2 Samuel 16:15 - Bible Ni Thothup

¹⁵ Me yan Absalom nge urngin piyu Israel ni kar uned ngak ngalan yu Jerusalem, ni bay Ahithofel rorad.

2 Samuel 16:15 Referans Kwoze

2 Samuel 15:37

Ma aram me sul Hushai, ni fager rok David, ngalan binaw ko fa ngiyal’ ni ka fini taw Absalom ngaram.

2 Samuel 15:12

Ma nap’an ni be pi’ Absalom e gamanman ni maligach, miki pi’ e thin nge yan ngak Ahithofel ni bay ko binaw nu Gilo, ni ir reb fapi girdi’ ni yad ma puruy’ David ni Pilung. Re makath nem ni ngongliy Absalom nib togopluw ngak David ni Pilung e i yan ni bfel’ rogon, mi i yo’or e tirok Absalom e girdi’.

2 Samuel 16:14

David ni Pilung nge urngin e salthaw rok e nap’an nra tawgad ko lul’ ni Jordan ma ke aw porowrad, miyad toffan u rom.

2 Samuel 15:32

Fa’ani taw David nga p’ebugul e burey nga bangi n’en ni yima meybil riy ngak SOMOL, me mada’nag Hushai ni ba Arkite ni tafager rok ni be’ nib pagan’ ngak, ma ke guchthuy e mad rok ma ke tay e fiyath nga fithik’ i lolugen.