2 Korinth 1:19 - Bible Ni Thothup

¹⁹ Yi Jesus Kristus, ni Fak Got, ni ir e kug machib niged Silas, nge Timothy murung’agen ngomed e gathi be’ ni ir e “Kefel’ ” nge “Danga’.” Gathi errogon, ya ir e “Kefel’ ” rok Got;

2 Korinth 1:19 Referans Kwoze

Hebrews 13:8

I Jesus Kristus e ka rogon ni fowap, nge daba’, nge chiney i yan ngam’on ndariy n’umngin nap’an.

Revelation 1:17

Nap’an ni gguy mu gu aw u to’oben ay nga but’ ni gowa be’ nike yim’. Me tay e ba’ ni mat’aw i pa’ nga dakenag me ga’ar, “Dab mu rus! Yi gag fa’anem ni tabolngin nge tungun.

2 John 1:9

En nder par nib yul’yul’ ko tin ni yib i fil Kristus ngodad, machane me yan nge thum’ nga wuru’, e de moy Got rok.

Revelation 2:18

“Mu yol ngak fare engel ko galesiya nu Thyatira ni nge lungum: “Ba’aray e thin nike pi’ fa’anem ni Fak Got, ni be gal ram’en lan mit ni gowa daramram u ba nifiy, ma be galgal ram’en e rifrif u ay ni gowa ram’en e wasey ni brass ni kan gichiy.

1 John 5:20

Gadad manang ni en ni Fak Got e ke yib ma ke tamilangnag an’dad ni ngad nanged fa bin riyul’ e Got. Gadad bay u fithik’ e bin riyul’ e Got — u fithik’ Fak ni Jesus Kristus. Ir e bin riyul’ e Got, ma ir e yafos ndariy n’umngin nap’an.

Revelation 1:8

Ke yog Somol ni ir Got ni Gubin ma Rayag Rok, ni ir e bay e chiney, me ir e immoy, me ir e bay yib ni ga’ar, “I gag fare Alfa nge fare Omega, ni aram e tabolngin nge tungun.”

Acts 18:5

Ma fa’ani sul Silas nge Timothy u Macedonia, me pag Paul urngin ban’en me par ni yigo’o thin rok Got e be machibnag ko girdi’, ma be weliy ngak piyu Israel ni Jesus e ir fare Messiah.

Revelation 1:11

Me non ni be ga’ar, “Mu yoloy nga but’ e n’en ni ga be guy, ma ga pi’ e re ke babyor nir nge yan ngak fa medlip i galesiya, ni aram e galesiya nu Efesus, ngu Smyrna, ngu Pergamum, ngu Thyatira, ngu Sardis, ngu Filadelfia, ngu Laodicea.”

1 John 1:3

Ma tin kug guyed ma kug rung’aged e gamad be yog ngomed, ni fan e ngam uned ngomad ngad ta’ab girdi’gad e en ni Chitamangiy nge en ni Fak ni Jesus Kristus.

2 Peter 1:17

Ugumed u rom me tay Got ni Chitamangiy fan Jesus Kristus ni piliyeg ram’en downgin nge galgal ko ngiyal’ ni yib ba lam ngak, ni yib rok e en ni Th’abi Gil Tolangin ni be ga’ar e re lam nem, “Ireray Fakag nrib t’uf rog, ni kari felan’ug ngak!”

Hebrews 1:11

Ni urngin ni bayi chuw, me gur e bay mpar. Ma gubin ni bayi kaday ni bod yungi mad.

Acts 15:22

Ma aram me cheag e pi apostel nge pi’in pi’ilal ko galesiya, nge girdi’en e galesiya ni polo’ miyad turguy ngar mel’eged boch e girdi’ rorad ngar l’oeged yad ngranod nga Antiok ni yad Paul nge Barnabas. Miyad duwgiliy Judas, ni ku yima pining ni Barsabbas, nge Silas ni l’agruw ni’ nma tay urngin girdi’en Kristus farow.

Acts 9:20

Mi i yan u lan tafen e mu’ulung i yan, ni aram e ke tabab i machibnag murung’agen Jesus ni be ga’ar, “I Jesus e ir fa’anem ni Fak Got.”

Acts 8:36

Ma nap’an ni yow be yan u daken e re pa’ i kanawo’ nem miyow yib ngabangi ban’en ni bay e ran riy, me ga’ar fa’anem nib tolang, “Ba’aray e ran. Mang ndab ntawfe nigeg?”

John 20:31

Tiney e kan yoloy ni bochan e nge yag ni mich u wun’med ni Jesus e ir fare Messiah, ni fa’anem ni Fak Got, ni aram e u daken e re michan’ ney e ir e rayag e yafos riy ngomed u fithingan.

John 19:7

Me fulweg yu Israel ngak ni lungurad, “Bay ba motochiyel romad ni be yog nthingari yim’, ya keyog ni ir e Fak Got ir.”

John 8:58

Me fulweg Jesus ngorad ni ga’ar, “Nggog e tin riyul’ ngomed. Dawor ni gargeleg Abraham ma ‘Gu Bay.’ ”

John 6:69

Ma chiney e ke mich u wun’mad ma kug nanged ni gur Fa’anem ni Gab Thothup ni mub rok Got.”

John 3:16

Ya Got e rib t’uf e girdi’ nu fayleng rok, ma aram me pi’ Fak ni kari maagirag rok nge yib, ni fan e nge urngin e pi’in ni michan’rad ngak e aram e dab kurm’ad, ya keyag e yafos ndariy n’umngin nap’an ngorad.

John 1:49

Me fulweg Nathanael ni ga’ar, “Tamchib, i gur fa’anem ni Fak Got gur! I gur fare Pilung nu Israel!”

John 1:34

Me ga’ar John, “Kug guy, ere gu be yog ngomed ni ir fa’anem ni Fak Got ir.”

Luke 1:35

Me fulweg fare engel ngak ni ga’ar, “Fare Kan Nthothup e bayyib ngom, me yib i par gelngin Got ngom. Ireray fan nre tir nem nib thothup e bay ni pining ni Fak Got.

Mark 1:1

Ireray fare Thin Ni Bfel’ ni murung’agen Jesus Kristus, ni Fak Got;

Matthew 27:54

Ma en nib tolang ko salthaw nge salthaw ni yad bay rok ni yad be matanagiy Jesus e ra guyed e re durru’ nem nge urngin ban’en ni cheag ngay nge m’ug, miyad rus me lungurad, “Riyul’ ni ir Fak Got!”

Matthew 27:40

“I gur faram e mfiney ni ngam buthug e Tempel ngam toy u lan dalip e rran nge m’ay! Fa’anra Fak Got gur, me ere mu guy rogon nge siy ku mum’! Ma ga luw nga but’ ko re kuruth nir!”

Matthew 24:35

Tharmiy nge fayleng e bay chuw, ma thin rog e ri dabi math bi’id.

Matthew 17:5

Ma nap’an ni be non me yib bangi manileng nib galgal ram’en nga dakenrad, me non ba lam u fithik’ fa gi manileng ni ga’ar, “Ireray Fakag nrib t’uf rog, ni kari felan’ug ngak — ere mu telmed ngak!”

Matthew 3:17

Me non ba lam u tharmiy ni ga’ar, “Ireray Fakag nib t’uf rog ni kari felan’ug ngak.”

Psalms 2:7

Me ga’ar fare pilung, “Nggu weliy ngan nang e tin keyog SOMOL. Ke ga’ar SOMOL ngog, ‘I gur fakag, daba’ e kug mang chitamam.

Exodus 3:14

Me ga’ar Got, “I Gag e en ni Gag. Arrogon ni thingar mog ngorad: ‘Fa’anem ni yima pining ni GAG e ir e ke l’ogeg ni nggub ngomed.’

John 20:28

Me fulweg Thomas ngak ni ga’ar, “Somol rog nge Got rog!”

Matthew 4:3

Me yib e mo’onyan’ i ga’ar ngak, “Fa’anra Fak Got gur, me ere mu non ko pi malang ney nge ngal’ ni flowa.”

Acts 16:1

Me milekag Paul nga Derbe nge nga Lystra. Ma bay be’ nib mich Jesus u wan’, ni Timothy fithingan nma par u rom; ma ku errogon e chitiningin ni ku ir be’ nib mich Jesus u wan’ ni ku be’ u Israel, machane chitamngin Timothy e be’ u Greece.

2 Korinth 1:1

Re babyor ney e yib rok Paul, ni mang apostel rok Kristus Jesus ni Got e leamnag, nge rok Timothy ni walagdad ni girdi’en Kristus — Ngak girdi’en e galesiya rok Got u Korinth, nge ngak urngin e girdi’ rok Got u Greece ni polo’:

1 Thessalonika 1:1

Re babyor ney e yib rok Paul nge Silas, nge Timothy — Ngak e girdi’ ko galesiya nu Thessalonika, ni yad girdi’en Got ni Chitamangiy nge Somol Jesus Kristus: I Got e ngi i ayuwegmed ma be pi’ e gapas nga lanin’med.

2 Thessalonika 1:1

Re babyor ney e yib rok Paul, nge Silas, nge Timothy — Ngak girdi’en e galesiya nu Thessalonika ni yad girdi’en Got ni Chitamangidad nge Somol ni Jesus Kristus:

1 Timothy 3:16

Rib muduwgil ni yira ngat ko n’en nib riyul’ ni ir e ke michan’dad ngay: I yib i m’ug nike bod ya’an e girdi’, ma Kan Nthothup e dag nib mat’aw, ma pi engel e ra guyed. Ma kan machibnag murung’agen ko pi nam i yan, me michan’ e girdi’ nu fayleng ngak, min fek nga tharmiy.

1 Peter 5:12

Kug yoloy e re gi babyor ney nib ngoch ngomed ni Silvanus e ke ayuwegneg riy, ni kug tay ni ir reb i walagdad nrib yul’yul’. Gub adag ni nggu pi’ e athamgil nga lanin’med, mu gu weliy ngomed kanawo’en nma ayuwegdad Got. Ere mpired u fithik’ e re ayuw ney ni gimed bmuduwgil.