2 Korinth 10:3 - Bible Ni Thothup

³ Rib riyul’ ni gamad be par u roy u fayleng; machane dagur maelgad nrogon e leam ni yima tay u roy u fayleng.

2 Korinth 10:3 Referans Kwoze

2 Korinth 10:4

Talin e cham ni gamad be maruwel ngay ko cham ni gamad be tay e gathi talin e cham nu roy u fayleng, ya talin e cham nib yargel ni yib rok Got, ni ir e ngan kirebnag ngay yungi n’en nike fal’eg e mo’onyan’ rogon ke par riy be cham ngodad. Gamad be kirebnag e thin nde riyul’ ni be togopluwnag e girdi’ ngak Got;

Galatia 2:20

ere gathi ka gag e gu be par ni gub fos, yi Kristus e ir e be par nib fos u fithik’ag. Ma re pangin ni gu be par riy e chiney e kug par riy ni bochan e ke michan’ug ngak e en ni Fak Got, ni ir e gub t’uf rok ma ke pi’ e pogofan rok ni fan ngog.

Roma 8:13

Ya fa’anra um ngongolgad nrogon nib m’agan’ e dowef romed ngay ma gimed ra yim’; machane fa’an gimed ra li’ ngem’ e ngongol romed nib denen nga gelngin fare Kan ni Thothup, ma gimed ra fos.

2 Timothy 4:7

Ya kug athamgiliy e tin nrayag rog ko sagreng, ma kug mil u n’umngin yang ni ngan mil riy, ya par e michan’ rog u gil’.

1 Timothy 1:18

Timothy ni fakag, kug pag fan e re bugithin ney ngom, ni bod rogon e thin nni yi’iynag nike n’uw nap’an ni murung’agem. Pi thin ney e ir e nge mang talin e cham rom ko cham ni ga be tay nib mat’aw,

Hebrews 12:1

Gadad e ba sug e pi girdi’ nem u to’obdad ni yad be guydad, ni ur daged ko ngongol rorad nrib michan’rad ngak Got. Ere ngad paged urngin ban’en ni be magawon ngodad, nge denen nike m’agdad nike chichiiy pa’ rodad, ngad athamgiliyed e gin ni kabay ni ngad milgad riy ngad tawgad ko gin ni gadad be nameg.

Roma 7:5

Ya ngiyal’ ni ud ngongolgad nrogon e bin kakrom i pangidad, e tin nib tagan ni ud m’ad ni bochan, e Motochiyel e yib i ubchiya’nag ngi i maruwel u fithik’ i dowdad, nge yib wenegan ngodad ni yam’.

Roma 8:4

I rin’ Got e ren’ey ni fan e tin ni be yog e Motochiyel ni ngad rin’ed e nge yan i aw ngarogon u fithik’dad e pi’in ni fare Kan ni Thothup e be gagiyegnag pangidad, ma gathi rogon nib m’agan’ e dowef rodad ngay.

2 Korinth 1:17

Gimed be finey ni re bugithin ney ni kug leamnag e be maruwar u wun’ug? Fa’anra gu turguy ban’en ni nggu rin’ ma gimed be finey ni kug leamnag ni kemus ni gag e nge fel’ ngog ma kug duwgiliy u wun’ug ni nggog e “Kefel’, kefel’ ” nge “Danga’, danga’ ” u ta’ab ngiyal’?