2 Korinth 8:3 - Bible Ni Thothup

³ Nggog ngomed, nra pi’ed urngin e tin nrayag rorad ni ngar pi’ed, ya ra pi’ed nge pag e fol; ni yad e leam rorad

2 Korinth 8:3 Referans Kwoze

Exodus 35:29

Gubin e girdi’ nu Israel ni ppin nge pumo’on nib magan’rad ngay e yi go’ ra feked ban’en i yib ni fan ko fare maruwel nike yog SOMOL ngak Moses ni ngan rin’.

Exodus 35:5

Ngan pi’ e maligach ngak SOMOL. Pi’in nib magan’rad ngay e ngar feked i yib e gol, silber, ara bronze;

Filemon 1:14

Machane dabug ni ngug gel nigeg ngom ni ngam ayuwegneg; ya gu ba’adag ni ngam rin’ ni gur e leam rom. Ere dab gu rin’ ban’en ndawori fel’ ko leam rom.

1 Korinth 16:2

Chirofen nsom’on u gubin e wik ni aram e madnom e ra bigimed ma thangri fek boch u puluwon nge tay ngabang ni be yan u rogon e salpiy ni be yag ngak, ya nggu taw ma dakuriy fan ni ngan mukun salpiy.

Acts 11:29

Pi’in gachalpen Jesus e ra turguyed ni nge bagayad me pi’ urngin e tin nrayag rok ngar ayuweged e pi’in walagrad ni girdi’en Kristus ni yad be par u Judea.

1 Korinth 9:17

Fa’an mang e gu be muruwliy e re maruwel ney ni gag e gu leamnag ni nggu muruwliy, me ere rayag ni gu leamnag ni ngan pi’ puluwog riy; machane bochan e gu be ngongliy ni bochan e ri maruwel rog nike pi’ Got ngog ni nggu rin’, ma aram fan ni nggu muruwliy nib maruwel ni ka ni pi’ ngog.

1 Kronicles 29:9

I pi’ e girdi’ e pin’ey ngak SOMOL nrib m’agan’rad ngay, ma ri yad ba felfelan’ ngay ni bo’or ban’en ni kan pi’. Me David ni Pilung e riki felfelan’ nib gel.

1 Peter 5:2

gimed e ngu’um gafaliyed fare ran’ i saf ni Got e ke pi’ ngomed, ngu’um gafaliyed yad nib m’agan’med ngay nrogon nib m’agan’ Got ngay ni ngam rin’ed, ma gathi ngu’um rin’ed nde m’agan’med ngay. Mu ngongliyed e maruwel romed ni gathi kemus ni bochan e salpiy ni yibe pi’ riy ngomed, machane ngam ngongliyed ni fan e ri gimed ba’adag ni ngam pigpiggad ngak Got.

1 Peter 4:11

Cha’ ni be machib e thingari machibnag e thin rok Got ngak e girdi’; ma cha’ ni be pigpig e thingari pigpig u gelngin nike pi’ Got ngak ni fan e nge urngin ban’en ni be rin’ ma nganog e sorok ngak Got riy u daken Jesus Kristus, ni ir e bayi par ni bay e fla’ab u pa’ ma bay gelngin ndariy n’umngin nap’an! Amen.

1 Thessalonika 2:8

Bochan e gimed ba t’uf romad ma gamad fal’eg rogomad ni gathi kemus ni fare Thin Ni Bfel’ e nggubad gu pi’ed ngomed, machane ngkug pi’ed gamad nga pa’med nggu ayuweged gimed. Ya ri gimed ba t’uf romad!

Kolose 4:13

Rayag ni nggu mang mich rok ngomed ko maruwel ni be tay nib gel ni fan ngomed, ma fan ko girdi’ nu Laodicea ngu Hierapolis.

Filippi 2:13

ya Got e gubin ngiyal’ ni be maruwel u fithik’ i lanin’med ni be pingeg lanin’med ni nge m’agan’med ngay ni ngam folgad ko tin be finey.

Roma 10:2

Rayag ni gu mang mich rorad nri yad be tiyan’rad ngak Got, machane tiyan’ ni yad be tay e ke thum’ nga wuru’ e wo’, ya dar nanged e tin riyul’.

Psalms 110:3

Rofen ni ga ra cham ngak e pi to’ogor rom e ra ognag e tirom e girdi’ ngom ni ngar uned ngom. Rogon e wa’angachal ni bay nri kakadbul, e aram rogon e pi’in pagel ni girdi’ rom ni bay rabad ngom nga daken fapi burey nib thothup.

Galatia 4:15

Ma ri mfelfelan’gad! Ere mang e kam rin’ed? Ba’aray bbugithin nrayag ni gog ni murung’agmed ni nge lungug: re ngiyal’ i n’em e fa’an manga rayag ma kam lufed lan owchemed kam pi’ed ngog!

Mark 14:8

Re pin ney e ke rin’ ngog urngin e tin nrayag rok; ke pu’og e florida nga dakenag ni aram e ke ngongliy rogon e dowef rog u m’on ko gum’eyag.