2 Kings 1:9 - Bible Ni Thothup

⁹ Ma aram me l’oeg reb e tolang ko salthaw nib mu’un wugem e salthaw ngak ni ngranod ra feked Elijah. Me pir’eg fare tolang ko salthaw i Elijah nike par nga but’ u daken e ted me ga’ar ngak, “Fare Girdi’ rok Got, be ga’ar e en ni pilung e nga mub nga pe’ning.”

2 Kings 1:9 Referans Kwoze

Hebrews 11:36

Ma boch i yad e un moningnag ma yibe toy, ma boch i yad e ni m’ag nga nin’ nga kalbus.

Mark 15:32

Mmarow ngad guyed fare Messiah ni ir e pilung nu Israel ni nge luw u kuruth nga but’ e chiney, me michan’dad ngak!” Ma ku errogon fa gali cha’ nni chagiyrow ngak Jesus ngan kuruthnagrow ni rognew e thin nib kireb ngak Jesus.

Mark 15:29

Ma pi’in yad be yib ngu’u ranod ko gin’em e ur chichingeged lolugrad mu urogned e thin nib kireb ngak Jesus ni be lungurad, “Aha, i gur faram e mfiney ni ngam buthug e Tempel ngam toy u lan dalip e rran nge m’ay!

Matthew 27:29

Ma aram miyad fek yu pa’ i ban’en ni bay rachangalen ngar te’eliyaw niged ngay, miyad tay ba ley i rouy ngalan e ba’ ni mat’aw i pa’; miyad ragbug u p’eowchen ngu’ur moninggad ngak, me lungurad, “Nge n’uw nap’an ni par e pilung rok piyu Israel!”

Matthew 26:68

e lungurad, “Messiah, mog ngomad ni bod rogon e profet ko mini’ e ke bat nigem!”

Matthew 14:3

I Herod e yog ni ngan kol John ngan m’ag nga nin’ nga kalbus. I rin’ ni aram rogon ni bochan Herodias ni i leengiy Filip ni walagen.

Amos 7:12

Me ga’ar Amaziah ngak Amos, “Profet ngam mus u wur! Mu sul ko nam nu Judah ngu’um machib u rom ma yad be pi’ puluwom riy.

1 Kings 22:8

Me ga’ar Ahab, “Kabay ta’abe’, ni Mikayah fithingan, ni fak Imlah. Machane kug dabuy daken, ya dariy ban’en ni bfel’ nike yi’iynag ngog; gubin ngiyal’ ni ban’en nib kireb e ma yi’iynag ni nge yib ngog.” Me ga’ar Jehoshafat, “Dabmog e bug nir e thin!”

1 Kings 19:2

Me pi’ Jezebel e thin nge yan ngak Elijah ni ga’ar, “Mang e yigi gad e pi got pa’rad ngog nggum’ ni fa’anra yan i taw ko ngiyal’ney gabul ma dawor gu rin’ ngom e n’en ni kam rin’ ngak fapi profet.”

1 Kings 18:42

Ma fa’ani yan Ahab ni nge abich, me yan Elijah nga daken p’ebugul e burey ni Karmel, me yan i siro’ nge mada’ lolugen nga thilin bugun.

1 Kings 18:10

Gu be micheg u p’eowchen SOMOL ni be par nib fos, ni ir e Got rom, ni en ni pilung e ke gayem u gubin e nam u fayleng. Ma yira yog ngak u reb e nam nda mmoy u rom me yog ni pilung ko fare nam e ngari micheg ndawor ni piri’egem u rom.

1 Kings 18:4

ere nap’an ni be thang Jezebel e pogofan ko pi profet rok SOMOL, me mithag Obadiah ra’ay i yad ngalan e yiy, nra reb e yiy me tay wugem i yad ngay mi i pi’ e ggan nge garbod ngorad.

Luke 9:54

Ma fa’ani guy James nge John ni gachalpen Jesus ni aram rogon me lungurow, “Somol, ga ba’adag ni nggu piningew e nifiy nge yib u tharmiy nga but’ nge li’rad?”

Jeremiah 35:4

mug fekrad I yan nga Tempel. Gu fekrad ngalan fare senggil rok pi gachelpen fare profet i Hanan nib mo’on ni fak Igdaliah. Re senggil ney e bay nga daken e birok Maaseyah e senggil nib mo’on ni fak Shallum, ni be’ nib tolang u Tempel, ma bchugur e re senggil ney ko fa tinem e senggil rok e tin kabay e tolang u rom.

1 Samuel 19:21

Ma fa’ani rung’ag Saul salaprad me ki l’oeg boch e mol’og ngranod, ma ku aram rogon ra tawgad miyad tabab i weliy e yi’iy. Me l’oeg boch e pi mol’og ngranod ni aram e bin dalip e ulung, ma fa’an ranod ma ku aram e n’en nranod rrin’ed.

1 Kings 17:18

Me ga’ar ngak Elijah, “Gur e girdi’ rok Got, mang ni kam rin’ e biney e pa’ ngog? Mog, mub ngaray ni ngam puguran e denen rog ngak Got ya nge yim’ fakag?”

2 Kings 2:25

Me yan u rom ko burey ni Karmel fithingan, ni aram e nge sul nga Samaria.

2 Kings 4:25

Me yan ko Burey ni Karmel fithingan ko gin bay Elisa riy. Me changar Elisa me guy fare pin ni kab orel ni be yib, me ga’ar ngak Gehazi ni tapigpig rok, “Mu sap, ke yib fare pin nu Shunem!