2 Kings 10:4 - Bible Ni Thothup

⁴ Fapi tagagiyeg nu Samaria e rrusgad nib gel. Me lungurad, “Urgon ni ngad togopluwgad ngak Jehu, ni fa’anra de yag rok Joram ni Pilung fa Ahaziah ni Pilung?”

2 Kings 10:4 Referans Kwoze

2 Kings 9:27

Me guy Ahaziah ni Pilung e n’en ke buch, ma aram me mil u chariot rok i yan ko fachi binaw nu Beth Haggan, ni be tuluf Jehu. Me yog Jehu ngak e pi salthaw rok ni ga’ar, “Kum thanged e fan rok!” Miyad maad’ad ngak ni be yan u chariot rok u kanawo’ i yan nga talang nga Gur, u to’oben fachi binaw nu Ibleam. Machane mri athmagil nge yan nge taw ko fare binaw nu Megiddo, ni aram e gin ni yim’ riy.

2 Kings 9:24

Me girengiy Jehu e gat’ing rok, me pag ba gan e gat’ing ni kari mus gelngin me yan ni rog nga daken keru’ Joram nge kuruf gumircha’en. Me thig Joram u lan e chariot rok nike yim’,

Luke 14:31

Fa’anra yan reb e pilung nike fek ragagi biyu’ e girdi’ ni nge cham ngak reb e pilung nike yib ni nge togopluw ngak ni rliw’ e biyu’ e girdi’ e ke fek, ma som’on e ra par nga but’ nge leamnag ko ba gel nra mada’nag fa binem e pilung fa danga’.

Nahum 1:6

Nap’an e ra damumuw, me mini’ e rayag ni fas? Mini e rayag ni fas u gelngin e damumuw rok? I pu’og e damumuw rok ni be daramram; me pilpil e war nge par ni bod e fiyath u p’eowchen.

Jeremiah 49:19

Bod ba layon ni yib u fithik’ e gerger u charen e lul’ ni Jordan ngalang ko gin nib galunglung nma abich e gamanman riy, amrogon ni bay gu tuluf e piyu Edom ngar milgad nib tomgin ngar chuwgad ko nam rorad. Re tolang ni gu ra mel’eg e ra gagiyegnag fare nam. Mini’ e rayag ni nge ta’reb rogon ngog? Mini’ e ra math’ magran rok ni nge togopluw ngog? Mini’ e re tagagiyeg nrayag rok ni nge paluwyeg?

Isaiah 27:4

Dak gur damumuw. Machane fa’anra tugul e rchangal ngay, ma bay gu kirebnag nggu orfeg nga but’.

2 Kings 10:3

ma ngam mel’eged e cha’ nra bung ni nge pilung u fithik’ e pi’in owchen fare pilung, ngam pilung niged, mi gimed yororiy ko cham nra yib ngak.”

BABYOR NI JOB 41:8

Ta’ab yay ni ga ra math ngak ma dabki ga’aran’um ni ngam math ngak bayay; ya dabki m’ay u wun’um rogon nma cham!