2 Samuel 15:32 - Bible Ni Thothup

³² Fa’ani taw David nga p’ebugul e burey nga bangi n’en ni yima meybil riy ngak SOMOL, me mada’nag Hushai ni ba Arkite ni tafager rok ni be’ nib pagan’ ngak, ma ke guchthuy e mad rok ma ke tay e fiyath nga fithik’ i lolugen.

2 Samuel 15:32 Referans Kwoze

Joshua 16:2

Me yan u Bethel nga Luz, me yan u rom nga Ataroth Addar, ko gin ni i par e pi Archite riy.

2 Samuel 1:2

Me reb e rran riy me taw be’ nib pagel ni yib ko gin ni ba’aram ni n’uf Saul nge pi salthaw rok e tent rorad riy ngar pired riy. Ma ke guchthuy e mad u daken, ma ke tay e but’ nga fithik’ i lolugen, ni aram e be dag ni kari kireban’. Me yib ngak David me yib i siro’ ngak ni aram e ke tay fan David.

Luke 19:29

Ma fa’ani chugur nga Bethfage nge nga Bethany ko burey nu Olive, me l’oeg l’agruw i gachalpen ngar m’onow

Psalms 91:15

Nap’an ni yad ra non ngog mu gu fulweg lungurad; mra yib e oloboch ngorad, ma gu bay rorad. Gu ra chuwegrad u fithik’ nggu tolang nagrad.

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Psalms 3:7

SOMOL, ni Got rog moy ngam ayuwegneg! Mu gechignag urngin e pi to’ogor rog, ngam pagrad nike m’ay gelingrad ni dabkiyag ni ngar maad’adgad ngog.

1 Kings 11:7

Mu daken e burey ko ngek u Jerusalem e ubung bangi ban’en riy ni ngu’un tayfan Kemosh riy, ni fare got ni sonogor nu Moab, nge bang ni ngu’un tayfan Molek riy, ni fare got ni sonogor nu Ammon.

2 Samuel 15:30

Me forthog David i yan ko Burey nu Olives ni be yor, ndariy e sus u ay ma ke upunguy lolugen ni bochan e kari kireban’. Ma urngin e girdi’ ni yad be un ngak e ra upunguyed lolugrad ni ku yad be yor.

2 Samuel 13:19

Me wereg e awat nga daken lolgen, me guchthuy fare mad rok, me upunguy owchen nga rifrifen pa’ nruw raba’ me yan ni be yor.

1 Samuel 4:12

Be’ nib mo’on ni yib ko ganong rok Benjamin e mil ko gin ba’aram ni un mael riy nge yib nga Shiloh, me yib i taw ngaram ni ka rofen nem. Ma ke guchthuy e mad rok ke tay e fiyath nga fithik’ i piyan lolugen ni nge dag gelngin e kireban’ nike tay.

2 Samuel 16:1

Nap’an ni ka fini pag David p’ebugul fare burey ke yan boch nga orel, mi yow mada’ Ziba ni fare tapigpig rok Mefiboseth, ma bay boch e gamanman ni dongki nike fek nike suguy daken keru’rad nga 200 yal’ e flowa ni gang’, nge 100 punug e grape ni ka ni gilk’ad, nge 100 punug wom’ngin e gek’iy ni yima kay ni ka fin nt’ar, nge ba tutuw ni keru’ e gamanman nike suguy ko wayin.

2 Samuel 17:5

Me ga’ar Absalom, “Nga ni pining Hushai e chiney nge yib, me non ngad rung’aged e tin ni nge yog.”

1 Kings 4:16

Baana nib mo’on ni fak Hushai: Asher nge binaw nu Bealoth

1 Kronicles 27:33

Ahithofel e ir e ma fanownag fare pilung, me Hushai nib Arkite ma fager rok en pilung ma ku ir reb e tafnow rok.

2 Samuel 16:15

Me yan Absalom nge urngin piyu Israel ni kar uned ngak ngalan yu Jerusalem, ni bay Ahithofel rorad.