2 Samuel 11:11 - Bible Ni Thothup

¹¹ Me fulweg Uriah ni ga’ar, “Pumo’on nu Israel ngu Judah e yad bay ko mael, ni bay fare Kahol ko M’ag rok Got ni yad be fek; i Joab, ni ir e pilung ko salthaw nge pi tolang ko salthaw ni bay u tan pa’ e yad bay u daken e ted ni kar pired. Ere uw rogon ni nggu wan nga tabinaw rog ngu’ug abich ma gu be garbod, ma gu be mol rok e ppin rog? Gu be micheg nga fithingan urngin e pin’en nib thothup, nri dabiyag ni gu rin’ e binir e pa’!”

2 Samuel 11:11 Referans Kwoze

2 Samuel 7:2

Ma aram me ga’ar David ni Pilung ngak Nathan ni profet, “Mu sap! Gu be par ko naun ni ren ni cedar e ni fanay ngay, machane fare Kahol ko M’ag rok Got e bay u lan ba tent!”

2 Samuel 20:6

Ma aram me ga’ar fare pilung ngak Abishai, “I Sheba e ra pi’ boch e magawon ngodad nib gel boch ko tin nike pi’ Absalom. Mu fek e salthaw rog ngam leked i yan, ya fa’anra danga’ mra yan i par ngalan boch e binaw ni kan yororiy nib tolang ni fan ko mael me thay u pa’dad.”

2 Samuel 7:6

Nap’an fa ngiyal’nem ni gu fek e girdi’ nu Israel nga wuru’ yu Egypt nge yib i mada’ ko bin daba’ e rran ma dawor gu par u lan ba tempel; ya ug milekag i yan ni lan ba tent e gu be par riy.

1 Samuel 1:26

Me ga’ar Hannah ngak, “Siro’ ngom, ka ga manangeg fa danga’? I gag fare pin ni mu guyeg u roy ni gub sak’iy ni gu be meybil ngak SOMOL.

2 Timothy 2:12

Ma fa’anra ud k’adan’dad i yan, ma ku errogon ni gadad ra un ngak ko gagiyeg, ma fa’anra dogned nda da nanged ir, ma ku errogon ir nra yog nde nangdad.

John 13:14

I Gag e Somol romed nge Tamchib romed, ma ka fini gu mu’ i luknag e rifrif u aymed. Ere nge bigimed mi i luknag e rifrif u ay bigimed.

2 Samuel 14:19

Me fith ngak, ni ga’ar, “Mog i Joab e ke pow’iy yem ko bine’?” Me fulweg fare pin, “Ngugog u fithingan urngin e tin nib thothup, Gure en Pilung, ri dariy kanawo’en ni gu ra pag ndab gu fulweg e de’er rom. Rriyul’ ni fare tolang ko salthaw rom i Joab e keyog ngog e n’en ni nggu rin’ nge n’en ni ngugog.

1 Samuel 25:26

I SOMOL e ke tem ni dawor mu sulweg taban e kireb ngam thang e fan rok e pi to’ogor rom. Ma chiney e gu be micheg ngom u fithingan SOMOL ni be par nib fos ni pi to’ogor rom nge urngin e pi’in yad ba’adag ni ngar rin’ed ban’en ngom nib kireb e bay ni gechig nagrad ni bod Nabal.

1 Samuel 20:3

Me fulweg David ni ga’ar, “Ri manang e chitamam gelngin ni gub t’uf rom, ere ke turguy ndabi weliy ngom e tin ke leamnag ni nge rin’, ya ra kireban’um. Nggu micheg ngom u fithingan SOMOL ni be par nib fos, ni gag e gu be yan u thathren e riya’!”

1 Samuel 17:55

Fa’ani guy Saul David nike yan ni ngar chamgow Goliath, me fith Saul ngak Abner ni pilungen e salthaw rok ni ga’ar, “Abner, i mini’ e re pagel nem?” Me fulweg Abner ni ga’ar, “Pilung rog, da gu nang.”

1 Samuel 14:18

Me ga’ar Saul ngak Ahijah ni prist, “Mfek fare Kahol ko M’ag rok Got i yib ngaray.” (Re ngiyal’ i n’em e yima fek nge m’on mi i lay piyu Israel u tomur.)

1 Samuel 4:4

Ma aram miyad pi’ e girdi’ ni mol’og nga Shiloh ngar feked fare Kahol ko M’ag rok SOMOL ni Gubin ma Rayag Rok, nike par nga but’ u tagil’ u daken fa gal kerubim. Ma fa gali pumo’on ni fak Eli, ni aram Hofni nge Finehas, e ra unew ko fare Kahol ko M’ag ngarbow.

2 Samuel 11:10

Fa’ani rung’ag David nde yan Uriah nga tabinaw rok me fith ngak ni ga’ar, “Ke n’uw nap’an ni mman ma fin aray e kam sul; mang ndawor mm’ug nga tabinaw rom?”

Numbers 32:6

Me fulweg Moses ni ga’ar, “Gimed ba’adag ni ngam pired u roy mi gimed pag pi chongmed nu Israel ngranod ko mael?