2 Korinth 4:10 - Bible Ni Thothup

¹⁰ Dowmad nra yim’ e gubin ngiyal’ ni be yan u thathren e riya’ ni bod rogon e n’en ni i rin’ Jesus, ni fan e fos ko yam’ ni tay e ngki yag nni guy romad.

2 Korinth 4:10 Referans Kwoze

Roma 6:5

Ya fa’an gadad ra ta’ab girdi’ ngak ko yam’ ni tay, me ere ku aram rogon ni gadad ra ta’ab girdi’ ngak ngan fasegdad ko yam’ ni bod rogon ir.

2 Timothy 2:11

Ba’aray bbugithin nib riyul’ ni ga’ar: “Fa’anra kad uned ngak ko yam’, ma ku errogon ni kagdad ra un ngak ko fos.

1 Peter 4:13

Machane ngam felfelan’gad ni gimed be un ko gafgow ni i tay Kristus, nge yag ni ngar mu felfelan’gad ko ngiyal’ ni bay yib i m’ug ni be galgal ram’en.

Roma 6:8

Fa’anra kad uned ngak Kristus ko yam’ ma mmich u wun’dad ni ka gadad ra un ngak ko fos ko yam’.

2 Korinth 13:4

Ya yugu aram rogon feni me’waer nli’ ngem’ u daken e kuruth, machane gelngin Got e ir e be par riy nib fos. Kug ta’ab girdi’gad Kristus, ma ku errogon gamad ni gamad mme’waer; machane gelngin Got e bay i ayuwegmad ngu’ug pired rok Kristus ni fan ngomed.

2 Korinth 1:5

Ni bod rogon ni bay e f’oth rodad ko pi gafgow ni tay Kristus, ere ku errogon nu daken Kristus e ra yib e ayuw riy ngodad ni ba ga’ ni birodad e f’oth.

Roma 8:36

Ni bod rogon ni be yog e babyor nib thothup ni be ga’ar: “Polo’ e rran ni gamad be yan u thathren e riya’ ni bocham, kan taymad ni gowa gamad e saf ni ngan li’ ngem’.”

Kolose 1:24

Ere chiney e kug felfelan’ ko gafgow ni gu be tay ni fan ngomed. Ya gafgow ni be tay dowag e gu be ayuweg e tin kabay ni nge gafgow Kristus riy ni fan nga downgin, ni aram girdi’en e galesiya.

2 Korinth 1:9

Gu leam niged ni gamad e girdi’ ni kem’ay i turguy ni ngan thang e pogofan romad. Machane ni yodorom nagmad ni bochan e gathi gamad e nggu toergad ngomad, ya kemus ni Got ni ir e ma faseg e girdi’ ko yam’ e ir e nggu toergad ngak.

Galatia 6:17

Ere chiney e gu be wenig ngomed ndab ki lulu’ag bigimed e thin ngog u murung’agen e pin’ey; ya yungi fath ni bay u dowag e be dag ni gag e sib rok Jesus.

John 14:19

Dabki n’uw nap’an ma dabki guyeg e girdi’ nu fayleng, machane gimed e bay mu guyed gag; bay gu par ni gub fos, ere ku er rogomed ni bay kum pired ni gimed ba fos.

Revelation 1:17

Nap’an ni gguy mu gu aw u to’oben ay nga but’ ni gowa be’ nike yim’. Me tay e ba’ ni mat’aw i pa’ nga dakenag me ga’ar, “Dab mu rus! Yi gag fa’anem ni tabolngin nge tungun.

2 Korinth 4:11

N’umngin nap’an e yafos romad ko biney e tamilang e gubin ngiyal’ ni be chugur e yam’ ngomad ni bochan Jesus, ni fan e nge m’ug pangin ko re dowef romad ney, nib dowef nra yim’.

1 Peter 4:14

Mu felfelan’gad ni fa’anra nog e thin nib kireb ngomed ni fan e gimed girdi’en Kristus; ya ra errogon ma fare Kan nib sorok ni aram fare Kan Nthothup rok Got e ke yib nga dakenmed.