2 Kings 2:8 - Bible Ni Thothup

⁸ Me fek Elijah wuru’ e mad rok nge bachiy me toy nga daken e ran; me ki’ e ran u lan e lul’, mi yow yan nga baraba’ e lul’ u daken e but’ nib mlik’.

2 Kings 2:8 Referans Kwoze

1 Kings 19:19

Me yan Elijah me pir’eg Elisa ni be maruwel ko garbaw ni pumo’on be gi’ e but’; ragag nge l’agruw wu’ e garbaw e bay nga m’on rok ma wu’ ni tomur e be maruwel ngay. Me luf Elijah wuru’ e mad rok nib n’uw nge yin’ nga daken Elisa.

2 Kings 2:14

Me toy fare wuru’ e mad rok Elijah nga daken e ran me ga’ar, “Bu uw SOMOL ni fare Got rok Elijah?” Ma nap’an ni yodorom nge mu’ me ki’ bayay e ran, me yan nga barba’.

Hebrews 11:29

Ma michan’ rok piyu Israel ngak Got e ir e ayuweg piyu Israel ngar th’abed fa gi day ni kanog e Red Sea ngay ni gowa yad be yan u daken e binaw; ma fa’an ni lekrad yu Egypt, me yib e day nga dakenrad.

Isaiah 11:15

Bayi mliknag SOMOL lan fare Nguy ni Suez, ma ra pi’ e nifeng nib guwal nge mliknag e lul’ ni Eufrates, kemus ni medlip pa’ e lul’ nib achig e pag nrayag ni nge yan be’ u barba’ nga barba’.

1 Kings 19:13

Fa’ani rung’ag Elijah fare lam me upunguy owchen ko thal ni wuru’ e mad rok, me yib nga wean nge yib i sak’iy nga langan fare yiy. Me ga’ar ba lam ngak, “Elijah, mang e ga be rin’ u roy?”

Revelation 16:12

Me pu’og fa bin nel’ e engel e ba’ rok e plet nga daken fare lul’ ni ba ga’ ni Eufrates fithingan. Me mlik’ fare lul’ nge mang kanawo’ ngak e pi pilung ni ngarbad u lan e ngek.

Hebrews 11:37

Ma un malang nagrad ngarm’ad, ma un goloyochiy boch i yad nge ruw ley, ma boch i yad e un li’ ko saydon. Ma uranod i yan ni keru’ e saf nge kaming e kron’ed ni mad, ni kar gafgowgad, ma yibe gafgow nagrad, ma ba kireb e ngongol ni yibe rin’ ngorad.

Exodus 14:29

Machane piyu Israel e ranod u daken e but’ nib mlik’ u maday, ni bay e day u baraba’ ngu baraba’ e kanawo’ rorad.

1 Samuel 28:14

Me fith Saul ni ga’ar, “Uw rogon ya’an?” Me fulweg fare pin ni ga’ar, “Be’ nib mo’on nib pilibthir e be yib ngalang. Bay ba wuru’ e mad nib n’uw u daken.” Me nang Saul ni Samuel eram, me siro’ ni aram e ke tayfan.