2 Korinth 9:2 - Bible Ni Thothup

² Gu manang ni gimed ba’adag ni ngam pi’ed e ayuw, ma kug weliy murung’agmed ngak e girdi’ nu Macedonia ni gub felan’ ngay nike lungug, “Pi walagdad ni girdi’en Kristus ni yad bay u Greece e ka fa binem e duw nra pired ni kar fal’eged rogorad ni ngar pi’ed e ayuw.” Ma pasigan’ romed ni ngam pi’ed e ayuw e ke pi’ e pasig nga laniyan’ bo’or i yad.

2 Korinth 9:2 Referans Kwoze

2 Korinth 8:10

Ba’aray rogon e leam rog ko tin ni kad weliyed: bfel’ ni ngam mu’niged e chiney e n’en ni mu tababgad ngay fa binem e duw. Gimed e som’on, ni gathi kemus ni mu ngongolgad, machane ku errogon nib m’agan’med ngay ni ngam ngongolgad.

2 Korinth 8:8

Gathi kug tay e motochiyel riy. Machane gu ra guy rogon ngam nanged feni pasigan’ boch e girdi’ ni ngar pi’ed e ayuw, ma aram e rayag ni gu nang feni riyul’ e t’ufeg romed.

2 Korinth 8:24

Mu t’ufeged yad, nge mich u wan’ urngin girdi’en e pi galesiya ni n’en ni kug weliyed ni murung’agmed ni gamad ba felan’ ngay e ba riyul’.

Hebrews 10:24

Ere nge bagadad ma ngi i leamnag bagadad, ma nge bagadad ma ngi i ayuweg bagadad ma be dag ngak nib t’uf rok ma be rin’ e tin ni bfel’ ngak.

1 Korinth 16:15

Gimed manang murung’agen Stefanas nge girdi’en e tabinaw rok; yad e som’on ko girdi’ u Greece nra piggad ngar manged girdi’en Kristus, ma yad be tiyan’rad ngak girdi’en Got yad be ayuwegrad. Gu be wenig ngomed, pi walageg ni girdi’en Kristus,

1 Thessalonika 1:7

Ma aram mi gimed dag e kanawo’ ngak urngin e girdi’ nike mich Kristus u wun’rad ni yad bay u Macedonia ngu Greece.

2 Korinth 8:19

Ma girdi’en e galesiya i yan e kar mel’eged e cha’ney ma kar duwgilyed ni ir e nge un ngomad ko milekag ko re gaf i maruwel ney ni ayuw u fithik’ e t’ufeg ni fan e ngan tayfan Somol riy, ma ngan dag ni gadad ba’adag ni ngad pi’ed e ayuw.

2 Korinth 7:4

Kari pagan’ug ngomed, ma ke felan’ug ngomed! Ku gu be par nib athamgil lanin’ug, ma gub sug ko felfelan’ u fithik’ urngin e gafgow ni gamad be mada’nag.

2 Korinth 1:1

Re babyor ney e yib rok Paul, ni mang apostel rok Kristus Jesus ni Got e leamnag, nge rok Timothy ni walagdad ni girdi’en Kristus — Ngak girdi’en e galesiya rok Got u Korinth, nge ngak urngin e girdi’ rok Got u Greece ni polo’:

Acts 18:12

Ma nap’an nturguy Gallio ni nge governor nu Roma u Greece, me mu’ulung piyu Israel ngar koled Paul ngar feked i yan ngalan tafen e pufthin.

Acts 24:17

“Nga tomuren in e duw ni ug milekag i yan nda gu moy u Jerusalem, mu gu sul nga Jerusalem ni kug fek bogi salpiy ni nggu pi’ ngak e girdi’ ko nam rog ni girdi’en Kristus mu gu pi’ bogi maligach.

Roma 15:26

Ya girdi’en e galesiya nu Macedonia ngu Greece e kar turguyed, ni ngar pi’ed e salpiy nge ayuweg e pi’in yad ba gafgow u fithik’ e girdi’ rok Got ni yad bay u Jerusalem.

2 Korinth 7:14

Kug weliy murung’agmed ngak ni gub felan’ ngay, ma dawor mu t’ared lanin’ug. Gubin ngiyal’ ni tin nib riyul’ e kug weliyed ngomed. Ere aram rogon ni thimed ni kug weliyed ngak Titus ni gamad ba felan’ ngay e ke m’ug nib riyul’.

2 Korinth 8:11

Ere mmuruwliyed nge chuw! Mu pasigniged lanin’med ngay ngam mu’niged ni bod rogon ni mu leam niged nib pasigan’med ngay, mi gimed mu’nag ko tin ni bay romed.