2 Peter 1:21 - Bible Ni Thothup

²¹ Ya dariy bbugithin ni yog e profet ni sum u laniyan’ be’, ya fare Kan Nthothup rok Got e yib i ying ngak e girdi’ ngar weliyed e thin nike yib rok Got ngorad.

2 Peter 1:21 Referans Kwoze

1 Peter 1:11

Ur guyed rogon ni ngar pir’eged e ngiyal’ nge rogon ni bay yib. Ya Kan ni Thothup rok Kristus ni immoy u fithik’rad e yog e re ngiyal’ i n’ey ni be yi’iynag e pi gafgow ni nge athamgiliy Kristus, nge fla’ab ni bay yib nga tomuren.

Luke 1:70

Ba’aray e n’en ni yog kakrom u l’ugun e pi profet rok nib thothup:

2 Samuel 23:2

Kan nthothup rok SOMOL e be non u l’ugunag; thin rok e bay u daken dap’i l’ugunag.

Acts 1:16

Me ga’ar, “Pi walageg, tin ke yog e babyor nib thothup e thangri yib i m’ug nib riyul’ ni bod rogon ni yib i yog fare Kan Nthothup u l’ugun David ni yi’iynag murung’agen Judas, ni ir e pow’iy fapi girdi’ nra koled Jesus ngar feked.

Hebrews 10:15

Ya ku errogon fare Kan Nthothup ni be micheg ngan’dad. Ya som’on e ga’ar:

Acts 3:18

Kab kakrom me weliy Got u l’ugun urngin e pi profet ni Messiah rok e dabisiy ni nge gafgow; me muruwliy nge yib i m’ug nib riyul’ ni aray rogon.

Mark 12:36

I David e yib i ying e Kan Nthothup ngak me ga’ar: ‘I Somol e ga’ar ngak e Somol rog: Mpar aray nga ba’ ni mat’aw rog, nge yan i mada’ ko ngiyal’ ni bay gu tay e pi to’ogor rom nga tan e rifrif u em.’

Revelation 19:10

Mu gu paraw nga but’ u to’oben rifrifen ay nggu siro’ ngak, machane me ga’ar ngog, “Dab mu rin’ ni errogon! Ya gag reb e tapigpig ni bod gur nge pi walagem, ni urngin fa pi’in yad be fol ko fapi thin nib riyul’ ni fa’ani yib i yog Jesus ngan nang. Ere mu tayfan Got ma ga meybil ngak!” Ya tin nib riyul’ ni yib i yog Jesus ngan nang e ireram fapi thin ni yib i yog e Kan Nthothup rok Got u l’ugun e pi profet.

Hebrews 3:7

Ni bod rogon nike yog fare Kan Nthothup nike ga’ar: “Fa’anra mu rung’aged laman Got e daba’,

Numbers 16:28

Me ga’ar Moses ngak fapi girdi’, “Irera’ rogon mi gimed nang ni SOMOL e ke pi’eg ni ngu’ug rin’ e pi maruwel n’ey, gathigag e kug turguy rog ni ngu’ug rin’ ni gubin.

Acts 28:25

Ma aram miyad yan ndakir ta’reb lanin’rad u fithik’rad u tomuren nike yog Paul e re bugithin ni ba’aray ni ga’ar, “Rib fel’ rogon ni welthin fare Kan Nthothup u l’ugun fare profet ni Isaiah ni welthin ngak e pi chitamangimed!

1 Kings 17:18

Me ga’ar ngak Elijah, “Gur e girdi’ rok Got, mang ni kam rin’ e biney e pa’ ngog? Mog, mub ngaray ni ngam puguran e denen rog ngak Got ya nge yim’ fakag?”

Hebrews 9:8

Fare Kan Nthothup e be dag ngodad nib tamilang u rogon e pin’ey ni kan yarmiy ke par, ni kanawo’ ko gin Th’abi Thothup e dawor ni bing u n’umngin nap’an ni ka be par e bin ba’aram ni wuru’ e tent.

1 Kings 13:1

Me yog SOMOL ngak ba profet nu Judah ni nge yan nga Bethel, me yan ma nap’an ni taw e ngaram mab sak’iy Jeroboam ko fare altar ni nge pi’ e maligach.

Joshua 14:6

Me reb e rran me yib boch e girdi’ ko ganong rok Judah ngak Joshua nga Gilgal. Bagyad e Kaleb nib mo’on ni fak Jefunneh ni reb e Kennizzite, me ga’ar ngak, “Gamnang e n’en ni yog SOMOL u Kadesh Barnea ni murung’agdow ngak Moses, ni fare mo’on ni girdi’ rok Got.

Mikah 3:7

Pi’in yad be yi’iy nag ban’en e bay ra tamra’gad ya dabi yib i m’ug e tin ni kar yi’iy niged. Bayi m’ingan’rad ni yad gubin, ya bayi tay Got ni dabi yib i m’ug e tin kar yi’iy niged.

2 Kronicles 8:14

Me fol ko pi motochiyel nike ngongliy e chitamngin i David, me yarmiy rogon e maruwel rok fapi prist u reb e rran nge reb ma ku er rogon pi yu Levi ni yad ma ayuweg fapi prist ko tang nge pi maruwel rorad. Miki yarmiy girdi’en e matnag u Tempel ni fan ko pi maruwel rorad u langan e pi garog ni yu rran, ni bod rogon nike yog David, ni fare pumo’on ni bay Got rok.

2 Kings 6:15

Ma ri kab kadbul me od e tapigpig rok Elisa nge yan nga wean, me guy nike longobiy e salthaw nu Syria e binaw ni bay e os nge chariot riy. Me sul fare tapigpig ngak Elisa me ga’ar, “Masta, kad gafgowgad, mang e ngad rin’ed?”

2 Kings 6:10

Aram me pi’ e pilung nu Israel e thin nge yan ngak e girdi’ ni yad ma par u rom ni ngar ayuwgad. Gathi ta’ab yay ni yodrom.

1 Kings 17:24

Me fulweg fare pin ni ga’ar, “Chiney e kug nang ni gur be’ ni girdi’ rok Got, ma riyul’ nma non SOMOL u l’ugunam!”

1 Kronicles 23:14

Machane pi’in pagel ni fak Moses, ni fare pumo’on ni bay Got rok, e ni unegrad nga fithik’ e piyu Levi.)

2 Kings 4:22

Me pining fare pin e pumo’on rok me ga’ar ngak, “Mpi’ reb fapi tapigpig ngog nge reb e dongki, ya thingar gu wan gguy Elisa ni profet, ma dabi n’uw nap’an mu gu sul.”

2 Kings 4:9

Me ga’ar fare pin ngak figirngin, “Kari mich u wun’ug ni fare mo’on ni yugu ma yib ngaray e ir reb e girdi’ nib thothup.

Deuteronomy 33:1

U m’on ni nge yim’ Moses ni fa’anem ni girdi’ rok Got ma ba’aray e meybil ni tay ni fan ngak yu Israel.

2 Kings 4:7

Me sul fare pin ngak Elisa ni profet, me ga’ar Elisa ngak, “Mu pi’ ni chuway’ fapi gapgep ni olive mag thang urngin e malfith rom, ma salpiy ni ku ra aw e gimed ra gaman fagal pagel ni fakam riy ko par romed e chiney i yane ngaram.”

Jeremiah 23:26

Nge uw n’umngin nap’an ni ngi i par e pi profet nem ni yad be waliy e tirog e girdi’ nga wuru’ e kanawo’ ko malulifith ni yad be tunguy?

Ezekiel 1:3

U rom u Babylon u to’oben e lul’ ni Kebar, e gu rung’ag lungun SOMOL riy ni non ngog mu gu thamiy gelngin u fithik’ag.

Mikah 1:1

Ba’aray e thin rok SOMOL ni yib ngak Mikah nu Moresheth ko ngiyal’ ni ba’aram ni i pilung Jotham, nge Ahaz, nge Hezekiah u Judah, nra chuw bagayad me yib bagayad nga luwan. Me dag SOMOL ngak Mikah e pin’en ni bay yib nga Samaria nge nga Jerusalem.