2 Kings 13:3 - Bible Ni Thothup

³ Ere me damumuw SOMOL ngak yu Israel, me pag Hazael ni Pilung nu Syria nge Benhadad nib mo’on ni fak nge gel ngak yu Israel u bayay ngu bayay.

2 Kings 13:3 Referans Kwoze

1 Kings 19:17

En nra thay rok Hazael e bayi thang Jehu e pogofan rok, ma en nra thay rok Jehu e bayi thang Elisa e pogofan rok.

Judges 2:14

Mri damumuw SOMOL ngak piyu Israel me pag ngan giliw nagrad ngan fek e tirorad ban’en. Me pag e to’ogor rok piyu Israel u to’obrad i yan ngar gelgad ngorad, ma dakiyag rok piyu Israel ni ngar ayuweged yad.

2 Kings 12:17

Ma ngiyal’nem e yib Hazael ni Pilung nu Syria i mael ngak fare binaw nu Gath nge kol; ma aram me turguy u wan’ ni nge mael ngak yu Jerusalem.

Hebrews 12:29

ya Got rodad e riyul’ nib nifiy nma urfiy ban’en.

2 Kings 13:22

I Hazael ni Pilung nu Syria e i gafgownag yu Israel ni n’umngin nap’an e gagiyeg rok Jehoahaz,

Judges 3:8

Ma aram me damumuw SOMOL ngak yu Israel me pag e Kushan Rishathaim ni Pilung nu Mesopotamia nge kolrad. Miyad par u tan pa’ ni meruk e duw.

Deuteronomy 28:25

“Bayi pag SOMOL e to’ogor romed ngar gelgad ngomed ko mael. Bay mmarod ko mael u ta’bang, machane gimed ra cheal u luwmed ngam milgad ni yug ra bigimed ma gin nra mil ngay. Ma gubin e girdi’ u daken e fayleng ma yad ra yim’ ko marus u nap’an ni yad ra guy e tin ke buch romed.

Levitikus 26:17

Bay gu pi’ keru’ug ngomed, ya ngam waergad, ma pi’in yad ba fananikaymed e bay ra gagiyeg niged gimed; bay um pired u fithik’ e marus ngu’um milgad ndariy be’ ni be tulufmed.

Jeremiah 49:27

Bay gup e nifiy ko pi yoror nu Damascus mu gu urfiy nga but’ fare tafen e pilung rok Benhadad ni Pilung. I Gag SOMOL ni Gubin ma Rayag Rok e kugog e pi thin ney.”

Amos 4:10

“Gu pag e msilipig ngomed ni bod fa binem ni gu pag ngak piyu Egypt. Kug thang e fan rok e pi’in pagel romed u fithik’ e mael mu gu fek e pi os romed. Mu gu suguy p’ethungmed nga bon e yam’ u lan gin gimed be par riy. Machane ku da mu sulod ngog.

2 Kings 17:20

Me fek SOMOL owchen rok urngin piyu Israel, me gechig nagrad me pi’rad nga pa’ e pi to’ogor ni buchan’ nma’ngach nge yan i taw ko ngiyal’ nike tharbegrad u p’eowchen.