2 Samuel 15:24 - Bible Ni Thothup

²⁴ Ma bay Zadok ni prist rorad, ma bay e pi Levite ni kar uned ngak yad be fek fare Kahol Ko M’ag, miyad tay nga but’ nge yan i mada’ ko ngiyal’ nike chuw urngin fapi girdi’ u lan fare binaw. Ma ku bay Abiathar ni prist rorad.

2 Samuel 15:24 Referans Kwoze

2 Samuel 8:17

I Zadok nib mo’on ni fak Ahitub, nge Ahimelek nib mo’on ni fak Abiathar e yow e prist; me Serayah e ir e tayol,

Numbers 4:15

Ma nap’an ra pig ni ngkur n’iged tagil’rad, ma fare ke girdi’ rok Kohath e ngarbad ni ngar feked fa pin’em nib thothup u tomuren nike mu’ Aron nge pi pumo’on ni fak i upunguy e pin’em nge gubin talin e maruwel riy. Fare ke girdi’ rok Kohath e thingar dabi math bagyad nga reb e pin’em nib thothup, ya ra yim’. Gubin ngiyal’ ni ngan mithmitheg fare Tent ma irera’ e pi maruwel ko fare ke girdi’ rok Kohath.

2 Samuel 20:25

Me Sheva e ir e tayol u kort; me Zadok nge Abiathar e yow e prist,

1 Samuel 22:20

Machane Abiathar, ni reb e pumo’on ni fak Ahimelek, e thay nge mil, nge yan ngak David.

Ezekiel 48:11

Re gin’ey e tafen fapi prist ni owchen Zadok. Pigpig ni urted ngog e yad ba yul’yul’ ngay ma dar uned ko tin kabay e girdi’ nu Israel ngu’ur rin’ed e kireb, ni bod e tin i rin’ chongin fare ganong ni Levi.

1 Kronicles 15:2

Ma aram me ga’ar, “Kemus ni pi Levite e yad ra fek fare Kahol ko M’ag, ni bochan e yad e pi’in ke mel’egrad SOMOL ni ngu’ur feked ma yad be pigpig ngak ni manemus.”

1 Kings 2:35

Me tay e en pilung Benayah ni ir e ga’ ko salthaw nge fek luwan Joab me tay Zadok ni prist nga luwan Abiathar.

1 Kings 1:8

Machane Zadok ni prist nge Benayah nib mo’on ni fak Jehoyada, nge Nathan ni profet, nge Shimei, nge Rei, nge pi salthaw ni matanagen David e dar folgad ngak Adonijah.

2 Samuel 15:35

Ma fa gal prist ni Zadok nge Abiathar e yow bay u rom, mra um weliy ngorow urngin e tin ni ga be rung’ag u tafen e pilung.

2 Samuel 15:27

Me ul ul ngay nge ga’ar ngak Zadok, “Mu sap, mu fek fare pagel ni fakam i Ahimaaz nge Jonathan ni fare pagel ni fak Abiathar ngam sulod ngalan binaw u fithik’ e gapas.

2 Samuel 6:13

Fapi girdi’ ni kar mat’niged fare Kahol ko M’ag e nap’an ni nga nel’ yay ni kar ruf’ed ayrad, me li’ David ba garbaw nge ba saf nib sugsug nge pi’ ngak SOMOL ni maligach.

1 Samuel 4:11

Me fek e pi Filistine fare Kahol ko M’ag rok Got, ma fa gali pagel ni fak Eli, ni aram Hofni nge Finehas, e ku nli’row ngar m’ow.

Joshua 6:6

Me pining Joshua fapi prist, nge weliy ngorad ni ga’ar, “Mfeked fare Kahol ko M’ag; me yan medlip i gimed nga m’on riy, ni yad be fek e yabul ni gagey ko saf ni pumo’on.”

Joshua 6:4

Ma medlip e prist, nra bagayad ma be fek reb e yabul ni gagey rok e saf ni pumo’on ngranod ni yad be m’on ma be lek fare Kahol ko M’ag rok SOMOL keru’rad. Ma chirofen ni nge gaman e medlip ngay e ngam marod e salthaw rom ngam liyeged e re binaw nem ni medlip yay, ni be thoy e pi prist e pi yabul nem ni gagey ko saf ni pumo’on.

Joshua 3:6

Ma aram me ga’ar Joshua ngak fapi prist, “Mat’egned fare Kahol ko M’ag ngam mon’od rok e girdi’!” Miyad rin’ ni bod nike yog.

Joshua 3:3

ngak e girdi’ nu Israel ni lungurad, “Nap’an ni gimed ra guy e pi prist ni yad be mat’eg fare Kahol ko M’ag rok SOMOL ni ir e Got romed, ma aram e ngam degdeggad ngam lekedrad.

Numbers 7:9

Machane de pi’ Moses reb e wagon ara reb e garbaw ngak e girdi’ ni owchen Kohath, ni bochan e tin thothup ni yad ma ayweg e ngu’ur feked u daken porad.

1 Kings 2:26

Ma aram me ga’ar Solomon ni Pilung ngak Abiathar ni prist, “Mu sul ko nam rom nga tafnam u Anathoth. Gur e rib fel’ ni nga mum’, machane dab gog ni ngan thang e fan rom e chiney, ni bochan e gur e um gagiyegnag fare Kahol ko M’ag rok SOMOL nnap’an ni um moy rok e chitamag i David, mu um un i chibiy urngin e tin ba mo’maw’ ni i yib ngak.”