2 Korinth 2:7 - Bible Ni Thothup

⁷ Ere chiney e ngam n’iged fan u wun’med e tin ke rin’ mi gimed pi’ e athamgil nga laniyan’, ya ri gel e kireban’ rok nge pag ir.

2 Korinth 2:7 Referans Kwoze

Efesus 4:32

Machane um golgad ngomed, me bigimed me munguy ngak bigimed, mu um n’iged fan u wun’med e tin nib kireb nike rin’ bigimed ngak bigimed, ni bod rogon Got ni bochan Kristus ma aram fan nike n’ag fan u wan’ e kireb ni kam rin’ed.

Kolose 3:13

Nge bigimed mi i ayuweg bigimed ko me’waer rok u fithik’ e runguy, mu um n’iged fan u wun’med e n’en ni manga ke kirebnag bigimed u laniyan’ bigimed ko re ngiyal’ i n’en ni bay ban’en nike dabuy bigimed nike rin’ bigimed ngak. Thingar um n’iged fan u wun’med e n’en nike rin’ bigimed ngak bigimed ni bod rogon nike n’ag Somol fan u wan’ e tin ni kam rin’ed nib togopluw ngak.

Isaiah 28:7

Mus ko pi profet nge pi prist ni yad be balyang ko rrum yad be yan ni yad be thigthig. Kari pire’ e wayin nge rrum ni ka ra unumed be tun ayrad ni ka ra balyanggad. Pi profet e kaygi gel e chingnag rorad ndabiyag ni ngar nanged fan e pin’en ni be piliyeg Got e changar rorad yad be guy, ma pi prist e kaygi gel e chingnag rorad ndabkiyag ni ngar turguyed e n’en ni ngan rin’ ko yu pa’ i oloboch ni ka ni fek i yib ngorad.

Proverbs 17:22

Fa’anra ga ba felfelan’ ni ga ma par ma ba falay nga fithik’ i dowam. Kirkireban’ e ma mliknag e pi yil.

2 Thessalonika 3:6

Pi walagmad ni girdi’en Kristus, gamad be ta’chiylen ngomed u fithingan Somol ni Jesus Kristus ni ngam ted gimed u orel rok urngin e pi’in walagey ni girdi’en Kristus ni yad bmalmal ndarir uned nga reb e maruwel, ma darir folgad ko fonow ni gu pi’ed ngorad.

1 Thessalonika 4:13

Pi walagmad ni girdi’en Kristus, gamad ba’adag ni ngam nanged e tin nib riyul’ ni murung’agen e pi’in karm’ad, ni bochan e nge siy i kireban’med ni bod e pi’in ndariy ban’en nike l’agan’rad ngay.

Filippi 2:27

Riyul’ ni yib e m’ar ngak nge chugur i yim’. Machane i Got e runguy; ni gathi go ir ya ku errogon gag, nde pag Got e kireban’ nib gel nge yib ngog.

2 Korinth 7:10

Ya re kireban’ nem ni maruwel Got ngay e ir e piliyeg lanin’med ngam thapgad ngak Got ere dabi kireban’ug ngay! Machane bin nu fayleng e kireban’ e ma fek e yam’ i yib ngodad.

2 Korinth 5:4

Ma ngiyal’ ni gadad be par u lan e re tent ney nu fayleng e gadad be gel’gel’ nike tomalan’dad; gathi fene gadad ba’adag ni ngad n’iged e dowef rodad nu fayleng, machane gadad ba’adag ni ngan tay e bin nu tharmiy nga dakendad, ni fan e bin nra yim’ e bayi mang yafos e ful’.

1 Korinth 15:54

Ere nap’an ni yira yin’ e n’en ndab ki yim’ nga daken e n’en nra yim’ ni bod e munmad, ma aram e bay yib i m’ug nib riyul’ fare bugithin ni bay u lan e babyor nib thothup ni fa’an ke ga’ar: “Got e ke kirebnag gelngin e yam’; mi Got e ke gel!”

Proverbs 1:12

Gadad ra mada’ nagrad ma yad ba fos ma ba fel’fel’ rogorad, machane gadad ra pagrad ma yad ba yam’!

Psalms 124:3

ma kar ful’ed gadad ni ka gadad bafos u gelngin e damumuw rorad ngodad;

Psalms 21:9

Bayi thangrad ni bod ba nifiy ni be daramram, u nap’an nra yib i m’ug. Bayi ful’rad SOMOL u fithik’ e damumuw rok, ni bod nra yik’gad ko nifiy ni be daramram.

Psalms 57:3

Ra fulweg lungug u tharmiy me ayuwegneg; bayi mo’waernag e pi’in yad be gafgow nigeg. Got e ra dag ngog e t’ufeg rok ni dabi mus nge feni yul’yul’.

2 Korinth 2:8

Ere ri gu be wenig ngomed ni ngam guyed rogon nge nang nri kab t’uf romed.