2 Kings 13:1 - Bible Ni Thothup

¹ U lan e re duw ni rliw’ nge dalip ko gagiyeg rok Joash ni Pilung nu Judah nib mo’on ni fak Ahaziah, me mang Jehoahaz nib mo’on ni fak Jehu e pilung nu Israel, me yog e thin u Samaria ni ragag nge medlip e duw.

2 Kings 13:1 Referans Kwoze

2 Kings 11:21

I Joash e medlip e duw yangren me mang pilung nu Judah.

2 Kings 11:4

Machane u lan e re duw ni gaman e medlip ngay me pining Jehoyada ni prist e pi tolang ko salthaw nib milfan ngorad e pi tamatnag ko pilung nge pi’in nma pos u tafen e pilung, me yog ngorad ni ngarbad nga Tempel, ko gin ni yog riy ngorad ni ngar pininged e kefel’ u fithingan Got ko tin ke leamnag ni nge rin’. Me dag Joash ngorad ni fare pagel ni fak Ahaziah ni Pilung

2 Kings 8:26

ni ngiyal’nem e ke gaman rliw’ nge l’agruw e duw rok, me par u Jerusalem ni ta’reb e duw ni yog e thin u rom. Chitinngin e Athaliah, ni be’ ni bpin ni fak Ahab ni Pilung ma Omri ni Pilung nu Israel e tutuw rok.

2 Kings 13:2

Ma ku bod Jeroboam ni Pilung nib m’on rok, i denen nib togopluw ngak SOMOL i waliy yu Israel nga fithik’ e denen; mar de pag ngongolen nib kireb.

2 Kings 10:30

Me ga’ar SOMOL ngak Jehu, “Ka mu rin’ gubin e tin gub adag ni ngam rin’ ngak e pi’in owchen Ahab. Ere gu be micheg ngom ni pi’in owchem nge mada’ ko bin ni aningeg e mfen e bay ur manged pilung u Israel.”

2 Kings 12:1

U lan e re duw ni medlip ko gagiyeg rok Jehu ni Pilung nu Israel, me mang Joash e pilung nu Judah, me yog e thin u lan yu Jerusalem ni aningeg i ragag e duw. Ma chitinngin e Zibiah ni be’ ko fare binaw nu Beersheba.

2 Kings 13:10

U lan e duw guyey nge medlip ko gagiyeg rok Joash ni Pilung nu Judah, me mang Jehoash e pilung nu Israel nib mo’on ni fak Jehoahaz, me yog e thin u Samaria ni ragag nge nel’ e duw.

2 Kings 15:12

Ma aram me yib i m’ug nib riyul’ fare bugithin ni micheg SOMOL ngak Jehu ni Pilung, ni fa’ani ga’ar: “Pi’in owchem i yib nge mada’ ko bin aningeg e mfen e bay ur manged pilung nu Israel.”