2 Samuel 13:20 - Bible Ni Thothup

²⁰ Nap’an ni guy Absalom fare pin ni walagen me fith ngak ni ga’ar, “Mog, ke gafgow nigem Amnon? Walageg, wenig ngom, dab mu pag nge gafgownag lanin’um nge elmarin. Ya cha’anir e walagem ni pumo’on ya ta’reb e chitamangimew, ere dabmog ngak be’.” Ma aram me par Tamar u naun rok Absalom ni go’ ir ni kari gafgowan’ ngak.

2 Samuel 13:20 Referans Kwoze

Roma 12:19

Pi tafager rog, dab mu fulweged ngak be’ taban e kireb ni rin’ ngomed, machane ngam paged fan ko damumuw rok Got nge mang ir e rin’. Ya be yog e babyor nib thothup ni be ga’ar, “Be ga’ar Somol, ke milfan ngog, ni gag e bay gu fulweg taban e kireb.”

Proverbs 26:24

Be’ nma dakebang nag ir e ma mithag e fananikan rok ko thin rok ni be pi’em ngalang.

Genesis 46:15

Pi pagel ney e diyannag Leah rok Jakob u Mesopotamia nge kureb e bpin ni Dinah. Yad urngin ni yad owchen Jakob rok Leah ni yad guyey nge dalip u gubin.

Genesis 34:2

Nap’an ni guy Shechem, nib pagel ni fak Hamor ni ir e ba ga’ lungun ko Hivite, Dinah me yan i kol nge moleg u gelngin.

2 Samuel 13:19

Me wereg e awat nga daken lolgen, me guchthuy fare mad rok, me upunguy owchen nga rifrifen pa’ nruw raba’ me yan ni be yor.

2 Samuel 13:21

Nap’an ni rung’ag David ni Pilung e n’en nike buch, mri damumuw nib gel.

2 Samuel 14:24

Machane me yog David ni Pilung ndabi un Absalom ko par u lan e naun rok ni tafen e pilung. Ya ga’ar David ni Pilung, “Dabug ni ngug guy owchen.” Me par Absalom u naun rok nde yib nga p’eowchen e en ni pilung.