2 Korinth 4:3 - Bible Ni Thothup

³ Ya fa’anra der tamilang u wan’ be’ fare Thin Ni Bfel’ ni ir e gadad be machibnag, ma kemus ni pi’in kar maloggad e der tamilang u wun’rad.

2 Korinth 4:3 Referans Kwoze

2 Korinth 3:14

Ma rib man lanin’rad; ke mada’ ko bin daba’ e rran ma kab upong lan owcherad ko gi mad nem ko ngiyal’ ni yad be poy fapi babyor ni babyoren e bin kakrom e m’ag. Re gi mad nem e ra nchuweg u owchen be’ ni kemus ni fa’anra mang fa’anem reb i girdi’en Kristus.

1 Korinth 1:18

Ya murung’agen e yam’ ni tay Kristus u daken e kuruth e thin ko balyang u wan’ e pi’in kar maloggad; machane rogon u lanin’dad e pi’in kad thapgad ngak Got e ireram gelngin Got.

Matthew 11:25

Ngiyal’ nem me ga’ar Jesus, “Chitamag, ni gur e Somol nu tharmiy ngu fayleng! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul.

2 Korinth 4:4

Der mich u wun’rad ni bochan e fare kan nib kireb nu roy u fayleng e ke tay lanin’rad u fithik’ e lumor. Ya ke ta’rad ndab ra guyed ram’en fare tamilang ni be mat nga dakenrad, ni fare tamilang ni be yib ko fare Thin Ni Bfel’ ni murung’agen e fla’ab rok Kristus, ni Kristus ni ir e ri ta’reb rogorow Got.

Roma 2:16

Ireray rogon e Chirofen ni bayi pufthinnag Got u daken Jesus Kristus urngin e tin nib mith ni be leamnag e girdi’, ni bod rogon ni be yog e Thin Ni Bfel’ ni yib rok Got, ni ir e gu be machibnag.

1 Timothy 1:11

Ireram e re machib ni kan pir’eg u fithik’ fare Thin Ni Bfel’ ni ir e kan pag fan ngog ni nggu weliy ngak e girdi’, ni ireram fare Thin Ni Bfel’ ni ir e th’abi sorok ma ba fla’ab.

1 Thessalonika 1:5

Ya gu feked i yib ngomed fare Thin Ni Bfel’, ni gathi kemus ni ug weliyed, ya ku errogon gelngin Got nge fare Kan Nthothup nib chagil ngay, ma ku errogon nib mich u wun’mad nib riyul’. Gimed manang rogon pangimad ko fa ngiyal’nem ni ug moyed romed; ren’em e fan ngomed ni nge fel’ rogomed riy.

2 Korinth 2:12

Nap’an ni gu taw nga Troas ni nggu machibnag e Thin Ni Bfel’ ni murung’agen Kristus, mu gu pir’eg ni Somol e ke bing e kanawo’ ngog ko maruwel ni nggu tay u rom.

1 Korinth 2:6

Machane tin nib gonop e thin e gu ma weliy ngak e pi’in ke taw nga nap’an ni ngar rung’aged. Machane gathi fare gonop nib milfan ko re fayleng ney, ara ngak e pi pilung ni be gagiyegnag e girdi’ ko re fayleng ney — ni bogi pilung ni be m’ay gelngirad i yan.