2 Kings 10:9 - Bible Ni Thothup

⁹ Me kadbul me yan ko fare garog me ga’ar ngak fapi girdi’ ni yad bay u rom, “I gag e cha’ ni gu makath nib togopluw ngak Joram ni Pilung mug thang e fan rok; gathi gimed e kireb romed e binem. Machane mini’ e ke thang e fan rok e picha’ney?

2 Kings 10:9 Referans Kwoze

Hosea 1:4

me ga’ar SOMOL, “Mu tunguy fithingan ni Jezreel, ya dabki n’uw nap’an mug gechignag fare pilung nu Israel ni bochan e mathang pogofan ni i tay Jehu ni reb e ga’ rok kakrom u Jezreel. Aram e nggu moseg e birok Jehu e gagiyeg.

Isaiah 5:3

Ere chiney e be ga’ar e fager rog, “Gimed e girdi’ ni gimed be par u Jerusalem ngu Judah, mu turguyed ko gag e gub kireb ara fa gi woldug rog ni grapes e ba kireb.

1 Samuel 12:3

Ere gub aray. Fa’anra kug ngongliy ban’en nib kireb, me ere mogned e chiney u p’eowchen SOMOL nge fare pilung ni ir e ke duwgiliy. Mogned, kug fek e garbaw ara dongki rok be’? Ka’a gu bannag be’ ara kug gafgownag be’? Ka’a gu fek puluwon e sasaliyab? Fa’anra kug rin’ reb e pin’ey ma nggu pi’ puluwon e tin kug fek.”

2 Kings 10:6

Miki yoloy Jehu bang e babyor nge yan ngorad: “Fa’anra gimed bay u ba’ rog ma kam fal’eged rogomed ni ngam rin’ed e tin ni gu ra yog ni ngam rin’ed, me ere mu feked lolugen e pi’in owchen Ahab ni Pilung i yib ngog nga Jezreel ko ngiyal’ney gabul.” Fa medlip i ragag i pi’in owchen Ahab ni Pilung e urmed u tan pa’ e pi tayugang’ nu Samaria, ni yad e ur chugliyedrad.

2 Kings 10:8

Ma nap’an nnog ngak Jehu ni kani fek i yib fapi llug ni lolugen e pi’in owchen Ahab, me yog ni ngan tay ni l’agruw ulung u langan e garog ko fare binaw min digey u rom nge yani kadbul u reb e rran.