2 Korinth 1:4 - Bible Ni Thothup

⁴ Ma ayuwegdad u urngin e gafgow nge kireban’ nma yib ngodad, ni fan e nge yag nda ayuweged e pi’in ke yib urngin mit e gafgow nge kireban’ ngorad, ni gadad be maruwel ko fare ayuw ni yib ngodad rok Got.

2 Korinth 1:4 Referans Kwoze

1 Thessalonika 5:11

Ireray fan ni nge bigimed mi i pi’ e athamgil nga laniyan’ bigimed, me bigimed mi i ayuweg bigimed, ni bod rogon ni gimed be rin’ e chiney.

Isaiah 51:12

I SOMOL e be ga’ar, “I gag e cha’ ni gu pi’ gelingmed. Ere mangfan ni gimed be rus ko girdi’, ni bod e pan ni dar ma n’uw nap’an.

Isaiah 40:1

Be ga’ar e Got rodad, “Mu fal’eged laniyan’ e girdi’ rog, mu fal’eged laniyan’rad!

Psalms 32:7

I gur e gu ma mith nga fom; bay mu chuwegneg u fithik’ e oloboch. Gu be tangnag ni ba ga’ lamag rogon ni ga ma ayuwegney, ni bochan e gur e ka mu yororiyeg.

Hebrews 12:12

Mpuged pa’med nib m’ay gelngin ngalang, mi gimed gelnag bugun aymed nib me’waer!

John 14:18

“Dab gu pagmed ngam pired ni go’ gimed; ya bay kug sul ngomed.

John 14:16

Bay gu wenig ngak e en ni Chitamangiy, nge pi’ yug reb e Taayuw ngomed, ni bayi par romed ndariy n’umngin nap’an.

Isaiah 12:1

Bayib reb e rran ni bayi tang e girdi’ ni yad be ga’ar, “Gu be pining e sorok ngom, SOMOL! Um damumuw ngog, ma chiney e kam fal’eg lanin’ug ma ke chuw e damumuw rom.

John 14:26

Ma en ni bay i ayuwegmed e aram fare Kan Nthothup ni en ni Chitamangiy e bayi l’oeg nge yib ni owcheg, ma bayi fil urngin ban’en ngomed, me ayuwegmed nge mit ngomed urngin e tin kug weliy ngomed.

Isaiah 52:9

Pin’en ni ka ni buthug u Jerusalem, mu tolul niged e felfelan’. SOMOL e ke fal’eg laniyan’ e girdi’ rok; ke chuweg fare binaw rok u pa’ e to’ogor rok.

Psalms 32:5

Ma aram mu gu weliy e denen rog ngom; da gu mithag rom e tin kireb ni ku gu rin’. Gu turguy u wun’ug ni nggu weliy e pi denen rog ngom, ma ga n’ag fan urngin e kireb rog.

1 Thessalonika 4:18

Ere ngu’um weliyed e pi thin ney ngomed i yan, ngu’um pi’ed e athamgil nga lanin’med.

2 Korinth 7:13

Ireray fan me yib e athamgil nga lanin’mad. Gathi kemus ni yib e athamgil nga lanin’mad; ya ri ba ga’ e felfelan’ ni pi’ Titus ngomad ko felfelan’ nike tay u rogon ni mu ayuweged ni gimed gubin nge felfelan’.

Isaiah 51:3

“Bay gu dag e runguy rog nga Jerusalem, ngak gubin e pi’in yad be par u fithik’ e gafgow u rom. Ni yug aram rogon ni kan n’ag e re but’ rok nem, ma bay gu mangnag bangi milay’, ni bod fare milay’ ni gu yung u lan yu Eden. Madnom nge felfelan’ e yira tay u rom, mi ni tangnag e sorok ngog nge ogmagaer.

Psalms 86:17

SOMOL, mu dag ngog e pow u fanam manigil; ma pi’in yad be fanenikayeg e bay ra tamra’gad nap’an ni yad ra guy ni ka mu ayuwegneg ka mu fal’eg lanin’ug.

Psalms 66:16

Mired ngam motoyilgad, gimed urngin e pi’in gimed ma liyor ngak Got, ma bay gog ngomed e tin ke rin’ ni fan ngog.

Isaiah 49:10

ni dabki yib e bilig nge belel ngorad. Yal’ nge gowelngin e yal’ u lan e ted ni desert e dab ku ra gafgowgad riy, ya fa’anem ni yad bt’uf rok e bay i pow’iyrad. Bayi pow’iyrad nga bogi alublub.

Filippi 1:14

Ma kalbus ni kug tay e ke gelnag e pagan’ rok yo’oren pi walagdad ni girdi’en Kristus ngak Somol, ni gubin ngiyal’ ma yad be machibnag fare thin rok Got ngak e girdi’ ndakurir tuntun gad ma dakurir tamdaggad.

2 Korinth 7:4

Kari pagan’ug ngomed, ma ke felan’ug ngomed! Ku gu be par nib athamgil lanin’ug, ma gub sug ko felfelan’ u fithik’ urngin e gafgow ni gamad be mada’nag.