2 Peter 2:15 - Bible Ni Thothup

¹⁵ Ya kar paged fare pa’ i kanawo’ nib k’iy kar olobochgad; ma kar leked fare pa’ i kanawo’ ni lek Balaam ni be’ nib mo’on ni Beor e chitamngin, mi Balaam e t’uf rok e salpiy ni yira pi’ ngak ni fa’anra ngongliy e tin nib kireb,

2 Peter 2:15 Referans Kwoze

Revelation 2:14

Machane ba’aray in i ban’en ndabug rom: bay boch e girdi’ rom u wur ni yad be fol ko tin ni be fil Balaam ko girdi’, ni ir e fil ngak Balak rogon ni nge waliy e girdi’ nu Israel ngar denengad ni ngar ked e ggan ni kan pi’ ni maligach ngak e liyos nma meybil boch e girdi’ ngay, ma yad be ngongliy ngongolen e darngal.

Jude 1:11

Kar gafgowgad! Ya kar leked fare pa’ i kanawo’ ni yan Kain riy; kar folgad ko oloboch ni fan ko salpiy, ni bod e n’en ni rin’ Balaam; makan gechig nagrad ni bochan e togopluw ni kar ted ni bod e togopluw ni tay Korah.

Numbers 31:16

Gimed manang ni ppin e i fol ko n’en ni i yog Balaam u Peor ngar waliyed e girdi’ ndaki yul’yul’ ngak SOMOL. Ni aram e ren’en ni girengiy e liliy nga daken e girdi’ rok SOMOL.

Nehemiah 13:2

Fan e ren’ey e bochan e pi girdi’ nu Ammon ngu Moab e dar pi’ed e ggan nge ran ngak piyu Israel nnap’an ni yad beyan i yan nga wuru’ yu Egypt. Ya n’en nra rin’ed e ra pi’ed puluwon Balaam ni salpiy ni nge bucheg wa’athan yu Israel, machane me pilyeg Got fare buch wa’athan nge ngal’ ni fel’wa’athan.

Mikah 6:5

Gimed e girdi’ rog, mu leam niged e tin ni tanomnag Balak ni ir e pilung nu Moab ni nge rin’ ngomed, nge rogon ni fulweg Balaam ni fak Beor lungun Balak. Mu leam niged fa pin’en ni mpir’eged nnap’an ni gimed be yan ko binaw nu Akacia nga Gilgal, nge yag ni mu nanged e tin gu rin’ ni fan e nggu ayuwegmed.”

2 Peter 2:13

puluwon ni bay ni pi’ ngorad e gafgow, ni bochan e gafgow ni kar ted ko girdi’. Ma rogon e felfelan’ ni yad ma tay e ngar ngongliyed u lan e tamilang e tin ni ir e be ar’arnag e dowef rorad nge tin ni ir e yad be yim’ ni bochan; ya yad ma girngiy e tamra’ nge ngachal nib kireb i yib ngomed ko ngiyal’ ni yad ma yib ra uned riy ngomed ko mu’ulung nge abich, ma yad be felfelan’ ko pi ngongol ni yad be rin’ ni ir e yad be bannag e girdi’ ngay!

Acts 13:10

me ga’ar, “Fak e mo’onyan’ gur! I gur e to’ogor rok urngin e tin ni bfel’ ban’en; gab sug ko urngin mit e sabanban ni kireb, ma gubin ngiyal’ ni ga be guy rogon ni ngam pingeg e thin rok Got nib riyul’ nge yan i par u wan’ e girdi’ ni thin ni malifith!

Acts 1:18

Salpiy ni yagnag Judas ko ngongol nib kireb e ni chuw’iy bangi binaw ngay, ni aram e gin ni mul riy u lang nge yim’; me po’ e yal rok nge wear gathon nga but’.

Proverbs 28:4

Fa’anra dariy fan e motochiyel u wun’um, ma ga bay ko ba’ ni kireb, ma fa’anra ga be fol riy, ma ga be togopluw ngorad.

Hosea 14:8

Ma girdi’ nu Israel e dakriy bochi ban’en ni yad ra rin’ ko pi liyos, ma aram e bay ug fulweg taban e meybil rorad ma gu be ayuwegrad. Bay gu par ni kug mang manaf rorad ni bod fa mit i gek’iy ni yugu ma par nib galunglung yuwan; I gag kenggin gubin e pi fla’ab rorad.”

Ezekiel 9:10

Machane dab kug runguyrad; nggu rin’ ngorad e n’en ni kar rin’ed ngak boch e girdi’.”

1 Kings 18:18

Me ga’ar Elijah, “Gathi gag e kug gafgownag yu Israel, ya gur, ni gur nge chitamam. Dakumur folgow ko thin rok SOMOL ma gimew be tayfan fapi liyos ni ya’an Baal.

1 Samuel 12:23

Me gag e ri dab gu tal i pi’ e meybil romed, ya ra dab gu pi’ e meybil romed ma aram e kug denen nib togopluw ngak. Mu gu par ngu’ug fil ngomed e tin bfel’ nge tin nib mat’aw ni ir e ngu’um rin’ed.

Numbers 22:28

Me gagiyegnag SOMOL fare dongki nge welthin ni bod ba girdi’, me ga’ar ngak Balaam, “Be mang e ren’en nib kireb ni kug rin’ ngom? Mangfan ni nga dalip yay ni kam toyeg?”

Numbers 22:23

Ma fa’ani guy fare dongki fare engel nib sak’iy u rom ni bay ba saydon u pa’, me thum’ nga wuru’ e kanawo’. Me toy Balaam fare gamanman me fulweg ngalan e kanawo’.

1 Kings 19:10

Me fulweg ni ga’ar, “SOMOL ni Got ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan rok urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

Numbers 22:32

Me ga’ar fare engel ngak, “Mangfan ni nga dalip yay ni kam toy e dongki rom? Ya ku gub ni nggu ning e kanawo’ ngom, ya susun e dab mu’un ko re milekag ney.

Matthew 26:9

Fa’an mang e n’en ma kan pi’ e re florida nem ni chuway’ nib tolang puluwon mi ni fek e salpiy riy ngan wereg u pa’ e pi’in gafgow!”