2 Samuel 13:28 - Bible Ni Thothup

²⁸ me yog ngak e pi tapigpig rok ni ga’ar: “Mu fal’eged i yaliy Amnon ko ngiyal’ nike yo’or ban’en nike unum, ma aram e nap’an ni gu ra pi’ e thin nge yib, min thang e fan rok. Dab murusgad. Ya gag e bay gu fek malngin. Mu cheag niged gimed ma dab mu tuntun gad!”

2 Samuel 13:28 Referans Kwoze

Judges 19:6

Ma aram me par fagal pumo’on nga but’ ngar abichgow ma yow be garbad u ta’bang. Me’ere me ga’ar e chitamngin fare pin ngak fare pumo’on, “Wenig ngom mu falegan’um ngay ngam par e nep’ ney u roy.”

Judges 19:22

Kar pasloggad miy gur gin gad ma ke longbiy bogi pumo’on ni yad ba’adag e pumo’on fare naun miyad tabab i pirdi’iy e mab. Me lungurad ko fare labthir, “Mu fek i yib nga wean fare mo’on nike un ngom nga tafnam! Ya gamad ba’adag ni nggu ngongliyed e tin golong ngak!”

Judges 19:9

Ma nap’an niki fal’eg fare pumo’on, nge bpin rok, nge fare tapigpig rok rogorad ni ngranod, miki ga’ar e chitamngin fare pin, “Amguyed, chiney e ke chugur ni nge blayal’; kabfel’ ni gimed ra par u roy e nep’ ney. Dabkin’uw nap’an me nep’; mu falegan’um ngay ngam pired u roy e nep’ ney. Bayi gabul mi gimed od ni kakadbul ngam milekaggad nga tafenmed.”

Ruth 3:7

Fa’ani mu’ Boaz ko abich nge garbod, me par nike fel’ laniyan’. Me yan i pag ir nga but’ u to’oben fare ulung i barley nge mol. Me saf’og Ruth i yan nike n’ag lingan, nge yan i chuweg e gulgul u daken e rifrif u ay Boaz me pag ir nga but’.

Acts 5:29

Me fulweg Peter nge fa tin kabay e apostel ni lungurad, “Thingar gu folgad rok Got ko bin ni nggu folgad rok e girdi’.

Luke 21:34

“Mu ayuwgad, ma dab mpaged gimed ngu’um pired ni ba ga’ ni mur nike pag rogon nge mu’un rrum e gimed be muruwliy, nge pin’en nma magafan’uy ngay ko biney e tamilang, ya richey mi gimed da’da’ ko re Rran nem nike taw ngomed.

Nahum 1:10

Bod yu pa’ i rachangal nike ololoboch ko pan nike mlik’ gimed e pi ta chingaw’ e bay ni urfiymed!

Daniel 5:30

Ka re nep’ i n’em min thang e pogofan rok Belshazzar ni Pilung nu Babylon,

Eklesiastes 10:19

Mur e ra felfelan’ nigem ma wayin e ra ba’udeg lanin’um, machane galin’ey e dabiyag ngom ni fa’anra dariy e salpiy rom.

Eklesiastes 9:7

Man ngam abich ma ga be felfelan’, mu unum nunum wayin u fithik’ e felfelan’, bfel’ u wan’ Got.

Psalms 104:15

nge yib e wayin riy ni nge felfelan’ nagmad, nge gepgep ni olive ni nggu felan’gad ngay, nge flowa ni nge pi’ gelnginmad.

Ester 1:10

Me yan i gaman e medlip fen ko fare madnom rok fare pilung, ma ke yo’or e wayin nike unum fare pilung ke ba’ud e thin rok, ma aram me pining fa medlip i pumo’on ni eunuch ni yad ma pigpig ngak ni aram i Mehuman, Biztha, Harbona, Bigtha, Abagtha, Zethar, nge Karkas.

1 Kings 20:16

Me tabab fare mael ko misiw’, ko ngiyal’ nike chingnag Benhadad nge fa guyey nge l’agruw i tayugang’ u lan e pi tent rorad.

2 Samuel 11:15

I yoloy ngay ni ga’ar, “Mu tay Uriah nga mit e mael, ko gin nth’abi gel e mael riy, ma ga fulweg e salthaw nga wariyel ma ga pag ngan li’ ngem’.”

2 Samuel 11:13

Me yog David ngak ni nge yib i un ngak ko abich ko blayal’, me pi’ David e rrum ngak nge unum nge balyang ngay. Machane re nep’ i n’em e ku de yan Uriah nga tabinaw rok, machane me yan i mol nga daken e gulgul rok u lan e singgil rok girdi’en e matanagen tafen e pilung.

1 Samuel 28:13

Me ga’ar fare pilung ngak, “Dab mu rus! Mang e ga be guy?” Me ga’ar fare pin, “Gu be guy ba ya’al ni be yib ngalang u fithik’ e but’.”

1 Samuel 28:10

Ma aram me micheg Saul bbugithin ni ga’ar, “Rogon nib riyul’ ni bay SOMOL ni be par nib fos e aram rogon ni gu be micheg ngom ni ga ra rin’ ma dab ni gechig nigem.”

Joshua 1:9

Mu tay u wun’um ni kugog ngom ni ngam par ni ga ba gel ma dab mu rus! Dab mu tamdag ma dabi mulan’um, ya Gag, SOMOL ni Got rom, e gu bay rom ko yungi n’en ni bay um man riy.”

Genesis 9:21

Ma nap’an ni mu’ i unum rok boch fapi wayin ni yib ko grape, me balyang ngay, me chuweg urngin e mad rok nge mol u lan e tent rok ni dariy e mad u daken.

2 Samuel 12:10

Ere chiney e gubin e mfen ni bay i yim’ boch e pi’in ni owchem nib tomgin e yam’ ni bay i yib ngorad, ya dakum fol rog ma ga fek le’engin Uriah ngam le’ay.

2 Samuel 13:27

Machane ri be tawasar Absalom nge mada’ ko ngiyal’ nike m’ingfen David ni nge pag Amnon nge urngin pi walagen ni pumo’on ni ngar uned ngak Absalom. Me ngongliy Absalom ba mur ni bod ba mur u reb e pilung

Exodus 1:18

Me pi’ fare pilung e thin nge yan ngak fa gali ppin ni yow ma ayuweg e gargel ngarbow, me fithrow ni ga’ar, “Mangfan e biney e pa’ ni kam rin’ew ni kam pagew e bitir ni pumo’on nda mu li’ew?”

1 Samuel 18:22

Me yog Saul ngak e pi tolang ni yad bay u tan pa’ ni nge lungurad ngak David, “En ni pilung e ri gab fel’ u wan’ ma urngin e pi tolang ni bay u tan pa’ ni gabfel’ u wun’rad; ere ngiyal’ney e rib fel’ ni ngam leay fachi pin ni fak.”

2 Samuel 14:6

Immoy l’agruw i pagel ni fakag, me reb e rran miyow tugthin u lan e flang, ko gin ndariy be’ riy ni nge pithigrow, me li’ bagyow bagyow nge yim’.