2 Kings 7:1 - Bible Ni Thothup

¹ Me ga’ar Elisa, “Mu telim ko thin keyog SOMOL! Ngiyal’ney gabul ma rayag ni ngam chuw’iy u market u Samaria ragag e pawn e wheat ni th’abi fel’ ara reliw’ e pawn e barley ni kemus ni ta’ab yang e silber puluwon.”

2 Kings 7:1 Referans Kwoze

Joshua 3:5

Me ga’ar Joshua ngak piyu Israel, “Mu macholbog niged gimed, ya gabul e bayi ngongliy SOMOL e maang’ang u fithik’med.”

Exodus 16:12

“Kug rung’ag e gun’gun’ ni be tay piyu Israel; nge lungum ngorad, ‘Ra yan ni nge aw e lumor ma bayi yag ngomed e ufin ni ngam ked, ma kadbul e bayi yag ngomed urngin e ggan ni ngam ked. Ma aram e bay mu nanged ni Gag SOMOL e Got romed.’”

Ezekiel 37:4

Me ga’ar, “Mu weliy e yi’iy ngak e pi yil ney. Mog ngak e pi yil ney nike mlik’ ni ngar motoyilgad ko thin rok SOMOL.

1 Samuel 11:9

Me lungurad ko pi mol’og nrabad u Jabesh, “Mogned ngak e tiromed e girdi’ ni gabul ndawori misiw’ e yira ayuwegrad.” Ba gel e felfelan’ ni tay piyu Jabesh nnap’an ni taw e re bugithin ney ngorad,

Exodus 14:13

Me ga’ar Moses ngak e girdi’, “Dab mu rusgad! Mu pired ni gimed ba muduwgil, mi gimed guy e n’en ni bayi rin’ SOMOL ni nge yoror romed e daba’ ni dabi buch ban’en romed. Pi girdi’ nem nu Egypt ni gimed be guy e daba’ e gathi bay kum guyed yad bayay.”

Psalms 46:5

Got e be par u lan e re binaw nem, ndabiyag ni ngan kirebnag; ra yib i ayuweg e re binaw nem nnap’an ni fini be puf e woch.

Exodus 8:23

Bay gu gagiyelnag e tirog e girdi’ rok e tirom. Re maang’ang ney e bayi m’ug gabul.’”

2 Kings 20:16

Ma aram me ga’ar Isaiah ngak fare pilung, “Be ga’ar SOMOL ni Gubin ma Rayag Rok

Revelation 6:6

Mu gu rung’ag ban’en ni gowa laman be’ ni be yib u fithik’ fa aningeg i n’em ni yad ba fos ni be ga’ar, “Salpiy nma thognag be’ u reb e rran e puluwon ta’reb e quart e wheat ni yima ngongliy e flowa riy ara dalip e quart e barley. Machane dab mu kirebnag e gapgep ko olive nge wayin!”

2 Kings 4:42

Ma bayay me yib be’ nib mo’on u Baal Shalishah, nike fek i yib ngak Elisa rliw’ i flowa ni lof, nni ngongliy ko tin som’on e barley nt’ar e re duw i n’em, nge ba thum i grain ni kafinni th’ab ni kab kak’ling. Me yog Elisa ngak e tapigpig rok ni nge durwi’iy fare ulung i profet ngay,

John 6:9

“Bay ba pagel u roy ni bay lal yal’ i flowa ni barley rok nge l’agruw i nig. Machane dabi gaman e pi girdi’ ney riy ni aray urngirad.”

2 Kings 6:25

Bochan e re m’ag mael nem me lich e ggan u lan fare binaw nu Samaria, ra ta’reb e llug ko dongki ma meruk i ragag yang e silber puluwon, ma ra ba ley e pawn e subuyas ni be tugul u mapan ma lal yang e silber puluwon.

2 Kings 6:33

Ka fini mu’ ko welthin me taw fare pilung me ga’ar, “Re gafgow ney nike yib ngodad e SOMOL e ke pi’. Ere mang ni ngku’ug sonnag SOMOL?”

Isaiah 1:10

Jerusalem, pi’in yad be yog e thin rom nge girdi’ rom e yad bod e girdi’ nu Sodom ngu Gomorrah. Mu telim ko thin ni be yog SOMOL ngom. Mu tiyan’um ko n’en ni be fil e Got rodad ngom.

1 Kings 22:19

Me ul ul Mikayah ngay nge ga’ar, “Mu telim ko thin keyog SOMOL! Kug guy SOMOL nike par nga tagil’ u tharmiy, ni bay e pi engel rok ni yad ba sak’iy u to’oben.

2 Kings 7:16

Me yan e girdi’ nu Samaria ni yad ba gur ngar feked e pin’en ni bay ko fapi tent nike pag e salthaw nu Syria. Me yan i puluw ko fa tini yog SOMOL, nra ragag e pawn e wheat ni th’abi fel’ ara reliw’ e pawn e barley ma ta’ab yang e silber puluwon.

1 Samuel 15:1

Me ga’ar Samuel ngak Saul, “I gag e en ke pi’eg SOMOL ni nggu gapgepnag lolugem ngam par ni kam mang pilung rok piyu Israel ni girdi’ rok. Ere mu telim ko thin nike yog SOMOL ni Gubin ma Rayag Rok.