2 Kings 21:3 - Bible Ni Thothup

³ Miki toy bayay fa yungi tagil e tayfan ni fa’an ni gathay i Hezekiah ni chitamngin; i ubung e pi altar ni fen e tayfan ngak Baal me ngongliy ba liyos ni ya’an fare got ni bpin ni Asherah, ni bod ni rin’ Ahab ni Pilung nu Israel. Manasseh e ki un i tayfan e pi t’uf.

2 Kings 21:3 Referans Kwoze

2 Kings 18:4

I gathay fa yungi tagil’ e meybil rok e pi’in ndar nanged SOMOL, me t’ar fapi yu raba’ i malang nga but’ me th’ab nga but’ fapi liyos ni ya’an fare got ni bpin i Asherah. Miki tet’ar nge yuchiyang fare ya’an e porchoyog ni bronze ni ngongliy Moses, min tunguy Nehushtan ngay. Ma kakrom nge mada’ ko ngiyal’nem e ma urfiy e girdi’ nu Israel e pi incense ni yad be tayfan.

2 Kings 17:16

Ra th’abed urngin e motochiyel rok SOMOL ni Got rorad ngar ngongliyed l’agruw i wasay ni ya’an fak e garbaw ni pumo’on ni ngu’ur tedfan; mu kur ngongliyed ya’an fare got ni bpin ni Asherah, mu’ur tedfan e pi t’uf, mu’ur pigpiggad ngak fare got ni Baal.

Deuteronomy 17:3

ni bochan e be pigpig ma be tay fan yug boch e got, ara yal’, ara pul, ara t’uf, nib togopluw ko tin keyog SOMOL.

Deuteronomy 4:19

Gimed ra sap ngalang ni mu guyed e pin’en nib sug riy, ni aram e yal’ nge pul nge t’uf, ma ngam guyed rogon nge dab mu ted fan ara mu meybilgad ngay. Ya SOMOL ni Got romed e ke pi’ e tiney ngak yugu boch e nam u gubin yang yad be tayfan,

Mikah 6:16

Bayi buch e pin’ey ya kam folwokgad ko kireb ni i ngongliy Omri ni Pilung nge fare pumo’on ni fak, i Ahab ni Pilung. Ya kam pired ni gimed be folwok ko tin ur rin’ew, ere bay gu kireb nagmed me dabuy gubin e girdi’ dakanmed.”

BABYOR NI JOB 31:26

Dawor gu meybil ko yal’ ni be mat ra’en, ara pul nike yan i fel’ ram’en.

2 Kronicles 34:3

U lan e re duw ni gaman e meruk ngay nike pilung Josiah, nnap’an ni kab pagel, me tabab i liyor ngak Got rok e ga’ rok ni aram David ni Pilung. Ma aningeg e duw nga tomuren me tabab i gathay yungin ntagil’ e tayfan rok e pi’in ndar nganged Got, nge pi pow rok Asherah ni fare got ni bpin, nge urngin e liyos.

2 Kronicles 32:12

Irera’ e cha’ ni gathay e pi tagil’ e liyor ngak SOMOL nge gubin e pi altar riy me cheal nge yog ko girdi’ nu Judah ngu Jerusalem ni kemus ni ta’reb e altar ni ngu’un liyor ma yibe urfiy e incense riy.

2 Kings 18:22

Miki ul ul fapi pilungen e salthaw nu Assyrian ngar ga’argad, “Ma ra lungumed e SOMOL ni Got romed e ir e be pagan’med ngak, ma gathi ir faram fare Got ni kirebnag Hezekiah fapi altar rok ni bay ko fapi burey? Me ir e yog ngak yu Judah nge yu Jerusalem ni kemus ni fare altar ni bay u Jerusalem e ngar meybilgad riy.

2 Kings 8:27

Ku ta’reb rogon e n’en ni rin ko tin i rin’ e tabnaw rok Ahab, i rin’ e n’en nib kireb u p’eowchen SOMOL, ya bay tha’en ko re tabnaw rok Ahab nem.

2 Kings 8:18

Ma le’engin e be’ ni bpin ni fak Ahab, miki bod fare tabnaw rok Ahab niki yan u kanawo’en e kireb rok fapi pilung nu Israel. I denen nib togopluw ngak SOMOL,

1 Kings 18:26

Miyad fek fare garbaw ni ka ni fek i yib ngorad ngar ngongliyed rogon, miyad meybil ngak Baal nge mada’ ko misiw’. Miyad tolul ni lungurad, “Baal, mfulweg taban e meybil romad!” Miyad par ni yad be churu’ ma yad be liyeg fare altar ni kar ubunged, machane de fulweg Baal taban e meybil rorad.

1 Kings 18:21

Me yan Elijah ngorad me ga’ar, “Uw n’umngin nap’an ni ngam pired mfin gimed duwgiliy lanin’med! Fa’anra SOMOL e ir Got, mi gimed fol rok; ma fa’anra Baal e ir e Got, mi gimed fol rok!” Me par e girdi’ nda rogned ta’ab bugithin.

Deuteronomy 16:21

“Nap’an ni gimed ra toy ba altar ni fan ngak SOMOL ni Got romed, ma dab mu ted nga charen, ba ren ni kan toy ni pow ko fare got ni bpin ni Asherah.

Deuteronomy 17:2

“Fa’an gimed ra pir’eg u lan reb fa yochi binaw romed be’ nib mo’on fa be’ ni bpin nike denen nib togopluw ngak SOMOL ke th’ab fare m’ag ni ngongliy Got u thilmed

Deuteronomy 20:18

Mu li’edrad ngarm’ad, ya nge dab ra waliyed gimed ngam denengad nib togopluw ngak SOMOL ko tin yad ra fil ngomed ni ngu’um rin’ed nib sonogor ni yad ma rin’ u rogon ni yad ma tay fan e pi got rorad.

Jeremiah 7:30

“Girdi’ nu Judah e ka ra ngongliyed ban’en nib kireb. Fapi liyos rorad ndabug e ka ra feked ka ra ted ngalan e Tempel rog ka ra ta’ay niged.

2 Kings 13:6

Machane ku dar paged fapi denen nike waliyrad Jeroboam ni Pilung nu Israel nga fithik’, ya ku ra pired ni aram ngongolrad’; ki par fare liyos ni ya’an Asherah u lan yu Samaria.

Isaiah 65:11

“Machane rib thil ngomed e pi’in kam pi’ed keru’med ngog, ni kam feked yathin yu Zion, ni fare burey rog nib thothup, gimed be meybil ngak Gad nge Meni, ni fagal got ko wol nge wa’athey.