2 Kings 4:1 - Bible Ni Thothup

¹ Be’ ni bpin nike yim’ figirngin ni immoy ni ir reb i girdi’en ba ulung i profet e yan ngak Elisa me ga’ar ngak, “Siro’, ke yim’ figirngig! Ma bod ni gamnang ni ir be’ nib pumo’on ni bay madgun Got u wan’, machane chiney e keb be’ nib pumo’on ni bay e salpiy ni malfith rok figirngig ngak ni nge fek l’agruw i pagel ni fakag ngar mangew sib ni nge yan nga puluwon fare malfith.”

2 Kings 4:1 Referans Kwoze

Matthew 18:25

Ma de gaman e salpiy ni bay rok nra thang e malfith rok ngay, ma aram me yog e masta rok ni ngan pi’ fa’anem nge bpin rok nge bitir rok ni chuway’ ngar manged sib, ma ku errogon urngin ban’ en rok ni ngan pi’ ni chuway’ nge yag ni nge math e malfith rok.

2 Kings 2:3

Me yib ba ulung i profet ni yad ma par u rom ngak Elisa me lungurad ngak, “Mog, ga manang ni bayi fek SOMOL e masta rom e daba’?” Me ga’ar Elisa, “Gu manang, ere dab kud weliyed murung’agen.”

Revelation 19:5

Ma aram me yib ba lam u tagil’ Got ni be ga’ar, “Gimed urngin e pi tapigpig rok Got, nge urngin e girdi’ ni pi’in yad ba tolang nge pi’in yad ba sobut’, ni bay madgun Got u wun’med e ngam pininged e sorok ngak e Got rodad!”

Matthew 18:30

Machane dabun; ma aram me yog ni ngan kol nga nin’ nga kalbus nge yan i mada’ ko ngiyal’ nra thang e malfith rok riy.

Malaki 4:2

Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

Malaki 3:16

Ma girdi’ ni bay madgun SOMOL u wun’rad e ur welthingad ngorad, ma be motoyil SOMOL ngorad me rung’ag e thin ni yad be yog. Bay ba ke babyor rok ni kan yoloy ngay murung’agen e pi’ini bay madgun SOMOL u wun’rad ma yad be tayfan.

Psalms 147:11

ya ma felan’ ngak e pi’in yad ma liyor ngak, ni pi’in nib pagan’rad ko t’ufeg rok ni dabimus.

Psalms 103:17

Machane pi’in yad ma liyor ngak SOMOL e bay ur pired ni yad ba t’uf rok ndariy n’umngin nap’an, ma fel’ngin ngorad e bay i par ni gubin e mfen,

Psalms 103:11

Rogon feni tolang lanelang ko fayleng, e aram feni ga’ e t’ufeg rok SOMOL ko pi’in ni bay madgun u wun’rad.

1 Samuel 22:2

Girdi’ ni yibe gafgow nagrad, nge pi’in ni kar awgad nga fithik’ e malfith, nge pi’in dar fel’ u wan’rad e n’en ni yibe rin’, e ranod ngak David, gonap’an aningeg mir’ay e girdi’ u gubin, ni mang ga’ rorad.

Revelation 15:4

Somol, i mini’ e dabi yib madgum ngak? Mini’ e en nra siyeg ni nge dabi weliy murung’agem nib sorom? Ya kemus ni go’ gur e gab thothup. Ya urngin e nam ni bay rabad ngar ted fam miyad siro’ ngom u p’eowchem, ya ngongol rom nib mat’aw e urngin e girdi’ ni kar guyed.”

James 2:13

Ya ngiyal’ nra pufthinnag Got e en nde runguy be’ e ku dabi runguy Got fa’anem; ya runguy e ra gel ko pufthin.

Acts 13:26

“Pi walageg, ni gimed owchen Abraham, nge gimed urngin e pi’in gathi gimed piyu Israel ni gimed bay u roy ni gimed ma meybil ngak Got: re thin rok Got ney ni murung’agen rogon min thap ngak Got e gadad e kan pi’ ke yib ngodad!

Matthew 18:35

Me museg Jesus ni ga’ar, “Ireram rogon e n’en nra rin’ e Chitamag nu tharmiy ngomed ni fa’anra dabi bigimed me n’ag fan u wan’ e n’en nib kireb nike rin’ reb i walagen ngak.”

Jeremiah 34:14

gubin e medlip e duw ma ngar paged pi sib nu Hebrew nike pigpig ngorad u lan nel’ e duw. Machane pi’ chitamangimed e dar folgad rog ma dar motoyilgad ko n’en ni gog.

Eklesiastes 12:13

U tomuren urngin e pin’ey, ma ka ta’reb e kabay ni nganog: Nge yib madgun Got u wun’um, ma ga fol ko tin ke ta’chiylen, ya kemus fan e girdi’ ni sunmiy.

Eklesiastes 8:12

Be’ nib kireb e rayag ni nge rin’ e oloboch ni ra’ay yay ma ku be par nib fos. Ahh rriyul, gu manang ko mang e yad be yog: “Fa’anra um fol rok Got, ma urngin ban’en mra par ni bfel’ rogon,

Nehemiah 10:31

Fa’anra fek e girdi’ nu boch e nam e pi wom’ngin e grain fa demturug e mit i n’en ni ngar pi’ed ngomad ni chuway’ ko Sabbath ara demturug e re rran nreb e rran nib thothup, ma dab gu chuw’iyed rorad. Gubin e medlip e duw nra m’ay ma dab gu milay’ niged e but’, ma gamad ra n’ag babyoren gubin e pi malfith ni bay.

Nehemiah 7:2

Gu tay l’agruw i pumo’on ni ngu’ur gagiyeg nigew fare binaw nu Jerusalem: Hanani nib mo’on ni walageg nge Hananiah nib mo’on ni ir e ma gafaliy e salthaw nu lan fare binaw ni kan yororiy ni fan ko mael. Hananiah e be’ nib pagan’uy ngak ma bay madgun Got u wan’.

2 Kings 4:38

Bayay ni yib e uyngol u ga’ngin yang e re binaw nem, me sul Elisa nga Gilgal. Ngiyal’ ni be skulnag ba ulung i profet, me yog ko tapigpig rok ni nge tay ba th’ib nib ga’ nga daken e nifiy nge ngongliy e stew ni garad.

2 Kings 2:5

Me yib ba ulung i profet ni yad ma par u rom ngak Elisa me lungurad ngak, “Mog, ga manang ni bayi fek SOMOL e masta rom e daba’?” Me ga’ar Elisa, “Gu manang, ere dab kud weliyed murung’agen.”

1 Kings 20:35

I yog ba profet ni girdi’en ba ulung i profet ngak bagyad fapi profet ni yow nga ulung ni nge pirdi’iy, ya aram rogon nike yog SOMOL ngak. Machane de rin’ facha’,

1 Kings 18:3

me pi’ Ahab e thin nge yan ngak Obadiah nge yib, ya ir e be ayuweg urngin ban’en u tafen Ahab ni Pilung. Obadiah e be’ ni bay madgun SOMOL u wan’ ma ba yul’yul’ ngak,

Levitikus 25:48

Ma nga tomuren nni chuw’iyrad, ma kabay mat’awunrad niki yira chuw’iyrad bayay. Reb e pumo’on ni walagen

Genesis 22:12

Me ga’ar fare engel, “Dab mu maad’ad ngak e chi pagel nir ara mrin’ ban’en ngak. Kug nang e chiney nib magan’um ngay ni ngam fol rok Got, ya fakam ni kari maagirag rom e da mu tel rok.”

Psalms 115:13

Bayi fal’eg wa’athan urngin e pi’in bay madgun u wun’rad, ni ta’reb rogon e pi’in tolang nge pi’in sobut’.

2 Kings 6:9

Machane me pi’ Elisa e thin nge yan ngak e pilung nu Israel ndab ranod ngaram, ya bay e salthaw nu Syria u rom.

Isaiah 50:1

Be ga’ar SOMOL, “Mogned, gimed be finey ma gu n’agmed e girdi’ rog ni bod be’ ni n’ag le’engin? Ere bu uw babyoren e machuw? Gimed be finey ma gu pi’med nchuway’ ngam kalbusgad ni bod be’ nib mo’on ni pi’ pifak nchuway’ ngar manged sib? Danga’, ni fekmed nga reb e nam ngan kalbus nagmed ni bochan e denen romed; ni fekmed ngam marod ni bochan e kireb romed.

Ruth 1:3

Me yim’ Elimelek me par Naomi ni go ir nge fa gali pumo’on ni fak,

2 Kings 2:7

me lekrow wugem fapi profet nga Jordan. Me tal Elijah nge Elisa u to’oben e lul’ ni Jordan, me sak’iy fapi wugem i profet nib orel boch rorow.

2 Kings 2:15

Me guy fa wugem i profet nu Jeriko Elisa me lungurad, “Gelngin Got ni immoy rok Elijah e ke yag ngak Elisa.” Miyad yib ngak ngarbad ra parawgad nga but’ u p’eowchen,

Proverbs 22:7

Girdi’ ni gafgow e yad e sib ko en ni bfel’ rogon. Ga ra man salpiy ni malfith ma ga ra mang sib ko en ni kam malfith ngak.