2 Korinth 2:3 - Bible Ni Thothup

³ Aram fan ni gu yoloy fa gi babyor ngomed, ya dabug ni nggub ngomed me kireban’ug ni pi’in nsusun e nge felan’ug ngorad e yad e ngar kireb niged lanin’ug. Ya gu manang nra gu felfelan’, ma ku errogon gimed ni gimed ra felfelan’.

2 Korinth 2:3 Referans Kwoze

Galatia 5:10

Machane kab pagan’ug ngomed. Taab girdi’ ni kad ted u fithik’ Somol e ir e ke pi’ e pagan’ ngog ni gu manang ni dabi thil rogon e tafinay romed, ma cha’ ni ir e be athkuy lanin’med, e demturug ko mini’, ma ke muduwgil ni Got e bayi gechignag.

2 Korinth 8:22

Ere kug l’uged walagmad ni girdi’en Kristus ni nge un ngorad; ke yo’or yay ni kug sikeng niged, ma kug pir’eged ni gubin ngiyal’ ma rib pasigan’ ngay ni nge pi’ e ayuw. Ma chiney e kari pagan’ ngomed, ni aram e kari pasigan’ ngay ni nge ayuwegmed.

Filemon 1:21

Gu be yoloy e re bugithin ney ma mmudugil u wun’ug ni bay mu rin’ e tin kug wenignag ngom — ma ri gu manang ni bayi pag rogon e tin ni bay mu rin’ ko tin ni gu be wenignag ngom.

2 Korinth 7:12

Ere yugu aram rogon ni gu yoloy e babyor nge yib ngomed ma gu rin’ ni gathi bochan e cha’ ni ngongliy e kireb, ara cha’ nni ngongliy e kireb ngak. Machane gu yoloy ni nggu tamilang nagmed u p’eowchen Got ngarogon fanmed yul’yul’ ngomad.

2 Thessalonika 3:4

Ma ke pagan’mad ngak Somol nib muduwgil ni gimed be rin’ e tin kug weliyed ngomed ma bay um rin’ed i yan.

2 Korinth 12:21

Gu be rusnag ni yanem ni gu ra yib e ra tamra’nigeg e Got rog ni bochmed, ma bo’or i gimed e bay gu yornag ni bochan e kar denengad ma dawor ra kolgad ngan’rad ngar pi’ed keru’rad ko kireb ni yad be rin’, nge ngongolen e darngal nge tin kireb ni yad be ar’arnag ma yad be ngongliy.

2 Korinth 12:11

Gu be non ni bod be’ nib balyang — machane gimed e kam pingeged gag kug rin’. Gimed e pi’in nsusun e nga mogned fel’ngig. Ya yugu ra dariy rogog, machane ri da gu tanggin ngak e pi girdi’ ni be’er ni kam ted yad ni “apostel” romed.

2 Korinth 7:8

Yugu ra ke taganan’med ko fa gi babyor ni gu pi’ nge yib ngomed, ma dawori kireban’ug ngay ni kug yoloy. Ku rayag ni nge kireban’ug ni bochan e gi babyor nem ko ngiyal’ ni gu nang nike taganan’med u lan bochi ngiyal’ ni bochan e gi babyor nem.

2 Korinth 7:6

Machane Got nma pi’ e athamgil nga laniyan’ e pi’in ke mulan’rad e pi’ e athamgil nga lanin’mad ni bochan Titus ni yib ngomad.

2 Korinth 1:15

Rib mich u wun’ug e re bugithin ney, aram fan ni gu leamnag ko som’on ni ngug guymed ni fan e nge gaman l’agruw yay ni gu ayuwegmed.

1 Korinth 4:21

Bin ngan e gimed ba’adag? Nggub ngomed ni bay e dumow u pa’ag ara nggub nri gimed ba t’uf rog ma gub munguy ngomed?

2 Korinth 1:23

Gu be yog e re bugithin ney u p’eowchen Got — ye ir e manang lanin’ug! Gu duwgiliy ndab ku gub nga Korinth ni fan e nge dab gu kirebnag an’med ko puwan’ ni gu ra tay ngomed.

2 Korinth 2:9

Ya ba’aray fan ni gu yoloy fa gi babyor nge yib ngomed: gub adag ni nggu nang rogon ni mpired ni gimed bmuduwgil ko re sikeng nem ni yib ngomed, mu gu nang ko gubin ngiyal’ ni gimed ba’adag ni ngam folgad ko tin ni gu be fonow nagmed riy fa danga’.

2 Korinth 7:16

Kari gu felfelan’ ni fan e rayag ni gu toer ngomed!

2 Korinth 13:10

Aram fan ni kug yoloy e re babyor ney ko ngiyal’ ni kug bay u orel romed; bochan e nggu taw ngomed ma dab gu non ngomed nib gel u mat’wug nike pi’ Somol ngog — ni mat’wug ni ngug gelnagmed ngay, ma gathi nggu kireb nagmed ngay.