2 Peter 2:19 - Bible Ni Thothup

¹⁹ Be lungurad e gadad e girdi’ e ba puf rogodad ni ngad rin’ed e tin gadad ba’adag, machane yad e kar pired ni kar manged sib ko ngongol nma kireb nigey nike mecham ngorad — ya demturug ban’en nra gel ngak be’ ma aram e ke par fa’anem ni kemang sib rok fare n’em.

2 Peter 2:19 Referans Kwoze

John 8:34

Me ga’ar Jesus ngorad, “Nggog e tin riyul’ ngomed: urngin e girdi’ ni yad be denen e ra bagayad ma kemang sib ko denen.

Galatia 5:13

Machane gimed, pi walageg ni girdi’en Kristus gimed, e ke piningmed Kristus ni ngam chuwgad u tan fare Motochiyel. Machane ren’em ni kam chuwgad u tan fare Motochiyel e ngam guyed rogon ni dabi mang ba tawey ngomed ngam paged e ar’ar u fithik’ i dowmed nge mang ir e i gagiyeg nagmed. Machane rogon nib t’uf romed Kristus nge girdi’ e ir e nge gagiyeg nagmed nge bigimed mi i pigpig ngak bigimed.

1 Peter 2:16

Um pired ni gimed bogni’ ni kam gilafgad ko kireb, machane gilaf ko kireb ni kam ted e dab mmaruwelgad ngay ni ngam upunguyed ban’en nib kireb, machane ngu’um ngongolgad nrogon e sib rok Got.

Galatia 5:1

Chiney e gathi gadad e sib yi Kristus e ke chuwegdad ko sib ke ta’dad ni gathi ka gadad e sib! Ere um pired nrogon e girdi’ ni gathi yad e sib, ma dab kum paged gimed ngkum manged sib bayay.

Titus 3:3

Ya ku errogon gadad ni ud moyed ba ngiyal’ ni ud balyanggad, ma da ud folgad, ma gadad ba oloboch. Ma ud moyed ni gadad e sib rok e ar’ar nge gubin mit e tin ni yi ba’adag nde mat’aw u mit Got. Ma ud pired ni gadad be leamnag e kireb ngak e girdi’ ma be awan’dad ngak boch e girdi’; ma be fanenikaydad boch e girdi’ ma gadad be fanenikayrad.

2 Timothy 2:26

Me sulan’rad ngorad ngar milgad nga orel ko wup rok mo’onyan’, ni ir e ke kolrad ke tayrad, yad be fol ko tin ni ba’adag.

Jeremiah 23:9

Ke m’ingan’ug, ma gu be da’da’ nreb. Ni bochan SOMOL, nge bochan e thin rok nib thothup, ma kugu bod be’ nib chingnag, nike pag oren e wayin nike unum.

Isaiah 28:1

Nam nu Israel e kan turguy e gechig ni nge aw ngak! Fla’ab rok e be chuw ni bod yu kiy i te’eliyaw ni floras ni bay u lolugen e pi’in yad be yog e thin riy ni karm’ad ko rrum. Lolugrad nib uf e ka ni floridanag ni bfel’ rogon, machane kar thiggad nga but’ ni kar balyanggad ko rrum.

2 Peter 2:20

Ya fa’anra chuw e girdi’ u fithik’ e tin nib kireb e ngongol u roy u fayleng ni ir e ma kireb nigey ni bochan e kar nanged e Somol rodad i Jesus Kristus ni ir e ma thapegdad ngak Got, miki kolrad e kireb bayay nge gel ngorad, ma aram e pi girdi’ nem e yad ra par nike gel boch e kireb rorad ko som’on.

Acts 19:16

Ma fare mo’on nike ying fare mo’onyan’ ngak e og ngorad nge pirdi’iyrad ni yad gubin nib el merin, ma yad gubin nra milgad u tabinaw rok ni kar maad’adgad ma ke mogchoth i mogchoth e mad rorad.

2 Peter 1:4

Ireray rogon nike tow’ath nagdad ko pin’en nib th’abi fel’ nike micheg ngodad, ya nge yag ngomed e tin ke weliy nra pi’ ngomed mi gimed thay ko ar’ar nma kireb nigey ni bay u roy u fayleng, me yag ngomed rarogon Got.

Levitikus 13:8

Ma fare prist e nge guy facha’ bayay, ma fa’anra fare m’ar u dow e ke garar’, ma nge yog ni fa’anem e ke ta’ay; ya m’ar ko dowef ni ubchiya’.