2 Korinth 11:2 - Bible Ni Thothup

² Gu be taliyeg nagmed ni bod gelngin ni be leam nagmed Got; ya gimed bod be’ ni bpin nib machalbog ni kugog ngak ta’abe’ nib mo’on ni bay ra mabgolgow, ni aram Kristus.

2 Korinth 11:2 Referans Kwoze

Isaiah 54:5

En ni sunumiyem e bayi bod be’ ni figirngim, fithingan e SOMOL ni Gubin ma Rayag Rok! Fare Got nib thothup nu Israel e bayi biyuliyem, ir e be gagiyegnag ga’ngin e fayleng!

John 3:29

Re mo’on ni nge mabgol e aram e cha’ nib mil suwon ngak e re pin ni nge le’ay; ma re mo’on ni fager rok fare mo’on ni ir e nge mabgol e ba sak’iy u to’oben ni be motoyil, mra rung’ag laman fare mo’on ni nge mabgol me felfelan’. Ireray rogon e felfelan’ rog nike yan i aw ngarogon.

Kolose 1:28

Ere gamad be machibnag murung’agen Kristus ngak urngin e girdi’. Gamad be fonownag ma gamad be fil ngak urngin e girdi’ murung’agen nrogon ni gamad manang, ni fan e nge yag ni nge be’ min fek i yib nga p’eowchen Got nike yal’uw ko ta’ab girdi’ ni kar tew Kristus.

Ezekiel 44:22

Dariy reb e prist ni nge le’engiy be’ nike chuw ko pumo’on rok; dabisiy ni nge le’engiy be’ ni bpin nu Israel ni be’ ni denang e pumo’on fa be’ nike yim’ figirngin nib prist.

Filippi 1:8

I Got e manang ni gu be yog e tin riyul’ ni fa’anra lungug e ri gimed urngin ni gimed ba t’uf rog ni ta’reb rogon ngarogon ni gimed ba t’uf rok Kristus.

Roma 7:4

Pi walageg, ere ku er rogomed ni kam m’ad rok e Motochiyel, ni bochan e kam manged bangi downgin Kristus, ni ir e chiney e ke mil famed ngak, ni ir e ni faseg ko yam’ ni fan e nge yib fadad ngak Got.

2 Korinth 4:14

Ya gamad manang ni Got ni ir e faseg Somol Jesus ko yam’, e ku ra fasegdad ko yam’ ni bod Jesus, me chagiydad nga ta’bang u p’eowchen.

1 Korinth 4:15

Ya yugu ra ragag i biyu’ e tamchib ni fonow nagmed ko ngongol romed ko ta’ab girdi’ ni kam ted Kristus, machane ri ta’reb e chitamangimed ni bay. Ya ngongol romed ko ta’ab girdi’ ni kam ted Kristus e kug mang chitamangimed riy ni fan e gag e gu fek i yib ngomed fare Thin Ni Bfel’.

Galatia 4:11

Kug rusnagmed! Gur aram e urngin e maruwel ni kug tay ni fan ngomed e ke yan i aw ndariyfan?

1 Thessalonika 2:11

Gimed manang ni ngongol romad ngomed e bod rogon e n’en nma rin’ be’ nib matam ngak pifak.

Revelation 14:4

Yad fapi pumo’on nra ted yad ni yad bmachalbog ndar pired e ppin ma dar uned ko mabgol. Demturug e gin ni be yan fare Fak e Saf ngay ma yad be un ngak; ya kan biyuliyrad u fithik’ e tin ni kabay e girdi’ nu fayleng ma yad e tin som’on e girdi’ nni pi’rad ngak Got nge ngak fare Fak e Saf.