2 Samuel 12:16 - Bible Ni Thothup

¹⁶ Me meybil David ngak Got ni nge gol fare tir. Ma daki kay David ban’en; ma gubin e nep’ ni be yan ngalan e senggil rok nge mol u daken e faraf ni polo’ e nep’.

2 Samuel 12:16 Referans Kwoze

2 Samuel 13:31

Me sak’iy fare pilung ngalang, nge guchthiy e mad rok u fithik’ e kireban’, me pag ir nga but’. Ma fapi tapigpig ni urmed rok u rom e kura guchthiyed e mad rorad.

Acts 9:9

Dalip e rran nde yag ni nge guy ban’en, ma aram n’umngin nap’an nde abich ma de garbod.

Jonah 3:9

Ma aram e sana ra thiliyeg Got laniyan’; ma sana ra tal e damumuw rok, me siy da m’ad!”

Isaiah 22:12

I SOMOL ni Th’abi Tolang ma Gubin ma Rayag Rok e i piningmed ni ngam yorgad mi gimed dololoy’, migmed puy piyan lolugmed ngam chuwgad ko mad ni tutuw.

Psalms 69:10

Ra gu pag e abich ni bochan e nge sobut’anug u p’eowchem, me yog e girdi’ e thin nib tagan ngog;

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Ester 4:16

“Mman ngam pining gubin e Jew nu lan yu Susa nga ta’bang; mi gimed pag e abich ngam meybil nigedgag. Dab mu ked fa mu unumed ban’en ni dalip e rran nge dalip e nep’. Pi tapigpig rog ni ppin nge gag e ku bay gu rin’ed ni aray rogon. Ma nga tomuren e bay gu wan ngak fare pilung, ni yugu aram rogon ni ba togopluw ko motochiyel. Fa’anra thingar gum’ ni bochan e ren’ey ni kug rin’, me ere kefel’ nggum’.”

1 Kings 21:27

Fa’ani mu’ Elijah ko welthin, me guchthuy Ahab e mad rok nge chuweg u daken, me yin’ e mad ni tutuw nga daken. Me par ndaki abich, mi i mol ni kabay fare tutuw ni mad u daken, mi i yan ni kari kireban’.

2 Samuel 12:22

Me fulweg David ni ga’ar, “Errogon, gu pag e abich mu ug par ni gu be yor ko ngiyal’ ni ba’aram ni kab fos. Ya gu finey ni bayi runguyeg SOMOL nge gagiyegnag nge dabi yim’ fare tir.

Isaiah 26:16

SOMOL, ka mu gechignag e girdi’ rom, mu fithik’ e gafgow e yad be meybil riy ngom.

2 Samuel 12:15

Ma aram me sul Nathan nga tabinaw rok. Fare tir ni gargeleg le’engin Uriah rok David e gagiyegnag SOMOL nge yib e m’ar ngak nib gel.

Nehemiah 1:4

Fa’an gu rung’ag e pi thin ney mug par nga but’ ngu yor, ere ug yor ni in e rran; ma aram mugu pag e abich mugu meybil u p’eowchen Got nu tharmiy.

Daniel 6:18

Me sul e en ni pilung nga tafen me par e re nep’ i n’em nde yag ni nge kay ban’en ara guy e tin ni yima paleg owchen ngay. Ma de mol.

Joshua 7:6

Me Joshua nge pi’in yad ma yog e thin u Israel e go’ ra guchthiyed e mad rorad u fithik’ e kireban’, miyad pagrad nga but’ u mit fare Kahol ko M’ag rok SOMOL, miyad par u rom u but’ nge mada’ ko blayal’, ni kar afed e ab nga daken lolgurad ni yad be dag gel’ngin e tagnan’ rorad.

Daniel 9:3

Mu gu par ngu’ug meybil ngak SOMOL ni Got, ni gu be wenig ngak, ma ku gu pag e abich, ma ku gon’ e mad ni tutuw, ku gu wan gu par nga fithik’ e awat.