2 Korinth 2:1 - Bible Ni Thothup

¹ Ere kug duwgiliy u wun’ug ni ba’aray rogon: dab ku gub ngomed bayay nggu kirebnag an’med.

2 Korinth 2:1 Referans Kwoze

2 Korinth 1:23

Gu be yog e re bugithin ney u p’eowchen Got — ye ir e manang lanin’ug! Gu duwgiliy ndab ku gub nga Korinth ni fan e nge dab gu kirebnag an’med ko puwan’ ni gu ra tay ngomed.

2 Korinth 13:10

Aram fan ni kug yoloy e re babyor ney ko ngiyal’ ni kug bay u orel romed; bochan e nggu taw ngomed ma dab gu non ngomed nib gel u mat’wug nike pi’ Somol ngog — ni mat’wug ni ngug gelnagmed ngay, ma gathi nggu kireb nagmed ngay.

2 Korinth 2:4

Kug yoloy e babyor ngomed ni kari magafan’ug ngomed, ma kari kireban’ug ni be map’map’ e lu’ u owcheg, ni gathi fan e nggu kirebnag an’med, machane bochan e ngam nanged gelngin fanmed t’uf rog ni gimed gubin.

1 Korinth 4:21

Bin ngan e gimed ba’adag? Nggub ngomed ni bay e dumow u pa’ag ara nggub nri gimed ba t’uf rog ma gub munguy ngomed?

Titus 3:12

Ngiyal’ nra gu l’oeg Artemas ara Tykikus ngeb ngom e ngam athamgiliy nga mub ngog ko binaw nu Nikopolis, ya kug duwgiliy ni nggu par u rom u ngal’an e garbeb.

1 Korinth 5:3

Ya gag e yigu aray rogon ni gub mal’af romed, machane lanin’ug e bay romed u wur; mu fithingan Somol rodad i Jesus e kem’ay i turguy rog riy e n’en ni nggu rin’ ngak e re mo’on ni be’er nike rin’ e re bugithin nem nrib kireb, ni gowa gu bay romed u wur.

1 Korinth 2:2

Ya gu turguy u wun’ug ni nggu pag talin urngin ban’en ko ngiyal’ ni gu bay romed, ma kemus ni Jesus Kristus nri yam’ ni tay u daken e kuruth e ir e nggu tay u lanin’ug.

Acts 15:2

Me baraba’ Paul nge Barnabas ngar lulu’aged e pi cha’nem e thin nib gel u murung’agen e re bugithin ney, miyad be puluwnag urngin ban’en ni nge yan i m’ug e bin ni ir; ma aram min turguy ni Paul nge Barnabas nge boch fa pi’inem ni yad bay u Antiok e ngranod nga Jerusalem ngar guyed e pi apostel nge pi’in pi’ilal u murung’agen e re bugithin ney.

Acts 11:29

Pi’in gachalpen Jesus e ra turguyed ni nge bagayad me pi’ urngin e tin nrayag rok ngar ayuweged e pi’in walagrad ni girdi’en Kristus ni yad be par u Judea.

Acts 15:37

Ma ba’adag Barnabas ni ngar fekew Mark nge un ngorow,