2 Kings 3:3 - Bible Ni Thothup

³ Machane, ku bod Jeroboam ni Pilung ni fak Nebat nib m’on rok, i waliy yu Israel nga fithik’ e denen mde tal.

2 Kings 3:3 Referans Kwoze

1 Kings 14:16

Bayi digey SOMOL yu Israel ni bochan e ke denen Jeroboam ma ke waliy e girdi’ nu Israel nga fithik’ e denen.”

2 Kings 17:22

Miyad lek kanawo’en Jeroboam ma dar talgad i rin’ urngin e pi denen niki rin’ Jeroboam,

2 Kings 15:18

Me denen nib togopluw ngak SOMOL, nge mada’ ko ngiyal’ ni yim’ riy nde pag e tin kireb ni i rin’ Jeroboam ni Pilung nib mo’on ni fak Nebat, ni ir e waliy yu Israel nga fithik’ e denen.

2 Kings 15:9

Ma ku bod e pi’in yad ba m’on rok, ni denen nib togopluw ngak SOMOL. Ni i rin’ e tin kireb ni ki rin’ Jeroboam ni Pilung nib mo’on ni fak Nebat, ni waliy yu Israel nga fithik’ e denen.

2 Kings 14:24

Me denen nib togopluw ngak SOMOL, ni i falwok ko kireb ni i rin’ e pilung nib m’on rok ni aram Jeroboam nib mo’on ni fak Nebat, ni waliy yu Israel nga fithik’ e denen.

2 Kings 13:11

Ma ku errogon ir niki denen nib togopluw ngak SOMOL ki yan u kanawo’en Jeroboam ni Pilung nib kireb, ni waliy yu Israel nga fithik’ e denen.

2 Kings 13:6

Machane ku dar paged fapi denen nike waliyrad Jeroboam ni Pilung nu Israel nga fithik’, ya ku ra pired ni aram ngongolrad’; ki par fare liyos ni ya’an Asherah u lan yu Samaria.

2 Kings 13:2

Ma ku bod Jeroboam ni Pilung nib m’on rok, i denen nib togopluw ngak SOMOL i waliy yu Israel nga fithik’ e denen; mar de pag ngongolen nib kireb.

1 Kings 16:31

Gathi kemus ni i rin’ e kireb ni i rin’ Jeroboam ni Pilung; ya ki leay Jezebel, ni fak Ethbaal ni Pilung nu Sidon, me un i tay fan Baal.

1 Kings 15:34

Me denen nib togopluw ngak SOMOL nge waliy yu Israel nga fithik’ e denen, ni bod Jeroboam ni Pilung ni immoy nib m’on rok.

1 Kings 15:26

Me denen nib togopluw ngak SOMOL me waliy yu Israel nga fithik’ e denen, ni bod e chitamngin.

1 Kings 14:9

Pi denen ni kam rin’ e ba gel e kireb riy ko tin ni i rin’ e pi’in ni ur gagiyeggad ni yad m’on rom. Kam pi’ keru’um ngog ma kam k’aring e damumuw ngog ko pi liyos ni ga be ngongliy nge ya’an bogi ban’en nni ngongliy ko wasey ni yibe tayfan.

1 Kings 13:33

Me Jeroboam ni Pilung nu Israel e ku de pi’ keru’ ko pi ngongol rok ni kireb miki par ngi i mel’eg e pi’in prist u lan e yug tabnaw ni ngu’ur pigpiggad ko fapi altar nike toy. Demturug e en ni ba’adag ni nge mang reb e prist me yibley nge mang reb.

2 Kings 17:21

Nga tomuren nike ki’eg SOMOL yu Israel rok yu Judah, me tay yu Israel i Jeroboam nib mo’on ni fak Nebat nge mang pilung rorad. Me Jeroboam e k’aringrad ngar paged SOMOL me waliyrad nga fithik’ e denen ni ubchiya’.

2 Kings 17:23

nge mada’ ko ngiyal’ ni chuwegrad SOMOL u p’eowchen, ni bod nike yog u daken fapi tapigpig rok ni pi profet nra rin’. Ma aram min fek e girdi’ nu Israel ni kalbus nga Assyria ni ka aram e gin ni yad bay riy.

2 Kings 21:16

I Manasseh e thang e fan rok bo’or e girdi’ ndariy ban’en ni kar bucheged, nge sugnag e racha’ rorad daken e yupa’ i kanawo’ nu Jerusalem ni be yan ni lul’; i rin’ e ran’ey nge cheg ko girdi’ nu Judah ni waliyrad ngu’ur tedfan yug boch e got, ni aram tapgin miyad denen nib togopluw ngak SOMOL.

2 Kings 23:15

Miki kirebnag Josiah e gin yima meybil riy u Bethel, ni Jeroboam ni Pilung ni fak Nebat e ngongliy, ni ir e waliy yu Israel ngar denengad. Me buthug Josiah e altar riy, me t’et’ar e malang riy nge nochiyang, me pirpirdi’iy me ngal’ ni ab; miki urfiy fare ley i ren ni kani suweg ni fan ngak fare got ni bpin ni Asherah.