2 Kings 2:4 - Bible Ni Thothup

⁴ Me ga’ar Elijah ngak Elisa, “Mpar u roy, ya ke l’ugeg SOMOL ni nggu wan nga Jeriko.” Machane me fulweg Elisa ni ga’ar, “Rogon feni bmich ni gub yul’yul’ ngak SOMOL nge gur, e aram feni dab gu pagem.” Ma aram mi yow yan nga Jeriko.

2 Kings 2:4 Referans Kwoze

2 Kings 2:2

ma nap’an ni yow be yan me ga’ar Elijah ngak Elisa, “Mpar u roy, ya ke l’ugeg SOMOL ni nggu wan nga Bethel.” Machane me ga’ar Elisa, “Rogon feni bmich ni gub yul’yul’ ngak SOMOL nge gur, e aram feni dab gu pagem.” Ma aram mi yow yan nga Bethel.

Joshua 6:26

Me ning Joshua chiylen ngak e girdi’ e ngiyal’nem ni ga’ar, “En nra guy rogon ni nge fulweg e re binaw nu Jeriko ney nga rogon e ra bucheg SOMOL wa’athan. En nra tabab i muruwliy e ra yim’ e bin th’abi ilal i fak ni pumo’on; ma en nra ubung e garog riy e ra yim’ e bin th’abi bitir i fak.”

Luke 19:1

Me yan Jesus ngalan yu Jeriko ni nge th’ab lan binaw nge yan.

2 Kings 4:30

Me ga’ar fare pin ngak Elisa, “Rogon feni riyul’ ni gub yul’yul’ ngak SOMOL ni be par nib fos nge gur e erfeni dab gu pagem!” Ma aram me un Elisa ngak fare pin ngar sulow.

1 Kings 16:34

Ngiyal’ ni ir e be gagiyeg me Hiel nu Bethel e ngongliy rogon bayay fare binaw nu Jeriko. Fa’ani tay pa’ ko maruwel, me yim’ Abiram ni bin nganni’ i fak ni pumo’on, ma fa’ani ngongliy rogon e pi garog nu Jeriko, me yim’ Segub, ni bin th’abi bitir i fak ni pumo’on, ni bod rogon ni yi’iynag SOMOL u l’ugun Joshua ni fak Nun.

Acts 11:23

Fa’ani taw me guy rogon nike ayuweg Got fapi girdi’, me felan’ me tay ir ngorad ni yad gubin ni ngu’ur pired ni yad ba yul’yul’ ma yad bmuduwgil ngak Somol u polo’ i lanin’rad.

Acts 2:42

Ma ur pired ni be machib nagrad e pi apostel, ma yad be par nike ta’reban’rad, ma yad be abich ma yad be meybil u ta’bang.

1 Samuel 1:26

Me ga’ar Hannah ngak, “Siro’ ngom, ka ga manangeg fa danga’? I gag fare pin ni mu guyeg u roy ni gub sak’iy ni gu be meybil ngak SOMOL.

Joshua 6:1

Ma kan ning e garog ko binaw nu Jeriko nrib fel’ rogon, ni fan e nge dabiyag ni yib piyu Israel ngalan. Ma dariy be’ ni ku rayag ni nge yan ngalan e re binaw nem ara yan nga wuru’.

Ruth 1:16

Machane me fulweg Ruth ni ga’ar, “Dab mu wenig ngog ni nggu pagem; ma dab mu guy rogon ni nge dab ku gu un ngom! Ya demturug e gin’en ni ga ra yan ngay, ma gu ra un ngom; ma demturug e gin’en ni ga ra par riy, ma gu ra un riy ko par. Girdi’ rom e bayi mang girdi’eg; ma Got rom e bayi mang Got rog.