2 Kings 8:1 - Bible Ni Thothup

¹ Chiney e keyog Elisa ngak fare pin ni i par u Shunem, ni fa’anem ni faseg Elisa ba pagel ni fak, nike pi’ SOMOL ba uyngol nga daken fare nam, nra par ni medlip e duw n’umngin nap’an, ma ir e nge chuw nge tabnaw rok ngranod ra pired ngabang.

2 Kings 8:1 Referans Kwoze

Haggai 1:11

Kug pag e yal’ nib gel kem’ay e ran u daken e but’ ngu daken e ted, nge yung i flang ko grain, nge yung i woldug ko grape, nge milay’ ko olive, nge gubin mit e woldug nma tugul u but’, ma ku er rogon e gamanman nge girdi’, nge gubin ban’en ni gimed be guy rogon ni ngam yunged.”

Psalms 105:16

I SOMOL e pi’ e uyongol nge yib ko nam rorad, me chuweg urngin e ggan rorad.

Ruth 1:1

Pi rran nem ni pi’in tapuf oloboch e be gagiyegnag yu Israel e yib ba uyongol ko re nam nem. Mu Bethlehem, ni bay u lan e nam nu Judah, e yan be’ nib mo’on riy ko nam nu Moab ni nge par u rom ni bay n’umngin nap’an; me un le’engin nge l’agruw i pumo’on ni fak ngak ngranod.

2 Kings 4:18

Me boch e duw nga tomuren ko ngiyal’ ni yima fek wom’ngin e woldug ngan ayuweg nga naun me yan fare tir ngak e chitamngin ni bay u milay’ ni yad boch e girdi’ ni yad be t’ar wom’ngin e woldug.

Genesis 12:10

Machane bay ba uyngol u Kanaan nrib gel, ma aram me yan Abram u rom ngalan e yimuch nge mada’ nga Egypt, me par u rom boch ngiyal’.

Luke 4:25

Mu telmed ngog: riyul’ ni bo’or e ppin nu Israel nra pired nike yim’ figirngirad ko fa ngiyal’nem ni kabay Elijah riy, ni fa’ani par nde aw e n’uw ni dalip e duw nge baley, me yib e uyongol ni ba ga’ nga daken e nam ni ga’ngin.

1 Kings 18:2

Me yan Elijah. Ma kari gel e uyongol u Samaria e ngiyal’nem,

1 Kings 17:1

Elijah ni fare profet ni be’ u Tishbe u lan yu Gilead e ga’ar ngak Ahab ni Pilung nu Israel, “U fithingan SOMOL ni fare Got nu Israel ni be par nib fos, ni gag e tapigpig rok, e nggog ngom ni bayi par ndakuriy e wa’angachal nge n’uw u lan l’agruw fa dalip e duw, nge mada’ ko ngiyal’ ni bay fin gog.”

Levitikus 26:26

Bay gu taleg e ggan nma yib ngomed, me par nri ta’reb e stof e ba t’uf rok ragag e ppin ni ngar lithed urngin e flowa ni bay rorad riy. Mra kuweged u pa’med nra be’ ma buchu’uw, ma nap’an ni gimed ra mu’ i kay ni gubin miki gimed be yim’ ko bilig.

Acts 11:28

Ma bay bagayad, ni Agabus fithingan, ni sak’iy ngalang me yi’iynag u gelngin fare Kan Nthothup ni bay ba uyongol ni aram e nge yib nga gubin yang u fayleng. (Me yib e re uyongol nem ko fa ngiyal’nem ni Klaudias e Emperor u Roma.)

Luke 21:22

Ya ireray e ‘Pi Rran ko Gechig,’ ya nge yib i dag nib riyul’ urngin e tin keyog e babyor nib thothup.

Luke 21:11

ma gubin yang ni bay i yib e durru’ nib gel riy, nge uyongol, nge liliy nib machreg nma af ko girdi’ i yan, ma bayi m’ug bogi ban’en u lanelang nib gel e marus ni bay nta’ riy nge bogi pow ni ba ga’.

Jeremiah 25:29

Bay gu tababnag e maruwel rog u lan e birog e binaw ni nge gafgow. Yad be leamnag ma yad ra thay ko gechig? Danga’, yira gechig nagrad, ya aram e nggu pi’ e mael ngak gubin e girdi’ nu fayleng. I Gag SOMOL ni Gubin ma Rayag Rok e gu be non.

Psalms 107:34

I pingeg e but’ nib yong’ol nge buday ni daki fel’, ni bochan e kireb ni i ngongliy e pi’in i par u rom.

2 Samuel 24:13

me yib Gad ngak, nge yog ngak e n’en nike yog SOMOL, me fith ngak ni ga’ar, “Bin bu uw riy? Dalip e duw ni nge yib e uyngol u lan e nam rom ara dalip e pul ni ngu’um mil rok e pi to’ogor rom ara dalip e rran ni nge yib e misilpig u lan e nam rom? Ere mu leamnag e chiney, ma ga duwgiliy ko mang fulweg e ngu sulweg ngak SOMOL.”

2 Samuel 21:1

Ngiyal’ nib pilung David me yib ba uyngol nib gel ni dalip e duw nap’an. Me fith David laniyan’ SOMOL riy, me ga’ar SOMOL, “I Saul nge chon e tabnaw rok e bbuch e rorad ko mthang pogofan; ke thang e fan rok e girdi’ nu Gibeon.” (

Genesis 47:4

Kugbad ni nggu pired u lan e biney e nam, ni bochan e lan e nam nu Kanaan e rib gel e uyongol nike yib riy, ya dariy e pan riy nra kay e yu ran’ i saf nge kaming romad. Ere wenig ngom, mu guy rogon nggu pired u lan e nug nu Goshen.”

Genesis 41:32

Ma fan e re lik’ay nem ni yib ngom ni l’agruw yay, i gur Farao, e aram e kem’ay i turguy rok Got, ni dabki n’uw nap’an me taw.

Genesis 41:25

Me ga’ar Josef ngak Farao, “Gali lik’ay nir e ta’reb fan; ke weliy Got ngom e n’en ni nge rin’.

Genesis 26:1

I yib reb e uyngol ko re binaw nem nga tomuren e bin ni yib nsom’on nnap’an Abraham. Me yan Isak ngak Abimelek, ni pilung ko Filistine, u Gerar.

Genesis 41:54

me tabab fa medlip i duw ngay ni aram e ke yib e uyongol, ni bod rogon ni fa’ani yog Josef ni bay taw ngay. Miki yib e uyongol ko tin kabay e nam, machane ga’ngin yu Egypt ni bay e ggan riy.

2 Kings 4:38

Bayay ni yib e uyngol u ga’ngin yang e re binaw nem, me sul Elisa nga Gilgal. Ngiyal’ ni be skulnag ba ulung i profet, me yog ko tapigpig rok ni nge tay ba th’ib nib ga’ nga daken e nifiy nge ngongliy e stew ni garad.

2 Kings 7:20

Mar aram rogon ni buch rok, ya yot’ e girdi’ nu lan binaw nga but’ ngranod u daken nge yim’.

2 Kings 8:2

Me fol fare pin ko n’en keyog Elisa mranod chon e tabnaw rok ngranod ra pired nga Filistia ni medlip e duw.

2 Kings 4:36

Me pining Elisa Gehazi me yog ngak ni nge pining e chitiningin fare tir. Ma fa’ani yib fare pin me ga’ar Elisa ngak, “Ba’aray fakam.”

Amos 4:6

“I gag e gu pi’ e uyongol nge yib nga urngin e pi binaw romed, yug aram rogon ma da mu sulod ngog.