2 Samuel 1:26 - Bible Ni Thothup

²⁶ “Jonathan ni walageg, ke kireban’ug ngom; ya ri gab t’uf rog! Rogon ni ug par ni gub t’uf rom e rib fel’, kab gel nga rogon nib t’uf e pumo’on rok e ppin.”

2 Samuel 1:26 Referans Kwoze

1 Samuel 20:17

Ku irera’ bayay ni wenig Jonathan ngak David ni nge micheg ngak ni ngi i par David nib t’uf Jonathan rok, ni bochan e Jonathan e ba t’uf David rok ni bod feni t’uf ir rok.

1 Samuel 23:16

Me yan Jonathan ngak e ngaram ngi i pi’ e athamgil nga lanyan’ ma be puguran e ayuw rok Got ngak,

1 Samuel 20:41

Ma nap’an ni yan fare pagel, me yib David u fon fare ulung i manang, me yib i paraw u p’eowchen Jonathan nga but’ nge siro’ ngak ni dalip yay. Miyow faray owcherow ni yow be yor; ni kab gel e kireban’ rok David ngak Jonathan.

1 Samuel 19:2

ma aram me cheal nge weliy ngak David ni ga’ar, “Chitamag e be guy rogon ni nge thang e pogofan rom. Ere wenig ngom, mu ayuw gabul ni kadbul; mu guy rogon ngam man mmith ngabang ma ga par riy.

2 Samuel 1:27

“Pi salthaw ni yad ba falu’ e karm’ad, talin e cham rorad e ke par ni kem’ay fan.”

Proverbs 18:24

Boch e pi tafager e der ma par thilrad ni bfel’ nib n’uw nap’an, ma boch e pi tafager e ka ba gel farad yul’yul’ ngak e walag.