2 Kings 9:3 - Bible Ni Thothup

³ mag pu’og e re gapgep ney ni olive nga daken lolgen, me lungum, ‘Keyog SOMOL nike gapgep nigem ni ngam mang pilung nu Israel.’ Ma aram mag chuw u rom ni ka chingiyal’ nem.”

2 Kings 9:3 Referans Kwoze

1 Kings 19:16

nge Jehu nib mo’on ni fak Nimshi nge mang pilung nu Israel. Mu kum liyef e gapgep nga lolugen Elisa ni fak Shafat ni be’ u Abel Meholah nge yan nga luwam nge mang profet.

Matthew 2:13

Nap’an ni kar chuwgad me m’ug ba engel rok Somol ngak Josef u malik’ay ni be ga’ar ngak, “Mu od, mfek fare tir nge chitiningin ngam milnagrow nga Egypt, ma ga par u rom nge mada’ ko ngiyal’ ni bay gog ngom ni ngam chuw u rom. Ya bayi gay Herod e re tir nir ni nge li’ ngem’.”

Daniel 5:18

“Got ni Ir e Th’abi Tolang e gagiyegnag Nebukadnezzar ni chitamam nge mang ba pilung ni ba ga’, me gagiyegnag e girdi’ ngu’ur ted fan me par nib sorok.

Daniel 4:35

Ra ni paluwnag e girdi’ nu fayleng ngak mra yan i par e girdi’ nu fayleng nib m’ayfarad; i ir e be gagiyegnag e pi engel nu tharmiy nge girdi’ nu fayleng. Dariy be’ nrayag rok ni nge togopluw ko tin ke duwgiliy u wan’, ara fith ngak e n’en nma rin’.

Daniel 2:1

Nga l’agruw e duw nike pilung Nebukadnezzar, me lik’ay. Ma rib gel e magafan’ ni yib ngak ni bochan e re lik’ay nem ndakiyag ni nge mol.

2 Kronicles 22:7

Me maruwel Got ko re fangich ney ku Joram ni aram e nge thay pa’ i Ahaziah. Nap’an ni bay Ahaziah u rom, ma ranow ra guyew i Jehu nib mo’on ni fak Nimshi, ni aram e cha’ nike mel’eg SOMOL ni nge thang owchen fare tabnaw rok Ahab.

2 Kings 8:13

Me fith Hazael ni ga’ar, “Ra di’in me er fanag gel? Ya gag be’ ni dariy rogog!” Me fulweg Elisa ni ga’ar, “Ke dag SOMOL ngog ni bay mmang pilung nu Syria.”

1 Samuel 16:2

Me fith Samuel ni ga’ar, “Uw rogon ni nggu rin’ e binir? Ya ra rung’ag Saul me thang e fan rog.” Me fulweg SOMOL ni ga’ar, “Mfek ba pifak e garbaw nge un ngom ma gog ni ka mub ni ngam pi’ ba maligach ngak SOMOL.

1 Samuel 15:17

Me fulweg Samuel ngak ni ga’ar, “Yugu er rogon ni ga be leamnag ndariy rogom, ya gur e pilung ko pi ganong nu Israel. I SOMOL e ke gapgep nagem ni gur e pilung nu Israel,

1 Samuel 15:1

Me ga’ar Samuel ngak Saul, “I gag e en ke pi’eg SOMOL ni nggu gapgepnag lolugem ngam par ni kam mang pilung rok piyu Israel ni girdi’ rok. Ere mu telim ko thin nike yog SOMOL ni Gubin ma Rayag Rok.

1 Samuel 9:16

“Gonap’an e re ngiyal’ i n’ey gabul e bay gu pi’ be’ ko ganong rok Benjamin nge yib ngom; mu gapgepnag nge par ni ir e nge gagiyegnag piyu Israel ni girdi’ rog, ya ir e nge lagrad u pa’ e pi Filistine. Ya kug guy e gafgow ni be tay e girdi’ rog, ma kug rung’ag e myor ni man ayuw rorad ngog.”

Levitikus 8:12

Me pu’og boch fare gapgep ni fen e mathiy nga daken lolgen Aron.

Exodus 29:7

Mag fek fare gapgep ni fen e mathiy ngam pu’og nga lolgen mag liyef ngay.

Matthew 10:16

“Mu telmed ngog! Nggu l’oegmed ngam marod ni bod e saf ni nge yan nga fithik’ ba ran’ i wolf. Thingar mu ayuwgad ni bod rogon e porchoyog mi gimed munguy ni bod rogon e bulogol.

Matthew 26:7

me yib be’ ni bpin nike fek ba melor nni ngongliy ko malang ni alabaster nib sug ko florida nib tolang puluwon, me pu’og nga daken lolugen Jesus ni ka be abich Jesus.

1 Samuel 10:1

Me fek Samuel ba melor i gapgep ko olive nge pu’og nga daken lolugen Saul, me faray owchen me ga’ar, “I SOMOL e ke gapgep nigem ni aram e gur e ngam gagiyegnag e girdi’ rok nu Israel. Bay um par ni gur e ga be gagiyegnag e girdi’ rok ma ga be ayuwegrad rok urngin e pi to’ogor rorad. Mich riy ni SOMOL e ke dugliyem ni ngam gagiyegnag e girdi’ rok e ba’aray:

1 Kings 1:34

mu rom e nge gapgepnag Zadok nge Nathan lolugen Solomon riy ni aram e ke mang pilung nu Israel. Mi gimed thoy e yabul ngam tolulgad ni nge lungumed, ‘Solomon ni Pilung e nge par nib n’uw nap’an!’

2 Kings 9:6

Ma aram mranow ni yow l’agruw ngalan e senggil, me pu’og fare profet ni kab pagel fare gapgep ni olive nga daken lolgen Jehu me ga’ar ngak, “I SOMOL, ni Got nu Israel, e be ga’ar: ‘Gu be gapgep nagem ni ngam mang pilung rok e girdi’ rog ni piyu Israel.