ e pire’ e garbaw nge saf nge pifak e garbaw nib sugsug nike pi’ ni maligach, ma ke pi’ e thin ke yan ngak urngin pifakam ni pumo’on, nge ngak Joab ni pilungen e salthaw rom nge ngak Abiathar ni prist ni ngarbad. Chiney e yad be madnom ma yad be tolul ni be lungurad, ‘Adonijah ni Pilung e nge par nib n’uw nap’an!’

Matthew 21:9

Ma fapi girdi’ ni pire’ ni pire’ ni yad bay ngam’on rok Jesus nge fapi girdi’ ni pire’ ni pire’ ni yad be lay u keru’ Jesus e ra tababgad ko tolul ni be lungurad, “Ke sorok Fak David! I Got e nge ayuweg e en ni ir e ke yib ni owchen Somol! Ke sorok Got!”

Daniel 6:21

Me fulweg Daniel ni ga’ar, “Pilung rog, ngu’um par ndariy n’umngin nap’an.

Daniel 6:6

Mranod ngar guyed e en ni pilung me lungurad ngak, “Darius ni Pilung, ngu’um par ndariy n’umngin nap’an!

Daniel 5:10

Me rung’ag chitiningin e en pilung laman e en ni pilung nge pi tolang ni bay nga tan pa’ nike yan lamrad ngalang, me yib nga langgin fare senggil ni yibe mur riy. Me ga’ar, “Pilung rog, ngu’um par ndariy n’umngin nap’an! Wenig ngom, dabi magafan’um ni er gelngin ngam par nike m’ay racha’en owchem.

Daniel 2:4

Miyad fulweg ngak e en ni pilung ni thin ni Aramaic ni lungurad, “Gur pilung e ngam par ndariy n’umngin nap’an! Mog e lik’ay rom ngomad, ma gamad weliy fan ngom.”

1 Kings 1:34

mu rom e nge gapgepnag Zadok nge Nathan lolugen Solomon riy ni aram e ke mang pilung nu Israel. Mi gimed thoy e yabul ngam tolulgad ni nge lungumed, ‘Solomon ni Pilung e nge par nib n’uw nap’an!’

2 Samuel 15:37

Ma aram me sul Hushai, ni fager rok David, ngalan binaw ko fa ngiyal’ ni ka fini taw Absalom ngaram.

2 Samuel 15:34

Machane ra mu sul ngalan binaw nge lungum ngak Absalom, ngu’ug pigpig ngom ni bod rogon ni ug pigpig ngak e chitamam, ma aram e rayag ni ngam ayuwegneg, ya ra um togopluw ko fonow ni be tay Ahithofel ngak Absalom.

2 Samuel 15:32

Fa’ani taw David nga p’ebugul e burey nga bangi n’en ni yima meybil riy ngak SOMOL, me mada’nag Hushai ni ba Arkite ni tafager rok ni be’ nib pagan’ ngak, ma ke guchthuy e mad rok ma ke tay e fiyath nga fithik’ i lolugen.

1 Kings 4:5

En th’abi ga’ u fithik’ fa pi’in yad bay u tan pa’: Azariah nib mo’on ni fak Nathan Tafnow rok e en pilung: Zabud ni prist nib mo’on ni fak Nathan