2 Kings 8:10 - Bible Ni Thothup

¹⁰ Me fulweg Elisa, ni ga’ar, “Mman mog ngak ni bayi gol, machane SOMOL e ke dag ngog ni bayi yim’.”

2 Kings 8:10 Referans Kwoze

Revelation 22:1

Miki dag fare engel ngog fare lul’ ni bay e ran ko yafos riy, ni be galgal ram’en ni bod e krystal, ni yib u tagil’ Got nge fare Fak e Saf,

Zekariah 1:20

Me dag SOMOL ngog aningeg i girdi’en e maruwel ni kar feked e ama.

Amos 8:1

I SOMOL ni Th’abi Tolang e ki piliyeg e changar rog bayay. Ngguy ba dug i wom’ngin e gek’iy.

Amos 7:7

I SOMOL e ki piliyeg e changar rog. Mu gguy SOMOL nib sak’iy nga to’oben bangi rungrung nni ubung nib yil’ i gaf ni ba’ ban’en u taban nib tomal e ni gad ngay nge yag ni un ubung i yan ngalang nib k’iy, ma bay reb e pi fol nem u pa’.

Amos 7:4

I SOMOL ni Th’abi Tolang e piliyeg e changar rog. Mu gguy SOMOL ni be fal’eg rogon ni nge gechignag e girdi’ rok ko nifiy. Me urfiy fare nifiy fa gi day ni ba ga’ ni bay u tan e but’ nge m’ay, me tabab e re nifiy nem ni nge urfiy e nam.

Amos 7:1

I SOMOL ni Th’abi Tolang e piliyeg e changar rog ngug guy e pin’en ni ba’aray: gguy SOMOL ni sunumeg baran’ i asmen’ing nga tomuren ni ka fin nth’ab e pan ni gan e gamanman, ni aram fa birok fa en ni pilung e f’oth, ma aram e ke tabab e pan ni nge tugul bayay.

Amos 3:7

I SOMOL ni Th’abi Tolang e dariy ban’en nma rin’ nder ma dag ngak e pi profet, ni aram e pi tapigpig rok.

Ezekiel 18:13

mma pi’ e salpiy ngak e girdi’ ni nga ni maruwel ngay nge mu’ min fulweg ngak ni bay e win ni ka nin’ ngay. Gur ra par nib fos? Danga’, dabi par nib fos. Ke rin’ urngin e pi kireb ney ma aram fan ni bay yim’. Yam’ nra tay e ir e kireb rok.

Ezekiel 11:25

mug weliy ngak fapi kalbus urngin e tin ke dag SOMOL ngog.

Jeremiah 38:21

Ya SOMOL e ke piliyeg e changar rog kug guy e n’en nra buch rom ni fa’an ga ra duwgiliy ni nge dab mu pi’em nga pa’ e pi tolang ko salthaw nu Babylon.

2 Kings 1:16

me ga’ar ngak, “Ba’aray e n’en ni be yog SOMOL: ‘Bochan e kam l’oeg e pi tamal’og ni ngranod ra fithed laniyan’ Baalzebub, ni fare got nu Ekron — ni gowa dariy e got u lan yu Israel ni ngam fith lanyan’ — dab kum fos; bay mum’!’”

2 Kings 1:4

Mogned ngak e en ni pilung ni be ga’ar SOMOL, ‘Dab kum gol ko pi mad’ad rom nir; bay mum’!’” Me rin’ Elijah ni bod ni keyog SOMOL ngak ni nge rin’,

1 Kings 22:15

Ma fa’ani yib nga p’eowchen e en ni pilung, me fith ngak ni ga’ar, “Mikayah, nggu m’agew Jehoshafat ni Pilung e mael nga Ramoth fa danga’?” Me ga’ar Mikayah, “Mmarow, ya gimew ra gel. I SOMOL e bayi gagiyeg nagmew ngam gelgow.”

Genesis 41:39

Ma aram me ga’ar Farao ngak Josef, “Bochan e ke dag Got ngom urngin e pin’ir, me ere dakuriy be’ ni kab llowan’ fa kab gonop ngom.

Genesis 2:17

ma kemus ni fare ke gek’iy nma tamilangnag an’uy ko tin ni bfel’ nge tin kireb e dab mu koy. Thangri dab mu koy wom’ngin. Ya rofen ni ga ra kay e ga ra yim’.”