2 Samuel 1:21 - Bible Ni Thothup

²¹ “Manga yigi siy i aw e n’uw ara wa’angachal nga daken e yungi ted nu Gilboa; manga yigi par daken e ted riy ndab ki tugul ban’en riy. Ya fapi shield ni fen fapi salthaw nib falu’ ko mael e ke par u daken e but’ u rom ni kem’ay fan, fa gi shield rok Saul e daknir gapgepnag.

2 Samuel 1:21 Referans Kwoze

1 Samuel 31:1

Me m’ag piyu Filistia e mael ngak piyu Israel ko burey ni Gilboa. Pire’ piyu Israel nra m’ad u rom, ma tin ni magey e mil.

Isaiah 21:5

Ku gguy ba mur ni kan fal’eg rogon; ka ni flath e mad ni nge par e girdi’ ni ka ni piningrad nga daken. Yad be abich ma yad be garbod. Miygi non be’ ni ga’ar, “Gimed e tolang ko salthaw mu fal’eged rogon e shield romed!”

1 Samuel 10:1

Me fek Samuel ba melor i gapgep ko olive nge pu’og nga daken lolugen Saul, me faray owchen me ga’ar, “I SOMOL e ke gapgep nigem ni aram e gur e ngam gagiyegnag e girdi’ rok nu Israel. Bay um par ni gur e ga be gagiyegnag e girdi’ rok ma ga be ayuwegrad rok urngin e pi to’ogor rorad. Mich riy ni SOMOL e ke dugliyem ni ngam gagiyegnag e girdi’ rok e ba’aray:

Joel 2:14

Ma sana ra thilyeg SOMOL ni Got romed laniyan’ nge fal’eg wa’athmed u wom’ngin e woldug romed. Ma aram e rayag ni ngam pi’ed ngak e grain nge wayin.

Joel 1:9

Dariy e grain nge wayin ni ngan pi’ u Tempel; ma be yor e pi prist ni bochan e dariy e n’en ni ngar pi’ed ngak SOMOL.

Ezekiel 31:15

Irera’ e n’en ni be yog SOMOL ni Th’abi Tolang ni be ga’ar: “Rofen nem nap’an nra yan fare ke gek’iy ko fayleng ko yam’, e bay gu gagiyegnag e ran u tan e but’ nge tharay ni pow ko meyor ni m’ingan’. Bay gu taleg e lul’ ni dab kug pag e ran ko yoch pa’ i lul’ nge yan. Ni bochan e fare ke gek’iy e ke yim’, ma bay gu lumornag daken e burey nu Lebanon mug gagiyegnag gubin kaen e gek’iy u loway nge mororay.

Isaiah 5:6

Mu gu pag nge yib e pan ngay ni bay rchanglen. Dab kug theth’ab papa’ngin ni nge tamilang fithik’ ara ug gi’ e but’ riy, ya bay gu pag nge tugul e pan riy ni bay rchanglen nge upunguy. Mu gog ngak e manileng nge dabki aw e n’uw ngay.”

1 Kronicles 10:8

Me reb e rran riy me sul e pi Filistine ko gin un mael riy ni ngar feked fapi talin e cham ko fapi salthaw nu Israel ni karmad’. Nap’an nra pir’eged downgin Saul nge fapi pagel ni fak u daken fare burey ni Gilboa.

1 Kronicles 10:1

Piyu Filistia e ra maelgad ngak piyu Israel u daken fare Burey ni Gilboa. Bo’or piyu Israel nli’rad ngar mad’ u rom, ma tin ni magey nib mu’un Saul ngay nge fapi pagel ni fak ni go’ rmilgad.

Judges 5:23

Be ga’ar fare engel rok SOMOL, “Mu bucheg wa’athan yu Meroz, mu bucheg wa’athan, mu bucheg wa’athan e pi’in yad be par u rom. Ya darbad ni ngar ayuweged SOMOL, ni ngarbad nrogon e salthaw ngar chamgad ni fan ngak.”

Tang Ko Pitang 4:4

Blel’ugnam e bod e wulyang ku David, nib pulpulo’ ma ba pach, ni bay bikiy i churwa’ ni be gafgaf riy ni bod rogon bbiyu’ yang i shield.

1 Samuel 31:8

Reb e rran nga tomuren fare mael me yan piyu Filistia ni ngar lufed madan e mael u downgin e ldow, miyad pir’eg Saul nge fa dalip i pumo’on ni fak ni yad bay ko burey ni Gilboa ni karm’ad.