2 Korinth 10:2 - Bible Ni Thothup

² Dab mu gelniged gimed ngog ni nge dab kug tamdag ngomed ko ngiyal’ ni bay gub riy; ya bmuduwgil u wun’ug nrayag ni nge dab kug tamdag ngak e pi’in yad be yog ni ngongol ni gamad be tay e yib u rogon e leam ni yima tay u fayleng.

2 Korinth 10:2 Referans Kwoze

2 Korinth 13:10

Aram fan ni kug yoloy e re babyor ney ko ngiyal’ ni kug bay u orel romed; bochan e nggu taw ngomed ma dab gu non ngomed nib gel u mat’wug nike pi’ Somol ngog — ni mat’wug ni ngug gelnagmed ngay, ma gathi nggu kireb nagmed ngay.

2 Korinth 13:2

Nggog ngomed e pi’in ni um denengad nge urngin e tin kabay e girdi’, ni ka’a gog faram ko yay ni gaman e l’agruw ngay ni gub gguymed, machane ngku gog bayay e chiney ni ngiyal’ney nda gu moy romed: ni yanem nra gub e dariy be’ nra thay ko gechig.

Roma 8:5

Pi’in yad be ngongol nrogon ni be yog e dowef rorad ngorad e tin ni ba’adag e dowef rorad ni ngar rin’ed e ir e ke par ni be gagiyegnag lanin’rad.

Roma 8:1

Chiney e dab kun turguy e gechig rok e pi’in kar ta’ab girdi’gad Kristus Jesus.

Roma 8:4

I rin’ Got e ren’ey ni fan e tin ni be yog e Motochiyel ni ngad rin’ed e nge yan i aw ngarogon u fithik’dad e pi’in ni fare Kan ni Thothup e be gagiyegnag pangidad, ma gathi rogon nib m’agan’ e dowef rodad ngay.

2 Korinth 1:17

Gimed be finey ni re bugithin ney ni kug leamnag e be maruwar u wun’ug? Fa’anra gu turguy ban’en ni nggu rin’ ma gimed be finey ni kug leamnag ni kemus ni gag e nge fel’ ngog ma kug duwgiliy u wun’ug ni nggog e “Kefel’, kefel’ ” nge “Danga’, danga’ ” u ta’ab ngiyal’?

2 Korinth 11:21

Gub tamra’ ngay ni nggog ni nge lungug: yigi gel e mitimra’ romad ngomed ma de yag ni gu rin’ed ni errogon! Machane fa’anra finey be’ nrayag rok ni nge uf nga murung’agen ban’en — gu be non ni bod rogon be’ nib balyang — me ere ku errogon gag.